花火漁屋 (已結業)

去開屯門d工廈區上完興趣班，朋友帶路之下去咗一個屋邨商場度覓食，見到間似樣嘅居酒屋就去試試。🍲至尊牛肉鍋 - 壽喜燒湯底講到牛肉鍋嘅絕配，唔洗諗一定係壽喜燒湯😋（另有豚骨/地獄辛辣/鰹魚/麵豉/蕃茄湯底揀）個鍋一上檯嘅時候，表面嘅牛肉仲係半熟，到食嘅時候熟度就啱啱好🤪 壽喜燒湯底夠濃嘅關係，牛肉一嚟就夠入味。另外個鍋仲有唔同種類嘅蔬菜，夠哂營養均衡👍💖特盛刺身丼 高質抵食之選，有三文魚、油甘魚、吞拿魚、帶子、甜蝦各兩切，刺身夠鮮得嚟仲要厚切😱目測成cm厚呀‼️ 都仲未講嗰座山一樣嘅蟹籽🥰見到都開心❤️十分驚喜嘅一道菜式。🦀蟹肉明太子玉子燒 玉子燒又係厚身嘅代表，勁多層蛋皮🤣但都有蓬鬆嘅感覺。🍣脆炸三文魚骨 ($38)未試過覺得幾特別，脆脆地咁又有d魚肉，適合鐘意噒骨嘅朋友🔥蟹蓋海膽黃金燒 ($38)配料爽口加埋沙律醬幾開胃，雖然好多嘢咁但仍然食得出有蟹肉😋👍

最近紅橋一帶嘅外賣食厭咗，四圍搵下屯門仲有咩好食！唔去唔知，山景商場原來已經唔同晒，除咗間 M記，多咗好多間食肆，仲有間裝修得靚靚仔仔，大間又坐得舒服嘅日本嘢！見 menu 唔止有刺身、丼飯，仲有串燒同鍋物，於是就約咗中學同學放工去食嗰飯吹下水！睇個樣都已經好吸引，蟹蓋鋪滿金黃嘅海膽醬，入面有滿滿嘅蟹肉，香口又好鮮味！呢個牛肉鍋真係好足料，有成十幾片牛肉咁多，仲要唔係勁薄嗰種，雖然牛肉未做到入口即溶，不過百幾蚊嚟講，CP值都幾高！煙肉帶子串 $28煙肉帶子呢個配搭好新鮮，每舊煙肉卷都有半粒熟帶子喺入面，口感幾豐富，而且唔太鹹，食多幾舊都仲得！北海道竹輪露荀燒 $28竹輪有口感之餘，露荀爽口清新，想食串燒，但又怕太多肉，呢個就啱啱好！五花腩串 $32五花腩燒得勁香，又唔太油膩，如果有啲醬汁就更好！玉子燒喺煎得比較香口有口感嗰種，蟹肉同明太子都好多，一咬落去流晒出嚟，好滿足！今次朋友唔食生嘢，都係叫晒熟食，刺身同丼飯價錢都合理，下次一於試埋先！

舊地重遊，果真十年人事幾翻新。筆者中學時代經常流連的屋邨，現在已經變了個樣。今天的山景商場多了很多不同種類的食肆。尤其這間日本菜餐廳「花火漁屋」，印象中當年的商場是沒有日式餐廳的。烏冬幼身彈牙，而且索入湯底非常入味。湯底方面可以自選口味，試了地獄辛辣味，入口感受到嗆辣感，頗為惹味。豬軟骨十分軟腍，用筷子一夾即散，但因為泡在湯中已沒有了醬汁的味道。這個定食分別了8件壽司：三文魚、赤身、油甘魚、𩶘魚、海膽、三文魚籽各1件；加洲卷則有2件。剌身新鮮，當然以這個價錢的話，用料一定是普通貨色，但整體都合格有餘。除此之外，還有沙律、一小碗烏冬、味噌湯，相當豐富。2個午巿套餐都附送餐茶（凍飲+$2）。非常有驚喜的一道小食，迷你蟹蓋內釀了芝士、蝦肉、蟹肉等，入口creamy又夠鹹香美味。平時去日本餐廳都好鍾意叫芝麻雞翼，雞翼炸得香脆，內裏juicy。不過2隻定價$48就有點偏貴。

睇過介紹話屯門山景商場裝修佈置到成個英國火車站咁，今日特登入嚟打咭影相，影完相見到呢間日式料理，望埋餐牌，嘢食都唔算貴，就揀喺呢度開餐😋🍣三味海鮮丼 $118有海膽嘅丼飯都只係呢個價錢，真係好抵食。甜蝦相比起係細隻左少少，但三文魚唔只大件，仲係厚切;海膽一定係焦點，鮮嫩嘅蛋黃色，味道完全唔腥，微微甘甜。⚪帶子刺身 $48(三片)係3片原隻帶子，極厚身，又新鮮。🦀蟹蓋海膽黃金燒 $38細細個蟹蓋好精緻，釀蟹蓋有好香嘅沙律醬，食落酸酸甜甜，爽脆可口。🧆可樂餅(芝士) $18呢個一定要叫，十分好食，半融芝士嘅流心狀態，好睇又好食。👅串燒牛舌 $32單睇價錢係略貴，不過厚身牛舌，全無雪味，少少辣味，食落唔韌，質地綿密，爽脆多汁。🍹榛子鮮奶咖啡 奶味幾香，如果咖啡味都可以香d就更好。食左咁多新鮮、好味嘅嘢食，都只係二百幾蚊，真心抵食! 學生仲有學生餐，住近呢度嘅人真係有口福。