只 (已結業)

琴日同朋友係尖沙咀行街行到攰，想搵啲野食同坐低休息下。朋友就話之前去過間cafe幾舒服又有得影下相，就帶咗我上黎～.明太子長通粉- 聽講佢地啲明太子意粉好出名諗住試，點知店員話冇曬要轉長通粉，其實個汁都係一樣明太子味道好重 ，醬汁份量剛剛好，每條長通粉都被醬汁包圍，好香濃好滿足🥰必試.蟹肉南瓜意大利飯- 南瓜fans一見到南瓜就好想試！蟹肉份量多，又係每粒飯都被南瓜汁包圍，意大利飯係真係做到嗰種口感唔會淋曬.黑松露薯條- 唔單只有黑松露醬點，薯條面頭都有黑松露，又香又正呀～ 略嫌薯條炸過火咗 有啲硬.洋甘菊茶- 幾清新~泡沫鮮奶焙茶- 朋友話好香茶味 唔錯💕.整體食物頗高水準，地方又舒服，會再黎！

在加連威老道徘徊大半小時，轉角街燈微弱，幸好訂了7:30 ，摸黑四周，終於找到大廈入口。同老友踏出4樓，到埗文青打卡熱點cafe。白色牆身，花花佈置，仲有沙發靚位坐，真好。簡單直接，來個二人餐吧。包括餐湯、前菜、兩個MAIN、兩杯飲品和一份甜品。餐湯是洋蔥圈湯，洋蔥圈很多，不過湯身十分濃而且偏鹹。美美的明太子蟹肉小法包，一碟四件，粉橘色澤的蟹肉伴上明太子。一口味重柔軟的蟹肉，咬下是爽脆的法包，蠻清新的。至愛Rose Matcha Latte 和老友的燒棉花糖鮮奶焙茶，果然顏值爆表！玫瑰鮮奶抺茶，下的奶較多，抺茶份量剛好，心形圖案拉得乾淨俐落，細心灑在邊緣的玫塊花瓣，睇得舒服；而且味道不會側重茶味，暖暖入肚。燒棉花糖鮮奶焙茶，燒棉花綿綿蓋，就是精美。焙茶是烘焙過嘅煎茶，茶葉中咖啡也特別容易揮發，夜晚飲都唔怕眼光光。烘焙甘香，清新入口。飲品很讚。兩個MAIN，蟹肉南瓜意大利飯和白酒新鮮大蜆意大利麵。蟹肉南瓜意大利飯淡黃南瓜蓉，飯粒半生半熟，硬硬的。白酒新鮮大蜆意大利麵，大蜆隻隻厚肉大粒；意大利麵幼滑扎實； 白酒煮出奇地帶有果甜味。朱古力心太軟雲哩嗱雪糕，作結文青一頓。餐牌：

特登打去book位，放工兩個人食野好正呀呢間Cafe嘢飲好似一樣藝術品咁我終於明點解咁多人嚟呢間cafe#明太子蟹肉沙律小法包明太子醬好多，明太子配蟹肉沙律成個感覺好豐富,小法包好香脆#特級芝士忌廉汁紫椰菜貓耳朵第一次食紫椰菜，原來貓耳朵係好似貝殼粉，洋蔥芝士忌廉汁令到成個粉完美地加分💯#蟹肉南瓜意大利飯🇮🇹即叫即煮嘅意大利飯，好睇又好食，賣相咁令唔怪之得咁多人呢間cafe打卡#燒棉花糖鮮奶抹茶好似綠茶嘅富士山咁🥰綠茶控表示好喜歡#心太軟賣相好靚啊，即叫即整～中間心太軟熱辣辣仲有啲曲奇餅系旁邊match 埋綠茶雪糕，#自家製草莓醬玫瑰梳打 梳打既關系同鮮奶抹茶對比起，呢杯就感覺清新好多影相好令

我們一行8人，預早几日book位，所以不用等位（因為係樓上店，店不算大，所以如果大家下次要試就最好先訂位）。因有朋友食過好味，才再番食。我一入門就一眼望晒，裝修簡單，但舒服，可以一班朋友傾計聚舊👍🏻。食物方面：分別叫了水牛城雞翼配藍芝士醬（似韓式雞翼，辣辣哋、少少甜酸，好味😋）；日式魷魚圈（不會油，少少香口，好味）；明太子貓耳朵（這個整碟都係明太子和少少辣，貓耳朵煮得啱啱好，不會過淋）；意大利海鮮意粉（海鮮都不算少，而且係原隻青口和大蝦，味道夠香👍🏻）櫻花蝦牛油大蜆炒意粉（這個味道都好香）；蟹肉南瓜意大利飯，我就唔係好食到蟹肉，但南瓜飯都好味；慢煮安格斯肉眼扒（這個不論配菜還是扒，都好好味）；法式烤春雞（雞夠滑，但好似唔夠味）；餐湯（磨菇湯好好味😋，但每次都未必一樣）；飲品賣相靚，甜品都ok