七福神和食亭

營業中

休息中

朋友發辦，帶我嚟呢間餐廳，本身以為係食放題餐廳，去到睇睇餐牌，原來唔係放題，係逐樣叫嘅～選擇都幾多，幾多元化6:30去到都仲要有位，大約7:30左右，都差唔多座無虛席，幾受歡迎🤓🤓蟹籽沙律，好似係有兩個size，呢一個已經係細！但係都超級超級巨型，打卡一流！青瓜絲、生菜絲，口感非常清爽，沙律醬份量恰到好處，成個沙律食到最尾，先至有極少出水嘅感覺，控制得幾好，好食又好睇，推薦！八品刺身盛合有三文魚、八爪魚、北寄貝、海膽、蝦、油甘魚等等，色澤賣相唔錯🤓🤓尤其是嗰半底海膽，即刻令到成件事好奢華❤️❤️肥嘟嘟，好新鮮。吉列豬扒叫少少熱食，暖吓胃豬扒都算厚身，隔油做得幾好食埋旁邊嘅椰菜，清清地，口感又更豐富❤️❤️香芒花之戀因為朋友鍾意食芒果，所以叫嚟試試。食落又幾特別喎，本身花之戀三文魚好厚身，口感已經好好，再加埋入口即溶嘅芒果，同埋上面有一堆青瓜絲，柔軟口感，同埋清脆口感都有，有趣有趣

同朋友們聚餐當然選擇性價比高，坐的又ok的地方啦~呢家日式料理就滿足了呢個條件，五個人計埋加一總消費一千五百幾，人均都系三百頭。食物🍽：總體味道都唔錯，食材新鮮。

同兩個好友去聚餐之前都食過兩次 覺得唔錯 所以今次就寫下食評啦.叫左個大份既蟹籽沙律 黎到發現😂 真係好大份不過係好食既 3個人都Ko到佢然後叫左份芝士焗蠔 有3只一人一隻岩岩好 呢個蠔我每次黎都必叫 因為真心唔貴又好食叫左份清酒煮蜆 份量都好足3個人都夠食 朋友都話 呢啲啲清酒蜆好好食仲叫左個蟹蓋 加左飯 （佢有得揀飯或者魚）我自己就覺得有啲咸但我啲朋食開重口味就覺得還好 仲話唔錯添因為係經openrice booking. 最後88折埋單 人均$150 食到咁飽都只係百幾蚊 覺得唔錯不過咁飽都因為個大份既蟹籽沙律🤣🤣

今日返工想食甲羅燒，就諗起七福神。之前食響都要等，所以就選擇晏點，八點幾去食，唔使等位之餘仲有八八折。甲羅燒跟埋紫菜同飯團，咁樣味道就岩岩好另外叫左個必點嘅蟹籽沙律，就算叫個細嘅，都好大碗，兩個人食岩岩好。因為食到一半，食下沙律，解下油膩。最有驚喜就係蒜片牛柳粒同焗田螺個牛柳粒煮得剛剛好，有少少咬勁，牛肉裏面是林的，加上個薯蓉，真不錯而田螺係成隻上，配上牛油局薯蓉，都好食加左個墨魚咀，略嫌佢炸得唔夠脆仲有個軟殻蟹反卷，就比較普通，無特別。兩個人食得好滿足

想吃大眾化嘅日式料理， 我會想起《七福神和食亭》。無倫刺身，鍋物，串燒，拉麵都做得有水準， 價錢親民。蟹籽沙律(大) 真係畀佢嚇親， 成個盤咁大份嘅蟹子沙律。青瓜絲好乾身又爽脆做得唔錯， 蟹籽，沙律醬，蟹柳全部撈勻 超滿足。這杯『士多啤梨活乳酸』 清新開胃， 愈飲愈上癮。『蘋果汁梳打』 $26 濃郁嘅蘋果香味， 唔會太甜勁夠氣， 非常推介價錢又唔貴。『九州拉麵』， 湯底夠濃郁但唔會太鹹。 半生熟溏心蛋好滑溜， 蛋汁 流入拉麵湯底更添風味。『炸雞軟骨』 雞軟骨比較硬， 有點不像軟骨嘅部分。天氣太凍要咗一個熱嘅『蕎麥麵』， 味道唔錯，蕎麥麵冇因為熱汤浸淋。泡菜牛肉芝士燒飯 $68真係估唔到包住嘅飯 分量是那麼大。 加了芝士去炒嘅飯， 濕濕地仲好軟身， 味道帶少少泡菜嘅辣也有牛肉粒，豐富美味！角切魚生丼$88以三文魚為主， 還有三文魚子， 角切得嚟大大件，也不錯呀，壽司飯正正常常。赤貝壽司，北寄貝壽司赤貝肉厚又夠爽， 比北寄貝更鮮甜。芝麻八爪魚前菜八爪魚好大隻，又夠爽， 醬汁有點不像平時的味道。最後來一杯熱檸檬茶消消滯

一間餐廳能夠係旺區做得住，一定有佢原因，而呢間我會用好食，抵食黎形容佢餐廳餐牌不時會加入新食品，保持新鮮感，吸引客人回頭度蟹籽沙律係我黎呢度嘅必叫之選，皆因超級抵食，呢客只係細份量($45)就已經咁大碗青瓜絲清脆多汁，D蟹籽多到好似唔駛錢咁，加埋蟹柳，細食人真係食完都已經飽晒!六品刺身盛(合) ($198)，擺盤吸引，分別有三文魚，吞拿魚，赤貝，甜蝦，帶子及油甘魚六種刺身; 每款食落鮮甜，解凍溫度唔錯，唔會有太冰感覺!  刺身仲幾厚切，夠晒口感!見到有秋日雙拼，價錢超吸引，4款組合選了呢組優惠價$74，呢個價錢，單叫都唔得啦蟹肉味噌甲羅燒，跟住個飯團及紫菜伴食味噌醬加入蟹肉及蟹膏中，口感綿滑，再有埋蟹籽嘅卜卜脆，將紫菜包住飯再"不"一匙蟹肉上去，一啖放入口，成隻蟹係我口中出現左.............超滿足!無諗過客脆皮煎餃子會咁大份，以為最多有4隻...哈...哈.....脆皮連埋餃子煎完連在一起，用筷子輕易將每隻餃子分開點埋個餃子汁帶點微酸味好開胃，餃子皮唔太厚口感帶點煙韌，餡料唔算太多唔會太"漏"一客有3隻大蝦及幾款蔬菜 (茄子，南瓜，辣椒仔，冬菇)混合而成嘅就係呢客什錦天婦羅

時常經過七福神，今天想叮日本菜決定一試。七福神的選擇很多，刺身、熟食、甜品都一應俱全。想食海膽的關係叫了刺身拼盤三，三文魚肥美鮮甜，海膽也新鮮甘香，這個價錢很超值！極大的蟹籽沙律！拉麵碗的大小，明明叫了(小)也足4人份量，很抵食！廣島吉列炸蠔外脆內嫩，外皮乾爽無油，出色！海膽魚籽丼是一個迷你丼，濃度海膽加上鹹香三文魚籽，好吃！軟殼蟹手卷暖暖的壽司飯包裏炸至香脆的軟殼蟹，一軟一脆甘香美味。鐵板牛柳粒粒燒超！好！吃！以鐵板送上, 一口牛柳粒肉質軟熟，中間有薯蓉，濃味醬汁令人一口接一口！厚切牛舌牛舌爽口脂香豐富，好吃！

想食性價比高嘅和食, 唔黎呢度真係唔知去邊度, 地點又就腳打頭陣係呢度嘅"名物", 每次黎都會必叫嘅蟹籽沙律 ($45/小), 份量超大碗, 同價錢唔成比例爽口多汁嘅青瓜絲夾雜生菜絲, 面頭再舖上鮮甜蟹柳絲及脆卜卜蟹籽, 炎夏日子食確係爽呀!六品刺身盛盒 ($198), 六品包括三文魚, 吞拿魚, 北寄貝, 帶子, 油甘魚, 甜蝦, 每款有三片/隻, 味道鮮甜, 唔會食到冰感; 三文魚及吞拿魚仲係厚切, 夠晒口感另加活赤貝刺身 ($48/隻), 一隻可切成3片, 口感相當爽脆及食到鮮甜味, 抵加呀!呢客蟹肉味噌甲羅燒配珍珠飯團 ($48/隻)亦係相當抵食, 原隻蟹蓋混入蟹肉及蟹膏再加入味噌, 味道帶有濃鮮蟹味, 以紫菜包住小小飯, 再加埋蟹膏及蟹肉一啖放入口, 無論味道/口感都岩岩好!此時炸好左嘅芝麻鷄翼 ($62)上枱啦, 四隻炸至金黃色, 外皮再灑上芝麻粒增加香味, 香味四溢咬落先感受到外皮嘅香脆, 繼而食到鷄肉嘅滑感, 而且醃得幾入味, 好味道呀!今次叫左呢客大盛鰻魚飯 ($128), 份量都確係幾大盛, 原條鰻魚切成幾段再舖滿飯面!  蒲汁燒到軟硬度幾好, 飯粒軟中又帶乾身,

天氣熱真係最想食就係日本野，又唔想食放題就決定再去呢間七福神！鐘意佢抵食又多款式餐廳係1樓，環境都好乾淨冇呃你，真係好多款式多到影唔晒一黎到叫左杯士多啤梨活乳酸降下溫唔係益力多味，係好新鮮果汁仲有好多士多啤梨肉跟住叫左個細既蟹籽沙律估唔到超級大碟，好足料刺身拼盤有優惠海膽半板，三文魚3件、甘蝦2隻、北寄具3件都係$128 ，款款新鮮又鮮甜再叫多2隻牡丹蝦，好肥美好新鮮叫左幾款壽司，有帶子，玉子，蟹籽同八爪魚飯唔會一夾就散值得讚東京風茄子煮，煮得好入味廣島吉列炸蠔，好鐘意食炸蠔呢款炸得幾好，唔會太油蠔亦都好肥美最後食多碟燒雞翼，雞翼燒得好香脆惹味食左咁多樣$600都唔洗款式多到仲未試晒！下次再encore！

不想等那麼久，要早點訂位，有限時90分鐘用餐。整體上食物都很不錯，有質量的話，不算貴。我特別推介露筍牛肉，靈筍粗而嫩，調味很好，熱騰騰的。雜錦魚生冷拉麵配上麻醬，拉麵爽口，有很多不同的魚生粒，很好食。石鍋牛肉飯配上燒汁，牛肉嫩滑，炒得很香。壽司的飯是一口的，手握的，魚生新鮮，也不錯。宇治綠茶紅豆冰是是日限定， 味道比較甜，下次可以叫少甜。這個價錢配上這樣的食物質量、服務和環境，這家日本菜是個不錯的選擇。

新一年又要去拜"神"啦...............仲要係食"神"!好彩一早訂左位, 上到去入座率已經達八成啦每次打開佢嘅餐牌都有選擇困難症, 樣樣都想食但無辦法樣樣都叫㗎.................仲要發現佢有D新菜式!刺身拼盤A ($108) - 呢SET拼盤相當抵食, 就咁單叫活赤貝都要$48,  加多$60就有埋三文魚X3 , 甘蝦X2及鱆紅魚X3!  赤貝夠爽脆又鮮甜, 不愧為呢度嘅必食之一, 三文魚仲要係厚切, 食起黎相當夠口感!根據非正式統計, 呢碗份量十足嘅蟹籽沙律 ($45/細), 出場次數都相當密, 無他嘅, 份量真係超大, 細嘅都足夠3-4人分享, 爽口多汁嘅青瓜絲配上脆卜卜嘅蟹籽, 雙重口感!呢客由㕑師推介嘅芝士燒天婦羅蟹腳卷 ($35), 賣相精緻, 由芝士包住飯, 內裏有天婦羅蟹腳, 放入口首先食到蟹肉味道, 之後就到芝士嘅咸香味, 一口一舊超"芝"味!燒厚牛舌串 ($55), 一客2串, 每串有3-4件厚切牛舌, 燒得外香內軟, 放入口咬時仍然有肉汁咇出黎, 牛舌味幾濃, 熱辣辣好惹味!一客4隻嘅芝麻鷄翼 ($62)係邪惡之選, 沾上芝麻嘅炸鷄翼再增

七福神好評多的是，所以就專程搵左個平日提早食聖誕大餐，睇到出面個特大餐牌，我d口水都流哂出黎，呢間餐廳透明度幾高，有哂價錢係門口先黎個開胃沙律，黎到真係呆在，個沙律......佢真係超超超大，成個面盤咁大，奉勸各位量力而為串燒就外層燒得香脆，入面好juicy 蠔好新鮮，炸粉都唔算多隻蝦果然大隻，大我隻手咁長蟹，全部都係蟹，粉量都頗多鰻魚好厚身，啖啖肉海鮮種類好多，有蝦，帶子，魷魚，蟹柳，蜆，辣味十足太鍾意食鰻魚，最後都要多個炒飯

友人係呢頭做完野, 相約係呢間和食亭開飯, 日本菜從來我都唔會拒絕, 依時赴約!地點相當容易搵, 上一樓就係, 望下餐牌, 換左新餐牌喎, 價錢都有調整下食物選擇都係分開幾大類: 刺身, 壽司, 沙律, 串燒, 天婦羅, 溫野菜, 揚物, 新加左韓風料理等....................每次黎呢度, 一定要試下呢度既大件夾抵食蟹籽沙律, 呢客係細份量 ($45), 足夠2-3人分享, 爽口多汁既青瓜絲及甜味蟹柳, 加上面層一大堆脆口蟹籽, 相當抵食!食日本菜又點少得刺身, 呢客刺身拼盤(B), 包括牡丹蝦, 三文魚, 吞拿魚及八爪魚 ($118), 刺身顏色相當靚仔, 目測都非常新鮮, 食落都幾鮮甜, 唔會食到未完全解凍既冰味, 最歡喜隻牡丹蝦, 夠大肉鮮甜!跟住到卷物出場, 首次食呢個芝士燒天婦羅蟹卷 ($35), 一客三件, 以芝士包住天婦羅蟹肉, 食到芝士既香滑感及蟹肉既鮮甜味, 飯既份量唔會太多, 唔怕食好飽!燒魷魚係友人至愛, 一客汁燒魷魚切成一件件, 甜甜醬汁搽上去彈牙既魷魚身上燒, 配埋蛋黃醬一齊食都幾夾, 但略為再熱返D會仲好!醬油燒京葱鷄肉 ($38), 一客

位於佐敦的日式居酒屋七福神和食亭，果然名不虛傳。食物款式非常豐富，價錢也不算貴。值得那麼多個笑。首先來個蟹籽沙律。嘩！50多元那麼大碗，雖然沒有特別材料，但咁大碗，真係好開心。接著關西風玉子燒，簡單一碟金黃色的玉子燒，味道非常香甜，一流。不過另一份清酒煮海蜆，除了辣，沒什麼好說。很多蜆肉都不見了，碎殻就很多。很失望。一口氣來了幾碟飯卷: 火炙芝麻鰻魚飯卷、七味軟殼蟹飯卷、金龍蝦皇飯卷、芝士燒天婦羅蟹腳卷。我比較喜歡鰻魚飯卷，鰻魚肉質鮮甜，整體很不錯。軟殼蟹飯卷和蝦皇飯卷的味道較相似，略嫌平淡一點。芝士鐵板豆腐是今晚亮點之一，雖然其貌不揚，但芝士味很濃郁，豆腐非常甜滑，好像豆腐花一樣。這碟芝士豆腐非常湯熱，不能立即食，但也不宜凍食。另一亮點就是網燒牛扒，牛扒肉汁香濃，不太熟也不太生，剛剛好，非常一流。天婦羅蝦也是必食之選，蝦肉爽口，少食多滋味。燒汁八爪魚也同樣爽口，蜜糖般甜的八爪魚皮，加香口的八爪魚肉，也是必食之選。這一餐很飽，整體不俗，價錢也很合理，抵食。值得encore。