殷悅

營業中

休息中

幾年前食過呢間中菜廳，覺得質素非常好，原來當時係有米之蓮推介，今日跟住屋企人以住客身份嘆個早午茶，住客有八折優惠。如果正價都真係幾貴。未食前望住個咁開揚嘅view都幾嘆但今日覺得啲嘢食變得10分普通蝦餃真係好大粒，每隻餃入邊都有兩隻蝦🦐🦐蝦肉彈牙爽口，但調味偏淡，皮又厚，整體感覺麻麻哋翡翠素餃，無咩特別大大隻鮑魚酥皮撻，其實分開兩樣嘢係好食嘅，但佢哋真心唔夾，兩種口感唔同嘅食物撞埋一齊，呢個係完美的錯誤示範一鹹一甜，一軟一硬，感覺10分奇怪呢個龍躉蒸飯，蒜香味不足，而且飯根本冇索到魚油，所以成個飯都味道偏淡。呢餐飯得一個人好欣賞😂😂 就係媽咪啦～因為佢平時飲食都好健康，10分欣賞呢到嘅「清茶淡飯」仲要話做會員

今日晏晝同同事一齊去飲茶，有同事提議去熊貓酒店上面嘅殷悅飲茶，我第一次黎依度飲茶，裝修環境好優雅而且寧靜，觀景亦都好開揚，不失為一個放鬆嘅好地方。點心好精緻，燒賣爽口彈牙，而且個賣相好吸引，一放上枱已經急不及待放入口啦。佢既點心全部都係即叫即蒸，上到嚟都係熱辣辣嘅，叉燒包好鬆軟，而且唔會太甜。棉花雞好入味，而且材料都好豐富有冬菇同唔少嘅魚肚。蝦餃絕對稱得上係皮薄飴靚蝦肉爽口彈牙又鮮甜。層皮煙煙銀銀又唔厚身，做出來的蝦餃晶瑩剔透蝦腸十分之軟滑，每一隻蝦都十分之爽口彈牙，又大隻，而且佢層皮唔會好似棉胎甘厚煎釀三寶新鮮炸起，但一啲都唔油膩，肉滑好爽口。雖然呢間酒樓比一般嘅酒樓係貴咗啲但絕對物超所值，服務員嘅態度好親切，環境又舒適，而且最緊要食物嘅水準真係出乎我意料之外

最近一直為件重要的事而心煩，昨晚總算得到一個兩全其美的辦法，心情終可放鬆一下，見今早天朗氣清，便相約P爸媽飲茶陪吓自己，見阿J同松松大爺好夢正濃，於是決定唔叫醒佢地。見天色好，所以決定去夠高又有落地大玻璃的殷悅飲茶，夠哂開揚。今天的小食是滷水花生及炸蝦乾，特別要讚那炸蝦乾，炸得通透，有濃濃的蝦味。P爸是蝦餃痴，飲茶食蝦餃是指定動作。這裡的是露筍蝦餃，好大隻，但只得三隻，是新鮮蝦，夠爽同大，露筍亦爽甜，唔錯。P媽就好鍾意食雞飽仔，飽夠軟，d餡料蝦仲多過雞肉，味道一般。 九皇帶子腸~ 腸粉算薄，但帶子是碎粒，不是原隻，九皇偏少，普普通通。麻辣金錢肚 ~ 夠哂麻辣，金錢肚爽口入味，份量亦量多，好味。咖哩土魷 ~ 土魷夠新鮮大隻，但由於麻辣金錢肚的麻辣味太勁，令我不太食到咖哩味。飽汁鮮竹卷 ~ 好抱歉，可能味蕾仍被強勁的麻辣影響，我食唔到飽汁味，反而鮮竹卷就好足料，筍絲同香菇味好濃。薑蔥肉蟹粥 ~ 極力推介這粥，足半隻大新鮮蟹，糕勁多，肉質夠實味鮮甜，伴碟的材料亦不馬虎，正！正當以為食飽之際，P爸爸忽然話想食咸水角 ，於是乎便叫吧！一口咸水角 ~ 另一道有水準的點心，剛炸好，燙手，夠乾身，一

星期六天氣好,難得放假就諗住去嘆個悠悠早茶,一早打去訂了位, 職員都一早提醒仍然可能要等位,俾定心理準備,到達接待相浦頭後落番去閒逛廿分鐘左右就有位了,都算快~二人穩膽都唔敢叫太多食物, XO醬瑤柱腸粉 - 有鑊氣,同平時酒樓用煎PAN煮的好大分別 煎釀三寶 - 蝦膠彈牙,唔會太油膩 杏片香脆蝦球 - 一定要試試,咬落時口感好複雜,杏仁好香炸漿脆但D蝦又好彈 蟹粥 - 粥綿,不過好似咸左少少 叉燒包 - 正常水平咯 蝦餃 - 新鮮 無咩好挑剔吧有機會下次試多d其他特色食品想試藍莓叉燒酥!整體來講,水滾茶靚,服務員都眼明手快咁~AE有八五折啊