NN Coffee & Gin (裝修中)

第一次玩空中瑜珈，可能太緊張，所以耗咗唔少力氣，覺得特別肚餓，好彩呢度有間靚cafe，就立即坐低食嘢充補下，仲可以打卡添！迷人pink lady，Cafe 一身粉紅配白，仲擺放了不少粉紅色花花，充滿活力、青春又溫和的能量，給人和諧的感覺。有一排長長梳化座連二至四人枱，坐得舒服，而最吸引我係門口張大梳化椅，感覺更舒適，好想瞓返覺，哈！Cafe 選擇都唔少，有頭盤/輕食、小食、主食、甜品和飲品，而飲品仲有非酒精類和酒精類揀添！咖啡店唔止環境靚，連食物呢客蟹肉南瓜牛油果手工意大利粉（$98）嘅擺放都好靚，開心！意粉面放了半個香滑的牛油果，仲有大量鮮甜的蟹肉，啖啖肉食得好滿足。手工意粉口感果然不同，好有咬口，仲有彈性，沾上甜美的南瓜汁，伴埋車厘茄、洋蔥碎和蘑菇，更加豐富有益。Rose latte轉Oat milk ($46+$6) 同樣咁靚，仲以為用Oat milk無拉花，點知嗰拉花仲要係複雜的天鵝，再加少少玖瑰花乾碎，好優雅！放埋咀邊就聞到玖瑰花香氣，入口溫暖，甘苦的咖啡中嚐到玖瑰的香甜，仲有啲燕麥奶味道，估唔到好夾，好飲喎！Cafe 咁近瑜珈室，大家做運動前輕食醫肚又得，做完運動大食醫肚亦

本身見到依間係好打卡instagramable 嘅餐廳，食物睇落精緻，係鰂魚涌上瑜伽堂前過嚟食啲野。點知，發現依間餐廳唔止環境&食物好食同靚，仲有隱藏嘅驚喜。前鋪後室！入邊係有空中吊環同空中吊床嘅課室，方便客人可以做晒兩樣野。不但適合愛打卡嘅少女嚟食野，好動，愛空中吊環同空中吊床嘅人都好適合！完美解決上堂前後醫肚/飲杯野放鬆一下🥰講返碟蟹肉南瓜牛油果手工意大利粉，我一見到以為細細碟食唔飽，點知隻碟都好深，大隻之人都飽肚，第二，個粉好好食，好足料，好creamy, 每啖粉都有料，大大啖牛油果同蟹肉，食得好滿足💛雖然佢地啲特色cocktails 好靚好吸引，但係我要去做運動就叫左杯matcha latte，下次會試埋cocktail💛

鰂魚涌有棟商廈上面原來有個玩瑜珈嘅地方兼有間好值得打卡嘅餐廳，仲可以飲cocktail，試咗佢兩個主食同兩杯cocktail，都整得好出色蟹肉南瓜牛油果手工意大利粉成碟都好有南瓜味，牛油果夠熟，所以味道夠濃，而蟹肉好鮮，樣樣食材比例都好好香煎日本帶子黑松露手工意大利粉就夠哂黑松露同忌廉，而雜菌就令碟意粉更香，帶子煎得啱啱好，唔會整到成粒熟，入面仲係好淋兩杯cocktail Love Hug, Around The World 呈現嘅方式好靚，又好飲，黎呢間真係打卡食飯都一流

【鰂魚涌篇（ΦωΦ）西式 - nn coffee &gin】Lunch hour 同同事一齊去附近NN cafe食飯，人頭多，我地每人order左個main course，另外再order左d小食，好飽呀～～^ↀᴥↀ^ 水牛城雞翼 $68水牛城汁超級攻鼻，係偏辣既水牛城雞翼ps食辣程度係譚仔三小辣ʘ‿ʘ^ↀᴥↀ^ 脆炸黑松露薯條 $68普通粗炸薯條，黑松露醬好濃郁好好味～ʘ‿ʘ^ↀᴥↀ^ 蟹肉南瓜牛油果手工意大利粉 $98個意粉冇咩味，好似用南瓜湯煮意粉，比個意粉溝淡左個味，不過欣賞既係佢既意粉係手工意粉，口感都幾特別～^ↀᴥↀ^ 煙三文魚青醬手工意大利粉 $98有少少偏油，但係鍾意香草既人應該會覺得個香草好惹味ʘ‿ʘ^ↀᴥↀ^ 香煎日本帶子黑松露手工意大利粉 $108手工意粉質感特別，帶子煎得岩岩好，但係黑松露味唔係特別出色，一般不是特別好味～^ↀᴥↀ^ 卡邦尼手工意大利粉 $88卡邦尼醬好濃郁，係好味既！不過好有罪惡感mmm，食完會好膩ʘ‿ʘ^ↀᴥↀ^ 慢煮伊比利亞黑毛豬 $148好意外，出乎意料之外，估唔到個豬咁好食，豬肉既熟成度岩岩好，肉嫩多汁,性價比高(￣▽￣)~*^ↀᴥↀ^

好鍾意呢間的手工意粉❤️一定要試，highly recommend‼️用左闊條意大利粉，仲要大碟，每款都好吸引又特別😍岩哂pasta lovers😉🍝蟹肉南瓜牛油果手工意大利粉🦀🥑 $98用南瓜做醬融入左系意粉入面，creamy 甜甜地估唔到又幾夾😝仲有啖啖蟹肉同牛油果，滿分💯🍝香煎日本帶子黑松露手工意大利粉 $108兩粒大大粒帶子😍 煎得好香，黑松露味好濃👍🏻 加埋creamy忌廉，意粉掛汁，冇得彈😝🍳班尼迪蛋鬆餅烤蜜糖羽衣甘藍沙律配帕馬火腿 $98輕食之選！唔算太大份 流心班尼迪蛋😝底系烤麵包似多士，大大塊parma ham🍖加埋蛋汁mix🥪食 jeng👍🏻羽衣甘藍沙律🥗酸酸甜甜幾開胃☕️ 𝑽𝒆𝒍𝒗𝒆𝒕 𝑳𝒂𝒕𝒕𝒆$42口感smooth，重奶味，velvet有種特別的香味，飲落似香草，唔會甜，粉紅色的紅絲絨夠哂吸晴💓☕️ 𝑹𝒐𝒔 𝒆 𝑳𝒂𝒕𝒕𝒆$46 靚靚拉花，咖啡味濃，偏苦，反而玫瑰味同奶味唔太突出🌹比較岩coffee lover✨鰂魚涌開左唔洗入西貢都可以試到，免加一💁🏻‍♀️擺盤有心思加左食用花裝飾🌼🌸🌱又睇得又食得

今日嚟咗呢間係太古同鰂魚涌交界嘅cafe, 聽朋友介紹呢度有好girly嘅裝潢，好適合一班閨密嚟聚聚，於是決定嚟試下。同朋友分別叫咗兩個main，佢嘅係蟹肉南瓜牛油果手工意大利粉，口感濃稠，但南瓜味有清甜嘅感覺，蟹肉同牛油果都同個汁好夾；我嘅係香煎日本帶子黑松露手工意大利粉，帶子煎等香得嚟，入面嘅鮮味依然冇流失，肉質唔會乾爭爭，而黑松露汁都好濃厚，雖然兩個意粉望落好似好細碟，但都夠飽。即便如此，女仔點都要啲甜品去滿足下另一個胃，所以再叫咗個雜果法式西多士。藍莓同草莓都幾新鮮，西多士外脆內軟，已經被甜甜嘅糖漿包圍好，感覺幸福。嘢飲方面朋友叫咗Sour Sweet，係用English Breakfast Tea做嘅，有啲似檸檬茶嘅味道，但有滋潤嘅感覺。而我就試咗個Around The World，真係又飲得又睇得，用個小小皮箱裝住個藍色地球，突然好想去旅行呀！有汽嘅酒飲落竟然有啲creamy 嘅感覺，非常特別，強烈推介！！

Happy Friday梗係唔煮飯啦，同老公去左屋企對面新開既cafe食晚飯，約會一下。Cafe有有個吊千秋既座位可以坐係到影靚相，以粉紅色為主調，行少女路線，非常夢幻。我地叫左兩個主食、一杯特飲、一杯Cocktail，唔駛加一。蟹肉南瓜牛油果手工意大利粉上碟熱辣辣，蟹肉鮮甜，用肉眼都睇得出好creamy，意粉用上闊條麵，每個面積都沾滿醬汁，好食。香煎日本帶子黑松露手工意大利粉帶子大大粒，肉質軟滑，闊條麵充滿黑松露味，呢個都好好食。雜果法式西多士我都係要叫返個甜品黎食，賣相吸引，忌廉輕盈，略嫌西多士唔夠鬆軟濕潤同唔夠蛋香。Sour Sweet係茶既特飲，由English Breakfast Tea, Lemon, Elderflower整成，酸酸地，有種茶香，幾好飲。Around The World上碟嘩左一聲，由Gin, Caramel, Cauracao, Lemon, Soda Water整成，好似飲緊雲尼拿甘，甜甜的，有氣既雞尾酒，好易入口。