大滿屋日本料理 (已結業)

本身book左7點半，後來想提早6點半已經冇位，唯有5點半啦，雖然就係早左d，但價錢有一人半價，而且早d食早消化，唔洗咁肥 >V<"我地一共3人，去到已經有好多人係入面開緊餐啦……我地坐抵後，即刻每樣拎一張出黎，一邊睇一邊下單，每次都叫少許，因為怕食唔晒 ~W~ d刺生不過不失，普普通通，d壽司每件都細細粒，唔會太快飽 我見到食評d人話蟹粥好味，於是我又叫黎試下，都唔差既，但都覺得普普通通，冇咩特別。 甜品上桌時，嚇左我地一跳，得咁細個，不過都岩既，太大又驚浪費，認同呢個做法！本來想叫多幾個，但後來食雪糕食飽左lu……我個陣既雪糕得大腳板、雀巢、糯米池喳 >A<" 都冇韓國雪條個d，唉，我其實都有d為左雪條而黎架…… 上食物的速度都算快，唯有炸物超慢而已。 羊架、炸芝士xx好味。^^。

約左朋友放工去觀塘食放題搵左呢間新開既大滿屋位置都好方便，就喺apm隔離一出𨋢，就覺得入面覺得好靚呀好豪華，牆上佈滿金色既魚成間野銀色都幾grand..我地被分配坐卡位坐得好舒服，成間感覺好乾淨急不及待走去飲品自助區度睇下大部分都係我中意既韓國飲品，汽水之後望下甜品嗰度，除左有糯米池仲有兩款韓式雪條冇記錯的話..我之前7-11買蜜瓜嗰隻雪條都成$20枝呢度竟然有得任食刺身拼盤好正呀，勁足料，塊塊都好厚切個拼盤砌得好靚一d都唔hea..有哂佈景條魚好得意，個咀噴煙嫁食落全部都好新鮮推介北海道帶子刺身同三文魚因為2樣都好新鮮，大大件平時食放題d刺身一係黎唔足，一係好薄呢間真係落重本，刺身都成12款有得揀另外甜蝦食落都好甜美, 好creamy款款壽司都好似好好食咁因為佢唔係普通壽司，全部都有特別款好多配搭，e.g. 有芒果，花之戀人，海膽親子花之戀...壽司黎到有驚喜，細細件好的式一啖就食得哂，所以可試多幾款唔怕比壽司塞飽我最中意係火焰蒜香牛肉壽司日式蟹粥係之前見過有人推介真係唔錯，食落甜甜地有成個蟹殻喺度，好多蟹肉好足料食物實在太多款，我講下有d咩係特別好食蒜片牛柳粒，牛肉唔韌，一口一粒好

日式放題愈來愈多，見到雜誌推介，觀塘有間新開放題做推廣，就同埋班fd一齊黎試下一入到去已經見到餐廳裝潢豪華，感覺高尚，環境企理干淨，更令人覺得舒適有8～10人座位，岩哂一大班人坐埋一齊食，座位、通道都闊落，唔會勁迫～ 放題唔少得刺身，刺身一律都好新鮮，選擇都好多，螺有翡翠螺同白海螺，新鮮脆口。推介必食嘅刺身係北海道鮮帶子，鱆紅魚，大甜蝦同三文魚！鮮帶子刺身唔係度度都有，佢有提供之餘，仲要好鮮甜嘅帶子味, 唔係街外無味嘅帶子。鱆紅魚好爽脆，食落新鮮唔韌～仲有少有既鱆紅魚腳, 食落仲爽口鮮甜,呢個真係加唔少分  大甜蝦爽口甜之餘，新鮮到有光澤粉嫩，三文魚不但厚切，魚脂分佈平均，食左落口魚香鮮味仍在口中一品料理蒜片牛柳粒不得不推介！一口size，入口剛好，牛味香濃，唔韌，最重要嘅係唔肥！ 牛脂肪少～燒物推介燒羊架，羊架肉燒得唔老，羶味唔會過份，食落唔覺油膩帆立貝北海燒, 燒得金黃, 外脆, 帶子大粒, 厚肉, 醬汁唔會過多明太子雞翼唔係間間都有，放題黎講都係第一次食到，餡料好豐富，但有好少既辣味，但無減我喜愛程度，會覺得惹味創作壽司，卷物比其他放題既多款，別有新意，帶來新口味，北海道帶子蛋卷

據聞官塘開左間新野，咁一於約埋三個fd踩場試下，一試真是不得了！！！不得了！！！食飯之前，不得不提及該處的裝修，唔知是否我大鄉里出省，我覺得真是好金碧輝煌，特別是牆壁的金魚裝飾，輝煌得來，令人一眼就聯想到日本菜。部分坐位仲可以望到官塘的景色。講完裝修，講翻正題先，無錯，就是食啦！呢個就是四人分量的第一轉刺身，唔知大家會否收貨？本人無論視覺和味覺都十分收貨。味道方面，會重點讚賞三樣：第一是三文魚，唔知大家覺唔覺部分放題的三文魚其實無味道，可能是雪到無味道，或者是本身來貨有問題，我都無深究，總之就是食三文魚真是可以無三文魚味架！不過，今次的三文魚就唔同，雖然我地是食最早的時段，但是三文魚都十分新鮮和有三文魚味，所以十分鐘意食。第二是甜蝦，甜蝦十分鮮甜和靚，沒有那種比師傅剝殼剝到無左個頭咁，所以我地都不斷叫來食。第三樣是八爪魚，有別於一般的放題是薄薄一片的那種，這裡是全部都是八爪魚蘇切粒，咬落十分有口感，不會像薄片個種咁，好似食緊橡膠。視覺就十分欣賞師傅用心的油金魚刺身花，真是唔捨得食。友人表示甜蝦食不停！！！之後開始進食一些主食，串燒呀！炸物咁！落單後，來得都足，而且味道唔錯。不過我同友人

星期五，晚7點入座，唔使等 新開張，黎試試刺身船 ～ 三文魚，鮮甜，夠厚。甜蝦，一樣夠鮮甜大隻。帶子，唔算大，不過夠甜。鱆紅魚，肉質夠爽，甜，唔腥，like。泰式生蝦 ～ 都ok鮮甜，汁略嫌有點辣海膽親子花之戀 - 海膽甜，唔腥，可以一試特別推介 ～ 黑松露三文魚壽司 - 黑松露味濃夠香，同三文魚好夾天婦羅蝦 - 蝦甜，大隻，粉略嫌厚燒羊架 ～ 呢個like爆 - 控制火候好，外小焦內嫩，又多肉汁，夠香，唔會整得太咸，可以食返羊肉本身嘅香同肉鮮，推介食多d明太子雞翼 - 外脆內嫩，夠香，小辛辣，燒得好均勻燒牛柳粒 - 牛嫩多汁有牛味，正好多款野食吉列蠔 - 炸得剛剛好，蠔好嫩同鮮，蠔味超濃，有黑松露嘅感覺，你懂的蟹粥 - 蟹多，足一隻，蟹肉甜，鮮，粥底綿綿夠味甜品啦，推介日式糯米糍 - 入面係芋頭味雪糕，正

一大班舊同學聚會兼慶祝生日，壽星仔知道官塘開了一間新的日式放題店就馬上去試下啦，兩小時任食唔同時間都有唔同優惠，而且視乎人數還有不同的魚類刺身贈送，其實人均都係二百左右，都算扺食！門面裝修幾靚，燈光光猛十足，反而更像婚宴酒樓，感覺頗特別，門口的一邊就有兩個大雪櫃，可樂雪碧橙汁紅茶綠茶隨意自取！而且安排了我們坐窗邊，望住遠遠街景，又是值得加分的地方食放題少不了刺身拼盤，第一回明顯吸引得多，師父擺位心思也是下過一番苦工的，雖然第二回擺得不靚也不影響其刺身質素刺身種類很多，三文魚油甘魚呑拿魚八爪魚甜蝦象拔蚌都有，但最值得介紹是帶子，很新鮮很有甜味，毫無雪藏的味道呢！叫了一些特色壽司，芒果軟殻蟹卷，軟殻蟹似是新鮮即製，因為咬入口還是暖暖的而且很脆口，很正！反而花之戀就很普通，而且一夾就散！再來一些熟食串燒啦，明太子雞翼屬必食推介，雞翼內充滿肉碎還有少少辣的感覺刺激味蕾，很有口感很好吃，我個人就吃了最少四隻！串燒也很好，海蝦和雞腎都燒得很香，而且還灑了一點味粉，吃入口也是熱辣辣的很好吃！幾個大男孩還是要叫一些鍋物填飽肚子，牛肉鍋不太特別，滿滿的牛肉之後就剩下菜和金菇，海鮮鍋就足料很多，有帶子有蝦