HANDS - Craft Beer & Magic

營業中

休息中

經過太子見到呢間bar都幾特別，就同朋友入去飲返2杯。bar以魔術🪄為主題，仲有可能見到真·魔術師表演！🍷青檸蝶豆花蜂蜜酒 Purple Dream （$108）- 真係好似魔法portion咁，紫紫地色好特別，適合女仔打卡+飲。飲落去甜甜的帶有蜂蜜香，好易入口。🍷Deep  Creek（$88）- 係比較果香味重嘅酒，好有熱帶水果香，夠refreshing！另外，店內其實都仲有其他本地製作酒/GIN，例如有我之前都買過嘅白蘭樹下！真係好難得地多本地選擇！🥗蟹肉牛油果日式田園沙律（$108）- 上面超多蟹肉，配上軟香牛油果同份量十足、爽脆沙律菜同芝麻醬，好refreshing。🌟鹽酥夜市杏鮑菇（$88）- 炸得幾香口之餘唔油膩，入面杏鮑菇大粒多汁，係幾好嘅小食～🌟招牌麻婆mac  &  cheese- 係非常獨特且幾有心思嘅fusion菜，芝士味超濃香而且厚厚一層幾吸引，再配上少少麻香豆腐，估唔到都幾夾下次再來飲下其他特色酒！

FD話介紹一家有魔術師駐場嘅餐廳比我試下，話可以近距離睇下魔術表演，咁一定要試試。成間餐廳裝修得幾有特色，好似一家魔術house咁。原來哩間餐廳以手工啤為主打，唔單止有好多創意啤酒，仲攞咗啤酒煮餸，有好多特色嘢食出面都好少見。啤酒一向鐘意果香同花香型，今次揀咗DEEDS同BREER，DEEDS係果香型啤酒，話有熱帶水果同松樹香氣，飲落又真係有淡淡果香，同埋酒味唔太濃，都幾啱女仔飲。BREER係用回收麵包釀制，都幾有創意，飲落酒味濃少少，之後會有回甘，唔錯。蟹肉牛油果日式田園沙律，勁大一份沙律，有牛油果，蟹肉同沙律菜。沙律醬比得好豪爽，每一啖沙律都full晒醬汁，好味。薯條叔叔配腐乳醬、腸粉醬、燒鵝醬，薯條有兩種，普通薯條同番薯條，第一次食薯條配咗更多特色醬汁，估唔到腸粉醬同薯條都幾match，哩啲創意真係要比個like！啤酒慢烤香麻手撕豬肉漢堡，麵包烘得脆啵啵，豬肉多到滿晒出來，仲加咗蘑菇一齊煮，食落唔覺得好重啤酒味，調味都幾好，少少椒麻，仲有少少甜味，全部食晒。食完嘢，駐場魔術師會過來表演魔術，真係第一次咁近睇到魔術，仲可以參與TIM，好神奇喔。表演魔術啲哥哥仔都好handsome，

大南街出名多cafe，但其實仲有好多好用心又高質既小店。係近太子就一定要數@handsbarhk☺️ 佢地支持本地product之餘，仲對蜂蜜酒，啤酒，Gin同每一道菜都好有獨到嘅眼光😉一坐低梗係叫最signature嘅drinks，就係青檸蝶豆花蜂蜜酒。佢個蜂蜜味超香，甜度適中，個人覺得配濃味嘅食物幾適合。仲叫咗Tai Wai Brewery既本地手工啤酒，係果香型，熱情果同茉莉🥰 你可以根據你鍾意嘅類型，甘度同酒精濃度去揀你想飲嘅手工啤。頭盤我哋叫咗蟹肉牛油果日式田園沙律，蟹肉調味適中，一絲絲蟹肉好鬆化，咸味同香味主要來自中間既三文魚，而牛油果就balance番成個菜，亦唔會太多攪到搶咗個主角。沙律係陪胡麻醬汁，伴碟係好爽口既紫薯片🤭 主食叫左啤酒慢烤香麻手撕豬肉漢堡，個啤酒味非常之出🤣 佢個香麻感同手撕豬肉(同蘑菇)非常之夾，係唔辣的，甜甜地，即刻胃口大增！佢地既自家油封鴨腿配手打薯蓉係以一個非常親民嘅價錢令大家試到既法式菜。鴨腿非常之嫩口同juicy，肥瘦啱啱好，外皮亦都好香。配菜今日用咗酸洋蔥，可以減少油膩感，其實佢地非常有心，係會用時令嘅食材，所以未必次次一樣㗎🤓生酮飲食既你