Chef's Stage Kitchen (西菁街)

營業中

休息中

和朋友相約元朗晚飯，因他想食西餐，所以專程來到chef stage kitchen鋸扒！不得不說chef stage kitchen真係環境很好，食物水準亦都唔錯，之前都有黎食過，今次介紹朋友嚟食希望佢滿意啦！坐落一張二人枱，雖然枱面比較細小，但係有蠟燭燈，氣氛都唔錯！最啱情侶嚟食飯；只係餐牌嘅字細啲，係咁嘅燈光之下真係有啲難睇！最後我哋點咗龍蝦湯和牛菇湯，再加個沙律，而正餐我就鋸扒啦，而朋友就揀咗海鮮意大利飯；好開心個龍蝦湯真係好香龍蝦味，朋友個牛菇湯畀我試咗一啖，都有好香濃嘅牛菇味；前菜嘅煎鵝肝，再加上焦糖菠蘿，真係好有特色又好好味！外脆內軟嘅鵝肝煎得水準一流；我要的牛扒係肉眼扒，配菜亦都好好味；亦都試咗朋友小小嘅意大利飯，啲飯軟硬度適中，有海鮮蟹肉嘅鮮味！食落特別醒神；最後我哋各自點咗一杯玫瑰綠茶和朱古力奶來完結呢個晚餐，感覺真係唔錯！

為咗慶祝終於考晒試 就揀咗呢間喺元朗好似幾出名嘅西餐廳餐廳都唔細 而且啲裝修幾靚幾舒服嘅未夠7點就入座 所以都有唔少座位嘅餐牌有套餐有散嗌但佢二人餐咩都有啲就試下二人餐了✨餐前麵包正常質素 係個醬幾好味✨餐湯 — 南瓜湯筆者幾喜歡呢個南瓜湯 南瓜夠香亦都夠蓉✨風乾牛肉沙律牛肉有3/4片 份量算幾多但味道上就無乜特別✨法式生牛肉他他基本上他他好少會唔好食嘅呢個調味較淡口嘅 但作為前菜都唔錯✨蟹肉意大利飯筆者已經唔記得咗係咩汁嘅意大利飯飯粒口感唔錯 但個醬汁唔突出 令成個飯都好普通✨肉眼扒拼芝士龍蝦呢個價錢嚟講 個牛扒係真係頗為失色有少少overcooked啦 令相對較林嘅肉眼都有啲難咬 係一塊都食得幾唔enjoy嘅牛扒不過個龍蝦加返分 啲肉好爽口 好味嘅✨接骨木玫瑰花茶兩種味道都飲到嘅不過就玫瑰味再濃啲出啲唔算太甜 唔駛額外加錢嘅餐飲嚟講唔錯總結嚟講 除咗環境比較好之外 食物質素同服務筆者都認為有待改善食物質素全部都好一般 無乜邊樣野食完係真係覺得好食同有記憶點嘅至於服務 其實啲店員有用心嘅 好勤力去睇你枱面嘅野食晒未 但每次睇都會行得好埋 筆者覺得有小小打擾嘅真係而且唔知係落錯單定廚房