順德公漁村河鮮酒家 (已結業)

適逢阿媽生日，我倆去左觀塘間酒樓食晏，之後仲可以去行開倉。餐廳位於酒店入面，無論環境定餐具都乾淨企理。蟲草花天麻炖大魚頭湯，比想像中大煲好多好多，一揭開個蓋已經聞到好香。湯的味道好甜好濃天麻味，而且唔會太油，真正用料十足！平時多數食甜酸蝦球，今次就試試千島大蝦球。4隻蝦隻隻都好鬼死大隻！味道食落無平時食開既紅色甜酸醬咁酸，千島醬就偏甜。魚湯浸勝瓜，食返個清清地既中和返個味覺，勝瓜半身嗰草青味浸完魚湯之後差唔多無哂，而且魚湯都好清甜。隨住個煲既咋咋聲就係好香既蔥蒜味就係花錦鱔皇！D鱔肉全部無骨，仲要好大舊肉，大大啖咬落去，肉完全入哂味，真心正！==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)

黎到觀塘區，附近都好多寫字樓，比較多快食嘅餐廳。但係想搵間環境好少少又可以坐得耐d食吓飯之餘又可以傾吓計就難d😌今日就去左帝盛酒店1樓嘅 順德公漁村河鮮酒家 ，一去到樓下已經有酒店職員幫忙泊車喇！去到環境舒適，門口擺滿左陳基英先生獲獎🏆無數，而且仲有好大個魚池🐠添！點左個2人餐蟲草花天麻炖大魚頭湯湯好足料 ，兩個人每人都飲到兩碗仲有得淨添😻而且無加味精蒜子生扣珠江花錦鱔皇鱔皇 好新鮮 好滑，肉質又爽口，煮得唔會好濃味，可以保留到魚鮮味巧手千島大蝦球我最鍾意食呢個，沙律配埋大蝦一齊食酸酸甜甜好開胃，大蝦🍤好脆口又唔油膩魚湯腐竹浸勝瓜濃郁嘅魚湯加上勝瓜，勝瓜吸收晒魚湯嘅精華而且又唔會太淋，配埋腐竹一齊食加強口感嘅層次