夏捌月 (已結業)

Happy Friday~~終於捱到今日啦~~臨飛前同朋友又黎到夏捌月刷返餐😊😊🍖牛魔Ver2.0(西冷牛扒+鑊仔牛柳+霜降牛粒)$168先講霜降牛粒，有小小硬，and同枝竹簽合左體，食嘅時後要好小心，鑊仔牛柳就十分嫩滑，但每人大約得2啖有d唔夠喉，西冷order五成熟，煎得幾好夠晒粉嫩。墊底嘅配菜都做得幾好，薯角十分大件，size基本上就係原個薯仔切件，炸得幾香脆，薯蓉用上紫薯打成，口感幾有新意。🍝蟹肉蟹膏意粉$98+$20轉套餐黎到夏捌月點可以唔點呢道招牌菜😉，每啖意粉都食到香濃creamy蟹肉蟹膏，每次食都係咁滋味😋😋另外朋友仔好鍾意呢度嘅羅宋湯，貪佢有小小辣度夠晒開胃(雖然賣相hea左小小），而呢度嘅樽仔奶茶都幾香滑，可以一戰，另需加一，人均$150左右，夠晒經濟。