Chef's Stage Kitchen (西菁街)

營業中

休息中

和朋友相約元朗晚飯，因他想食西餐，所以專程來到chef stage kitchen鋸扒！不得不說chef stage kitchen真係環境很好，食物水準亦都唔錯，之前都有黎食過，今次介紹朋友嚟食希望佢滿意啦！坐落一張二人枱，雖然枱面比較細小，但係有蠟燭燈，氣氛都唔錯！最啱情侶嚟食飯；只係餐牌嘅字細啲，係咁嘅燈光之下真係有啲難睇！最後我哋點咗龍蝦湯和牛菇湯，再加個沙律，而正餐我就鋸扒啦，而朋友就揀咗海鮮意大利飯；好開心個龍蝦湯真係好香龍蝦味，朋友個牛菇湯畀我試咗一啖，都有好香濃嘅牛菇味；前菜嘅煎鵝肝，再加上焦糖菠蘿，真係好有特色又好好味！外脆內軟嘅鵝肝煎得水準一流；我要的牛扒係肉眼扒，配菜亦都好好味；亦都試咗朋友小小嘅意大利飯，啲飯軟硬度適中，有海鮮蟹肉嘅鮮味！食落特別醒神；最後我哋各自點咗一杯玫瑰綠茶和朱古力奶來完結呢個晚餐，感覺真係唔錯！