鋿晶館

營業中

休息中

今日放工突然好想食點心。上#openrice 揾到呢間#鋿晶館 。記得之前係#上環 行#永安百貨 附近見過佢。不過今日我就去間近我嘅#荃灣 分店食食佢。上網見佢話係日本嘅高級餐廳做左好多年，之後番香港就做米芝蓮酒店嘅主管。所以到啲點心都有番啲期待。想知啲點心整得好唔好，就一定要試下腸粉同蝦餃。💋#蝦餃作為一個老母好鐘意飲茶嘅女兒，我都會成日去下唔同酒店飲茶。佢依間嘅蝦餃，真係有酒店嘅質素。先講個皮，薄而唔爛，仍然好有texture. 蝦有兩三隻爽口大蝦係入面。所以你見到個size 真係好大隻。高質！💋#脆蘿蔔腸粉依個蘿蔔腸粉我第一次見。佢就好似腸粉皮包住加左少少辣味嘅蘿蔔絲酥，外脆內軟。腸粉皮亦到做得好岀色，唔軟爛。💋黑松露北菇#燒賣皇最怕燒賣入面包左勁多肥膏。但依個燒賣食落一啲都唔油膩。入面嘅肉打到好綿滑，北菇好香，加上黑松露，成個口都係菇味。💋鮮蝦菜苗餃餃入面嘅菜苗仲係好新鮮。一定係即叫即包先會有依種菜味。如果係提早整定嘅雪藏貨，啲菜會變到好淋。由此睇得岀佢嘅點心係自家制。總括嚟講，性價比好高。下次想食點心，我會再嚟依家幫襯。同類型#點心店 ，我覺得完勝#添好運 。

今日專登黎呢間食點心！因為前排有朋友係呢度食完話呢間既點心好出色，所以襯今日黎荃灣買野順便過黎食😋餐廳標榜點心係即製～所以要等耐少少～果然上碟熱辣辣！先黎個蝦餃同叉燒包！呢個叉燒包好正，一咬落去啲叉燒汁擁晒出黎，好多汁，小心燙親！但真係幾Juicy 😋足料！之後到呢個蝦餃，食到佢既材料都係用啲大蝦黎做，所以蝦肉既肉質好實好好食，唔係平時普通茶樓既蝦餃～🥰之後就係炸既點心！叫左個蝦春卷同咸水角，又係新鮮熱辣！燙口架～小心睇熱！🤤春卷個蝦都係用大蝦整，所以都係好好食，外層又炸到好脆，好大份，抵食！咸水角既口感好煙靭，比平時食到既口感唔同似年糕既口感，外層都係好脆～最後就係黑松露燒賣！😍呢個係我至愛，好大粒，又冇肥豬肉，好好食～ 呢度既點心兩個人黎食都岩岩好，因為有兩粒裝既點心叫～而且性價比好高，價錢唔貴，聽講個點心師傅係做過米芝連餐廳既主管lol唔怪得食落係唔同啲！真係好食好多～會再返黎食🥰

響荃灣西附近買野，見到有間點心新裝修，入面坐得好舒服，睇落好吸引，所以入去食晚飯😋🌟 月半彎晶瑩鮮蝦餃 （$19）蝦餃皮晶瑩通透，皮薄，蝦肉新鮮彈牙，份量十足，蝦餃餡多汁，必點😋😋🌟 黑松露北菇燒賣皇 （$17）黑松露好香，好重黑松露味道，燒賣彈牙，食落口唔會應覺好肥膩，豬肉餡內有鮮蝦，令口感更加豐富😋😋🌟 迷你珍珠雞 （$30）珍珠雞都係即叫即蒸，內有咸蛋黃，有咸香味，食落唔會太咸，而飯煮得岩岩好，雞肉嫩滑👍🏻👍🏻🌟 濟寧蒜香蝦春卷 （$28）蝦春卷用料豐富，令口感提升左唔少，炸完後，蝦肉一樣彈牙😋😋🌟齒頰留香蘿蔔腸 （$30）蘿蔔腸即叫即蒸，蘿蔔無筋，未食落口已經有陣陣蘿蔔既香味，腸粉厚度適中，必點😋🌟 浦江春鮮竹牛肉球 （$26）牛肉球除咗內有莞茜，仲有好多蔥黎帶出牛肉既香味，而且牛肉球既牛味濃，馬蹄切得細粒，好爽脆😋😋

我好鍾意食點心但係傳統酒樓通常都排好耐隊所以平時會轉戰點心茶餐廳老實講荃灣區全部試過晒都真係用嚟止痕最近見到呢間新開張入去試吓啦竟然有驚喜對我來講飲茶最緊要三樣嘢👉🏼蝦餃👉🏼腸粉👉🏼叉燒包依三樣嘢做得好其他食物就有保證當我試完之後我就同自己講終於搵到地方做飯堂啦😋😋👍🏼👍🏼除咗以上所講嘅三樣嘢仲有一樣令我心心眼😍😍嘅地方就係佢嘅燉湯對於要返工嘅我飲啖湯真係好奢侈店家好貼心設計咗一個燉湯+菜+籠仔飯套餐我自己就好鍾意個蟲草花螺片燉雞湯同埋都見到好多人午飯時間叫籠仔飯套餐所以我估應該幾高質仲有一樣野睇到店家嘅細心佢哋沖茶嘅壺係銅壺雖然比一般茶壺重但係我食完一餐飯啲水都仲係熱嘅證明保溫功能好好👍🏼👍🏼可能仲係初初開業所以樓面有啲混亂 有時仲會漏單 這是唯一美中不足的希望之後會有改善啦❤️❤️