鴻星中菜 (羅氏商業廣場) (已結業)

10.NOV.2014(MON)朋友們想出去食餐大閘蟹宴. 本人原先揀左另一間, HKD5XX左右, 不過得一隻大閘蟹. 但大家嫌貴, 咁無辦法喇, 唯有揀比較平的一間. 所以, 最終揀左哩間. 哩度話就話有3隻大閘蟹, 不過, 唔洗問都心裡有數, 唔會大隻得去邊. 鴻星話: 兩隻公就5両, 而一隻乸就得三両半. 好喇, 上蟹次序係, 先公, 後乸, 然後再上公.我地一開D 蟹公, 完全唔覺得有5両, 大家都估係唔足両數. 哩個蟹粉小籠包, 我要讚一讚. 熱騰騰咁上枱, 入面好多湯. 好好味. 個個都讚. 好喇, 去去片, 比大家睇下D 膏.大閘蟹, 乸都好食, 不過, 我還是最愛係公多D. 每一轉D 大閘蟹都有甩左D 腳情況. 感覺有D 不太新鮮.個餐仲有乳鴿仔, 燒得好香, 好脆. 幾好食. 有個糯米飯, 個個都話整得幾好食. 其他菜式, 沒有什麼特別. 

失經無神同朋友唱下水, 有人想去吃大閘蟹, 即興去找地方吃。一開始已鎖定去吃鴻星, 因為以前吃過, 有質素保證。於是打左去好幾間, 都係得荔枝角呢間有位。好野, 就去呢間啦~~餐前小食: 青瓜肴肉, 肴肉不過不失, 青瓜好味, 爽口~蟹粉小籠包: 好好味, 好濃郁的蟹粉味, 真係令我好想快D吃D大閘蟹呀大閘蟹: 2隻男, 1隻女。好多高, 都唔算細隻。好多膏, 好鮮味, 有其中一隻女係爆膏囉~~ 人地話9月吃女, 10月吃男, 唔知係唔係因為咁, 隻女咁多膏呢臘味糯米飯: 好香, 肉同粉幾比例幾岩, 不過大份D開心D囉翠肉瓜炒貴妃蚌+蝦+XXX: 好似係炒貴妃蚌之類既野, 不過D貴妃蚌唔好味, 好似"那"過黎咁。但係隻蝦就好爽, 好好味。每人分得一隻, 太少了蟹肉羹: 幾多料, 好似唔太味精 (有冇可能呢??)呢餐好滿足, 食物有質素, D蟹又大隻又多膏, 又唔使自己煮, 自己清理, 仲要佢地D 服務好周到的, 成日都會同你換碟, 每次只係出一隻你吃, 唔會一次過蒸哂d蟹涼哂咁, 又唔使等人齊夠數一起食, $350左右, 買到方便, 好抵!!

今早起來發現外邊下著傾盆大雨，心中暗喜因為可以不用上班~突然多出的時間當然要想想如何打發時間，想了一下就決定過去荔枝角的鴻星飲茶去了。灣仔的分店與同事光顧了數次，點心的水準穩定及質素也偏高，不知換了另一間分店又如何呢﹖我們選了最"好玩"的方法過去荔枝角，那就是穿上涼鞋，撐著傘子，冒著大雨步行過去。街上很多地方早已變成澤國，竟然連後巷也成為了小溪，這場雨真是威力驚人~幾經辛苦(其實很享受才是)到達分店，店內客人為數只有數檯，坐下後看看有甚麼新的點心供應。起手式蝦餃跟蟹粉少籠包，另加荔茸香酥雞、排骨蒸腸粉、黃橋燒餅、豉油王炒麵和雞球大包~今天的蝦餃皮厚度一般，不過蝦肉鮮甜，以及筍絲的香味，不錯~而蟹粉小籠包的香味當然沒有當造時好，不過也有一定的甘香味道，暫時"頂癮"還是可以的~荔茸香酥雞的荔茸幼滑芋香四溢，可惜雞肉普通沒雞味......白白浪費了荔茸~豉油王炒麵鑊氣夠，豉油味亦香，不過略為不夠乾身，但也算是合格的了~從前的雞球大包餡料跟現在的大有不同，現在的餡料都會用上新鮮食材，而從前的大多是把剩下的材料加入調味再製成餡料。這個大包內有叉燒、冬菇、雞肉、碎豬肉和小量咸蛋，包身算是軟熟。可以