御泰坊-泰越菜

營業中

休息中

每逢午市過後，這裡人不多，易搵位，既可以食全日餐牌、甜品，又可以食下午茶餐牌，最啱同朋友閑聊……餐廳的墻壁用書架和壁畫來裝飾，頗有文化的氣息。揀咗個幽靜的卡位，很有私隱性。小食＂蝦餅 + 素菜米紙卷＂，一碟點心兩個品種，分別配有辣醬同甜酸醬。＂蝦餅＂的外皮炸到酥脆，咬落彈牙，有蝦味。＂素菜米紙卷＂，包有生菜、紅蘿蔔、青瓜、冬菇等這絲那絲，咬落嗦嗦聲。主食＂椰青海鮮焗飯＂，一個字—－香！用椰青水煲飯，用椰子肉和雜菜粒、魷魚粒炒飯，飯在椰殼中整只端上，好有野餐的 feel 。由這個飯送來的那一刻開始，濃郁的椰香氣味就一直環繞在周圍，可以說是香氣逼人😍，食完飯有種黐唇感，好似飲咗高湯咁。上面的海鮮有青口、大蝦肉、鮮魷魚、乾貝，感覺還可以再豐富Ｄ😄。甜品＂芒果椰汁鴛鴦糯米飯＂，賣相吸引，口感也超贊👍。這道泰式的精典甜品，芒果選料新鮮水嫩，黑白糯米吃口軟糯、煙韌，本身微微甜，再淋上椰漿，食落真係大滿足😍！飲品＂ Mango Tango＂，有很純的嫩黃色和很香的芒果味，討人喜歡，上面仲有粒粒鮮果肉，正！呢間的泰菜比較啱口味，價錢也適中，難怪追捧者眾多。

今日老細請食飯，我哋一行七個人去咗御泰坊食嘢。去到門口雖然比較細小，但係服務非常好。侍應接應我哋一行七人係一張好大嘅圓台食飯，好似飲茶咁，傾計非常之方便。因為預先訂枱關係，所以唔駛等枱度。Menu Menu ,有好多唔同種類嘅泰國嘢食！見到都好想食呀，我哋食咗好多好多款嘢食！叫左商務四人套餐。裡面有好多嘅嘢食，柚子沙律，海南雞，蝦餅，不過唔記得咗影餐牌。另外我哋仲叫咗咖喱雞，蝦殼蟹春卷，豬頸肉，同埋菠蘿炒飯，香芒糯米飯。泰式嘅醬汁真係好嘢味好好味啊！炸品炸得好鬆脆， 我就特別推介蝦餅，同柚子沙律仲有魷魚！魷魚辣辣地好好味好惹味。環境亦都非常之寬闊寬闊。如果想一班人來食飯，七個人嘅話，呢度係一個唔錯嘅選擇。總數大概1100百幾蚊！真係物超所值！呢個價錢，呢個質素，我相信我會再嚟下一次食嘅！而且仲附送甜品，係一款藍莓味嘅啲士多啤梨味嘅芝士蛋糕，下午時間如果容許嘅話食而家都真係唔錯！多謝大家

因為工作上不如意, 所以決定要同仔仔去食餐好既........實行化悲憤為食量 其實之前已經同朋友仔食過一次, 雖然價錢相比起九龍城的泰國菜係貴左D...但勝在地點方便, 環境OK, 又有得book 枱, 唔駛等之餘, 上菜仲好快 tim 炸蝦餅 : 第一次食果時, 就已經被佢既彈牙深深咁吸引, 再配上香甜既黃梅醬, 簡直就係一試難忘 馬拉盞炒通菜 : 必點之選, 嫩口非常　　 蟹肉炒粉絲 : 好味, 可惜份量較少 生菜包 : 因為越食越開胃既關係, 所以再叫一個生菜包, 感覺上比平時食的較辣, 以為是平平無奇的炒肉碎, 那隱藏的辣度卻不可輕視, 清甜生菜剛好中和那辣度,為口腔帶來一點清涼感覺, 讚！ Mango Tango: 係一杯芒果夾雜著菠蘿味既沙冰, 絕對係解辣之選

3個人叫左蝦餅, 金邊粉, 燒魷魚, 茄子豆腐炒菜(唔多記得乜名), 炸春卷+明爐魚(對對碰套餐)另外再叫左3杯特飲~蝦餅: 味道一般, 但係唔太喜歡果個酸梅醬...好奇怪, 反而d蝦片好好味!!燒魷魚: 幾好味, 個辣汁唔錯 炒金邊粉: 一黎到就覺得"好細碟"!!! 我地3個人每人食左兩柱就冇晒, 而且味道唔多夠茄子豆腐炒菜: 好似同中式餐館既蠔油茨炒冇咩分別, 不過味道還好炸春卷: 味道不過不失, 同出面茶樓既差唔多明爐魚: 條魚係我地就食完果陣都未黎...貌似漏左order, 問左1次之後個waitress好快咁幫我地follow, 服務唔錯 唔駛5分鐘條魚就上, 不過味道都係一般......無咩驚喜安娜與國王: 呢杯幾好飲, 個味好得意整體上食物普普通通, 不過服務態度幾好, 但係價錢個人覺得略貴差唔多$480 三位, 而且我地埋單果陣都係唔飽