夏捌月 (已結業)

Happy Friday~~終於捱到今日啦~~臨飛前同朋友又黎到夏捌月刷返餐😊😊🍖牛魔Ver2.0(西冷牛扒+鑊仔牛柳+霜降牛粒)$168先講霜降牛粒，有小小硬，and同枝竹簽合左體，食嘅時後要好小心，鑊仔牛柳就十分嫩滑，但每人大約得2啖有d唔夠喉，西冷order五成熟，煎得幾好夠晒粉嫩。墊底嘅配菜都做得幾好，薯角十分大件，size基本上就係原個薯仔切件，炸得幾香脆，薯蓉用上紫薯打成，口感幾有新意。🍝蟹肉蟹膏意粉$98+$20轉套餐黎到夏捌月點可以唔點呢道招牌菜😉，每啖意粉都食到香濃creamy蟹肉蟹膏，每次食都係咁滋味😋😋另外朋友仔好鍾意呢度嘅羅宋湯，貪佢有小小辣度夠晒開胃(雖然賣相hea左小小），而呢度嘅樽仔奶茶都幾香滑，可以一戰，另需加一，人均$150左右，夠晒經濟。

元朗人又喺附近覓食喇😆 今次去到一間睇過評語唔錯既餐廳食lunch，大約兩點到，個場都幾full，咁岩有枱走我地先好彩唔洗等位咋！店內既環境都幾舒服，唔算好迫，有兩面大窗，可以俾日光透入睇睇餐牌，其實都幾多選擇嫁，午餐其實同晚餐大同小異，只係可以用平d既價錢食到，之前睇食評差唔多個個都叫左哩度既蟹肉蟹膏意粉，我又點會錯過呢！跟餐包括：香脆熱辣辣既蒜蓉包、樽仔凍飲，奶茶夠滑又夠奶香，我覺得好好飲😍仲有加左錢轉左一個酥皮湯，羅送湯勁足料！！有大量雜菜同牛肉，味道自然夠濃郁啦！蟹肉蟹膏意粉…整碟意粉都呈深黃色！唔通真係落重蟹膏咁正？！😆面頭仲見到唔少蟹肉，仲有野菌balance番冇咁膩。整體都好香蟹味，意粉亦煮得軟硬適中。紐西蘭鑊仔牛柳… 加左十蚊要炒飯底，牛柳估唔到有三塊咁多！而且肉質夠淋夠嫩，都食到有牛味，不過就唔太濃，但幾十蚊有咁既質素已經相當唔錯！😋

在元朗，除了商場中既高級餐廳外，西餐的選擇並不是很高質及抵食。但自我發現了這間平民西餐後，就列入了我的top list。不但食物質素不俗，價錢更相宜！特別是扒啊豬手那些，性價比是挺高的。所以今次與朋友約食午餐，又再選擇了這間小餐廳。座位不算闊落，但不感侷促。和朋友邊吃邊談特別舒暢！我點了蟹肉蟹膏意粉($98)，可算是我的最愛。因為有很濃郁的蟹膏，食落更有滋味。一如以往的份量大，午餐而言稍為over了。店家也太慷慨了。還有很多菇菌類，為單調的意粉加添了口感。跟餐還有飲品，蒜蓉包及餐湯，我額外轉配酥皮忌廉湯($18)。雖然更邪惡及增加飽肚感，但饞嘴的我也是豁出去了。另外必飲他們的樽仔凍奶茶(+$3)，奶味較出及偏甜，但正中我下懷！

今日我放假，應承阿囡去接佢放學，接完放學就梗係喺附近覓食啦。見到呢間夏捌月，個名好特別， 門口個餐牌都好似幾多嘢揀喎，又見有位，就入去試下啦~裏面裝修幾舒服，有啲avengers嘅裝修，小朋友見到都幾開心~望下餐牌先，真係好多款式揀喎~套餐由$40~$228都有 我地叫左4個餐先黎餐湯，有羅宋湯同埋忌廉湯~羅宋湯 - 好足料呀，裏面舊肉大大舊，雜菜都好多，滿滿的~忌廉湯係煙肉忌廉粟米湯 - 好creamy 煙肉味好香，呀囡用黎點麵包，佢話超級好味！另外蒜蓉包真係有粒粒蒜蓉喺度，好香口~到主菜上場喇！ 呢個蟹肉蟹膏意粉 ，不得不讚，食落有香脆蟹肉味，而每一條意粉都被蟹膏佈滿左，啖啖肉，啖啖香，我地4個一致認為呢個意粉掂，實屬必試！蟹膏焗鮮元貝飯 - 粒元貝好大粒， 食落幾新鮮唔會腥，呢個蟹膏嘅味仲重，個飯係炒底，鍾意食焗飯既可以揀呢個~1855 黑安格斯西冷牛扒（10安士）- 叫7成熟， 上到黎岩岩好，有牛味。喜歡伴菜既薯格，炸得好脆又調得好味~醬燒豬仔骨（半份）- 呢個豬仔骨上菜時候真係有驚喜呀，原來佢係火焰豬仔骨嚟㗎！ 侍應攞過嚟嗰時仲著緊火，唔只阿囡，我地見到都嘩嘩聲，好開心。上到

※本文以用餐當日的環境、服務和食物質素為準，口味亦因人而異，文章只作參考之用。以前社交平台無咁流行既時候，會比較難知道一些新餐廳的資訊和招牌菜式，現在有了FB、IG等APPS後，無論隱世定新餐廳都可以好快咁收到資訊，方便多了! 就好似呢間開業不久的夏捌月，名字很特別，有文青的味道，英文名叫Summer August，相信是與「夏天」和「八月」有關吧! 看似平平無奇的餐廳，近來出了名的蟹肉蟹膏意粉，在IG中一傳十十傳八，十個有八個到餐廳都會點這個黎試試，評語中都話足料又好食，餐廳仲咁近小妹梗係要試下。餐廳位於朗屏橋底附近，門面不太起眼，透明玻璃上印了白色字的餐廳名稱，感覺很易走漏眼呢。餐廳內的座位不多，而且較為迫狹，建議可預先訂位，免卻要排隊等候的情況。晚市套餐有A1-A10十款選擇 (午市單項有9折)，從$98~$228不等，配白飯/意粉/薯菜、餐湯及熱飲，可加+$18將餐湯升級為酥皮湯。多以扒類為主，岩晒食肉獸的你。如果套餐覺得唔岩食，仲有另一本餐牌有小食、意粉和炒飯等，價錢都很大眾化。(餐牌在文末)凍咖啡、凍奶茶 （套餐+$2）小妹揀左飲奶茶，飲落有茶的清香，茶味唔會比奶味蓋過，味

見最近好多住元朗的朋友都推介呢間餐廳，星期日的中午，又諗唔到去邊食個BRUNCH，所以就想起呢間餐廳。個位置好近朗屏西鐵站，因為個招牌唔起眼，無仔細睇係留意唔到呢間小店，其實係正橋底。中午12點去到，竟然有人等位，可能新開，都多人想試食，我地係第三張枱，前面有4個人等緊。負責安排入座的店員，非常有禮貌，亦會提示入面的情況，如已經執緊枱或已埋緊單，服務算殷勤的。等左10分鐘，就可以入座。餐牌選擇十分豐富，比想像中多選擇，老婆本來想食焗豬飯，但最後都係選左芝士咖哩焗吉列豬扒飯，我就選左人氣之選－蟹肉蟹膏意粉。豬扒係吉列炸的，非常香脆，配埋咖哩汁，好惹味。本來以為會係類似日式咖哩汁，呢間的咖哩汁偏近東南亞，有椰香味，唔會太辣，又有香料味。焗飯偏向細碟，比一般茶餐廳少，如果女仔食剛剛好，男人食就可能唔夠飽。蟹肉蟹膏意粉，十分值得一試，非常CREAMMY，每一啖都有蟹粉味，份量也剛剛好，雖然唔大碟，食晒都有飽滯的感覺，十分足料。呢度值得一試的，仲有樽裝無冰嘅凍奶茶、咖啡和朱古力，奶茶香濃而味道偏甜，朱古力都OK，味道似維記朱古力奶，好飲過茶餐廳的凍朱力奶。埋單＄161，每人一舊水都唔洗嘅價錢就有

今晚去到朗屏站，因為朋友推介佢家附近新開的，價錢亦唔貴,值得我去會一會先，見到門口光亮，無招牌?原本店名只印在玻璃上，其實我比較喜歡佢英文名，不知道英文名有什麼特別意思?牆壁掛了4幅方形細畫，簡單而別緻。門口有餐牌，仲大大個清清楚楚每個餐售價，我相信店主想多些街坊易些知道。因為附近都中菜比較多，我與朋友點了蟹肉蟹膏意粉，和白汁芝士焗大蝦意粉，加20元有餐湯，蒜蓉飽，餐茶。餐湯一紅（羅宋湯）一白（忌廉磨菇湯），羅宋湯好足料，仲食到牛肉粒，少少辣，好味忌廉湯，有火腿粒，磨菇，滑滑地，有金寶湯feel, 蒜蓉飽好濃蒜蓉好多，堅見到蒜粒係面邊位脆，中心鬆軟 i like it♡ 首先前奏水準ok, 主菜出現，我必須同各位講，佢一定即叫即製，因為我中間等左20分鐘以上，大家要有耐性，第1個係蟹肉蟹膏意粉，黃黃蟹膏平均分佈在每一條意粉上，我真係很欣賞，最頂炸左幾件蟹肉，食落真像新鮮蟹拆出黎，但禁多蟹膏我相信無可能，店主自己拆新鮮蟹，應該係買蟹膏蟹粉煮，味道就係濃濃大閘蟹味，見到佢細細份，都覺得98元會唔會貴左少少，但食到2/3覺得有點膩感覺，膽固醇又一次超標了為左食我條命都括出去了。第2個係芝士焗

之前在元朗見過有間叫【夏捌月】的餐廳，因為名子特別的關係，還上網查了一下「捌」是什麼意思，原來是數子「8｣的意思，還想特意過來試一試。妹妹星期三放假，那就說好她在西鐵站等我，然後一同到此。由朗屏西鐵站B1出口出，步行一分鐘就到，十分便利。我兩坐下，店員隨即奉上兩杯橙色的飲品，原來是他們自已調配的Fruit Punch，清新解渴。餐牌一張紙完，精而簡，但上面有蠻多不同的餐，總有一款啱心水。有些餐可以加＄20升級做套餐，有餐湯，飲品。大部份餐本身已經跟有餐湯和飲品的，價位都比想像中便宜，見到有德國鹹豬手連餐都只是＄138 ，我們當然點了一個。先來餐湯，配有一片抺有牛油焗得香脆的多士，入口香脆。這個忌廉湯口感幼滑，有好香濃的奶油味，稠身的忌廉，裡面還有仿翅。這個羅未湯非常多材料，裡面有牛肉和大量的蔬菜，酸度比較重，挺開胃的。這個蟹肉蟹膏意粉好吸引眼球，整碟都給蟹膏沾上黃色，每條意粉上都是滿滿的蟹膏，入口甘香無比，但又不會油膩，配有香草調味。究竟一碟意粉要用上多少蟹膏才可做到這個效果呢？面頭還有大量的蟹肉，好難想像這碟意粉一百元有找。份量之多，我一人吃不完，要跟妹妹分享。意粉的熟透程度剛好，但