橘焱胡同燒肉夜食 (已結業)

橘焱胡同燒肉夜食 @ 尖沙咀Once upon a time ... 還記得去左灣仔一間名字好接近既燒肉店。試左佢地既炭燒烤…真係覺得好正🙂🙂…無論調味到火喉既掌握都好好。後尾發現原來呢個idea係黎自台灣，除左個名連餐牌食物都好接近…好多年之後…台灣既真身終於黎香港開分店。同女友就搵左個機會黎試下…打電話book位時指定要炭爐(bar檯)…(原來要國語…因為好多員工都係台灣人，好彩佢地接得電話多應該都學埋廣東話了😏😏) 現埸情況係👉首先每一檯都有一個炭爐…食物到時會有人為你將食物燒好…亦都見到有一個senior既員工不停為食物調味再分配到每一檯…我地都點左幾多野食…牛肉,牛舌, 豬腩肉, 豬大腸, 雞軟骨, 山药, 蟹蓋, 帶子蟹膏刺身…等等。個人覺得帶子刺身, 豬腩肉同豬大腸都好味…除左食物質素唔錯, 員工服務態度亦都非常好…好有禮貌…還有, 每一份食物亦都分幾次燒俾你食…非常細心👍👍 最後…我都覺個值得推介下…除左覺得價錢貴之外🙂🙂

以前成日去台灣旅行，次次去親都會食烤肉，因為烤肉真係台灣其中一樣最好味既食物，我自己認為仲好味過牛肉麵同麻辣火鍋多多聲。咁早幾年見尖沙咀開左間乾杯，風格、佈置甚至情侶留Kiss 相有野送呢D trick都跟到十足十，但係食既野完全兩回事，又貴又難食，即時對台灣過江龍起戒心 (及後先知原來係有人巧合地開左間同名同姓同風格、賣同樣食物而標誌亦看似雷同既食店... ... 我唔敢話俾人呃，只怪自己食飯前唔查清楚公司註冊文件....唉~)。今次去胡同其實都驚驚地，好在入到去已經覺得台風味濃，因為聽到有人講國語 (台腔)，心諗今次應該堅喇嘛? 結果終於無失望。胡同既座位都幾舒服，可能因為唔係地舖，舖租平D，座位寬闊D，桌與桌之間既距離又大D，個人都即刻感覺「台D」。而且佢地真係有員工係台灣派過黎香港，服務態度好就唔在講，除左會幫你燒埋，間中仲會同你傾下計，講下中港台既分別 (個高大靚仔侍應仲話自己之前去左大陸分店一年)。咁識撩人吹水既waiter真係似足台灣，香港少見。到講返食物質素，以下就係我叫左既食物：和牛肋條：肉汁豐富、唔會韌、牛味重，而且價錢唔算太貴，必食之選。霜降松阪豬：呢個都係必叫，

其實早早開張無耐已經食過，之前亦都係台北本店食過，一直都覺得好掂👍🏻算係我係香港食過既燒肉店裡面最好既一間。開左一段時間仍然長期都滿坐，10點前的時間基本都要提前預約。今日我地四位一早約左8:30時段慶祝叔叔生日加父親節。由於比較繁忙，電話confirm 時，店員都有提示預兩個小時時間用餐。去到稍稍等左大約10分鐘入座，今次坐卡位，坐低無耐已有店員過來幫忙點餐，因為之前食過幾次，好快諗好要食咩。點完菜後，先上左飲品涼拌小食先。我地一人叫左一杯sunstory生啤，泡沫綿密，口感淡淡麥味，覺得好飲🤤（我最愛啤酒💕）*帶子裙邊*基本上每次來必點小食，我特別喜歡伴住既綠色唔知咩菜，好爽口，主角帶子裙邊亦唔會un。開始上各式肉類同菜喇，呢度係有店員幫你燒埋，店員熟手比自己燒更好，同台灣食時一樣。仲有呢度其實有一半店員來自台灣，有位店員更加係我之前係台灣食既時候見過，覺得佢地對服務有一份執著*薄切牛舌*呢個雖然薄薄的，加埋大堆蔥，輕輕燒十秒左右就食得。雖然我唔鐘意蔥，食個時我都撥走晒d蔥😅但係仍帶有少少蔥味，其實係幾香～男朋友通常會幫我食埋d蔥😂😂*霜降豚肉*好香又爽口，燒好個樣有d似豬頸肉，但

早兩個星期就打電話黎預訂星期日晚黎試下呢間台灣人氣燒肉店店員當日上晝打黎comfirm booking  並提醒台只hold 10 分鐘 我地準時八點去到 今次坐bar台點好肉，店員就攞左d檸檬汁洋蒽 蒽過黎蟹膏帶子 蟹膏好多  幾好味  不過一百大洋得兩舊有少少貴左邊係達拉斯   上面係牛五花   下邊個碟係蒽花牛舌店員首先燒左蒽花牛舌牛舌燒到五成熟  蔥花味香 不過略淡味跟住到牛五花  牛五花揀左椒鹽味  幾香牛味 不過又係好淡 唔夠調味  建議叫烤肉醬味達拉斯 一碟兩大舊 一舊早已分成4片所以一碟只有8片 個人覺得達拉斯 係3碟牛入面最好食有牛味有油香   不過相對比較膩 螺肉  都係味較淡  燒熟既質感唔係爽口個種 墨魚香腸  呢個反而有驚喜食到一粒粒墨魚粒 好有口感之後仲加左一客蘑菇 松板豬 一碗白飯  兩杯果汁松板豬揀左烤肉醬汁  少少甜 幾好食 最後兩個人食左一千蚊  店員好忙冇乜同客既互動 亦冇笑容 同網上講既有出入最值得讚係雖然佢地忙 但都冇試過將肉燒焦過  唔洗自己旭手就有野食 味道同質數都冇想像咁好  好多都比較淡味  而且份量少價錢貴 所以個人認為錢係洗係服務上