快樂餅店 (已搬遷) 新店位置

快樂餅店係一間好傳統舊式餅店，冇咩北海道3.6牛乳之類嘅 gimmick。佢賣嘅都係好普通嘅包餅，實而不華。我買左一個忌廉筒，一個紅豆沙翁，同埋一包兩件蝴蝶酥，埋單三十二蚊。 忌廉筒酥脆鬆化 ，實屬難得 ，忌廉方面就麻麻地。 沙翁炸得啱啱好， 唔會咬落成口油 ，豆沙餡裝得滿一滿，非常好。 蝴蝶酥鬆脆不在話下， 食物富有牛油香味，仲帶有少許甜味點綴。個人認為佢比坊間好多賣緊幾百蚊一盒嘅蝴蝶酥仲要好食。

近年曲奇產品大熱，無獨有偶，多間著名的曲奇店也將蝴蝶酥變成她們的「第二名物」。可是，這些新派蝴蝶酥均是迷你版，一整件吃下去也不夠喉。想吃一件便能令你滿足？ 不得不提舊式餅店的傳統蝴蝶酥，而其中最受甜魔歡迎的，非快樂餅店莫屬。擁有數十年歷史的快樂餅店，深受街坊歡迎，常有人龍的出現，相信和其產品價廉物美不無關係。蝴蝶酥比一隻手掌還要大，層次比新派蝴蝶酥多，質感較為實在，但卻不失香脆，滲透淡淡的牛油香，甜度亦恰到好處，一個女生應該吃不了。