醉辣鮮 (天空之城)

營業中

休息中

禮拜六放假入左元朗探朋友，夜晚佢揸車帶我黎左呢度食晚飯～我地揀左原隻龍蝦海鮮餐，包左超多野勁豐富😁一坐低就有老火椰子雞湯飲，好好飲😋個餐係包波士頓龍蝦，可以加一百蚊轉澳洲，我地無轉到😊龍蝦勁大隻！肉質鮮甜啖啖肉，尤其係個鉗，超正！🤤🤤肉蟹我地揀左乸，超多蟹膏😍 蟹膏係食蟹既精髓😍😍 不得了！頭盤蟲草花蒸雞好滑好香酒味😋日本元貝超大隻😍蟶子，沙白同花甲都無沙，好鮮味👍不過佢話今日供應商畀唔到生蠔佢所以幫我哋轉咗兩隻蝦，對我哋嚟講仲好，因為我地唔太食蠔🤣海中蝦勁大隻爽口👍👍鮑魚洗得乾淨，非常彈牙🤤我已經等唔切喺食曬海鮮之後先食粥😂不起嗰陣仲見到好多米粒但係已經好鮮味，加埋粥底既豬骨，南瓜同芋頭甜味，超好食！😋😋 食晒海鮮再食粥果陣就變得更加綿滑👏最後勁飽連糖水都食唔落😂真係要新界區先可以搵到個咁闊落咁新鮮即捉即劏既海鮮火鍋！非常值得encore！👏🤗

男友突然話想食蒸海鮮火鍋，我又未試過呢樣野🤔 咁就搵下屋企附近邊度有，見到呢間評價唔錯好似好新鮮決定試下😁平日唔算多人，我地被安排坐係有冷氣既屋仔裡面👏 我地點左個$198套餐，已經包左以上既野👏(店員仲送左一隻蟹俾我地試下😍)點完餐就出左去啲缸度自己揀海鮮，好好玩😂揀完之後店員會幫忙處理乾淨，擺盤後見到啲鮑魚仲識郁，啲蝦仲成隻彈起，新鮮到好誇張🤣首先有個蟲草花蒸雞做前菜😂 雞件嫰滑帶少許酒味，好香👍連啲杞子都好甜😋肉蟹超多膏！！非常鮮甜😋蝦肉大隻兼彈牙爽口元貝好大隻，可惜我地失手蒸耐左所以無影到相🙈蟶子好大隻多肉👍沙白，花甲同蜆係我平時唔中意食既野，但我都竟然覺得好鮮甜好好食！😱😱 令我對貝類徹底改觀😯 (當然前題係要新鮮同靚😂)自助區仲有任食蔬菜，都有唔少選擇～底下既粥底好鮮味，所有海鮮既湯汁精華都跌晒落黎，原來真係好好食！🤣 食完成餐之後我地發覺我地係完全無點過自己調較既火鍋豉油😂😂 因為食新鮮既海鮮真係完全唔需要調味已經好足夠！！🤤🤤🤤臨尾仲有糖水椰汁芋頭西米露👍 椰汁味濃郁，二百蚊就食到咁鮮甜既海鮮真係好抵，我同男友都勁飽🙈 最後行左一粒鐘返屋企😂 下次要帶埋屋企人黎食先得！