老三火鍋 (已結業)

「老三火鍋」以獨門的老鴨湯聞名， 今次終於聞名不如見面啦！ 秘製老鴨鍋（$78/半隻、$138/隻） 湯底用多種藥材如沙參、黨參、松草花、紅棗、杞子和老鴨燉製而成， 具清熱降火和恢復元氣之效， 藥材味和肉香濃厚，甘甜順喉，☺️ 上枱之前先放入原隻嫩鴨， 保證肉質夠鮮嫩，軟腍鬆化， 仲有自家醃漬酸蘿蔔， 吸晒湯底嘅精華，酸酸甜甜，幾開胃～ 記住打邊爐之前先飲多幾碗老鴨湯！😏 醉雞丸（$62） 一客有9粒，份量都幾多， 插上「小心燙嘴」嘅小旗幟， 果然！咬開雞肉丸之後，即有漿爆效果！ 雞肉腍滑中帶韌性， 花雕餡酒香四溢， 味道好新穎有趣，值得一試！😏 🌟推薦❗️白鱔片（$78） 顔色晶瑩剔透，好新鮮！😍 魚油脂香，口感軟嫩，但又不失嚼勁，正！😋 🌟推薦❗️蟹籽鮮蝦滑（$62） 呢個鮮蝦滑真係不得了！ 係用原隻嘅鮮蝦拌蟹籽而成， 啖啖肉，爽彈口感，好好食！ 🌟推薦❗️招牌餃（$38） 一客有一打， 仲要係自家製，皮薄餡靚，好抵食喎！ 🌟推薦❗️美國肥牛（$68） 肥瘦適中，肉香有嚼勁， 又大大碟，性價比超高！

好想打邊爐，但又長期燥底....友人介紹呢間老三火鍋，最出名係老鴨湯底，仲話老鴨湯清熱降火同恢復元氣，好似好勁咁😲星期日想早少少食晚飯，晚市一開波就衝左去。先嗌左個老鴨湯底先，原來係藥材湯。飲落口，意想不到咁清甜，忍唔住飲多兩碗先開始打邊爐。先黎兩隻蟶子皇，一黎到店員已經提我地快啲食，好新鮮，仲監督住我地灼十幾秒好，驚煮太熟。果然跟足指示係岩岩好。花枝片，分量十足鮮雞件同埋腐皮，雞嫩腐皮滑雜菜拼盤，我本身錯手剔左另一張”菜”紙，點知佢好窩心地幫我係拼盤度有晒我想要既菜😍蟹籽鮮蝦滑，真係一隻隻蝦係度架！好口渴，嗌左個小麥草蘆薈，好清甜解渴👍🏻

很久沒來老三了！對他們的老鴨鍋一直念念不忘！魚缸中有鮑魚、象拔蚝等海鮮新鮮游泳。附送酸酸的木耳作開胃前菜。火鍋前先一人喝一碗湯，乾！然後店員會來為你加清湯再開始火鍋。超級香甜濃郁的湯底，非常惹味！鴨肉大大件，雖然只點半隻，但兩個人分享都很足夠！而且即使熬過湯，鴨肉亦不會霉爛或鞋口，但非常軟腍，很好吃！好新鮮好滑嫩的田雞啊！口雞腿上枱時還在跳動！放進水中煮一會，肉質肥厚嫩滑新鮮，必食推介！牛肉選了較便宜的美國肥牛，味道普通，不會濃味亦不會太過肥或太瘦，中規中舉。另外亦點了芝士丸、芝士豆腐、紅潤的手打鮮牛丸、蟹籽蝦滑、菜。芝士丸中間有滿溢的芝士餡，但內裏亦有不少油，丸身不夠彈牙。芝士豆腐頗出色，豆腐本身滑，亦帶甜，中間就好像芝士腸般夾着芝士，芝士加熱後變為半融，與甜滑的豆腐混和，很不錯！牛丸呈鮮紅色，不是平日看到那種，可惜我們每人吃了一顆就作罷，因為鮮牛丸有濃濃的藥材味，不太討好，亦不是平日吃到的牛丸那種彈牙口感，跟想像有點出入。蟹籽蝦滑帶點腥味，口感爽滑，但可再彈牙一點。蔬菜都挺新鮮的，不過量不多。粟米很甜，是每一件都很甜，但吃得出來是天然的清甜，絕對不是後天加工。每一顆粟米粒都新鮮脹實