Main St. Deli (已結業)

Openrice 有75折coupon，家人鍾意食美國餐，即刻訂枱試下。餐廳入面古色古香，格仔地磚加水晶吊燈，捫皮卡位，感覺好似拍緊great gatsby咁。餐單一眼睇晒，另外有個漢堡同飲品menu。兩個人叫左個蟹餅、芝士gravy曲薯、deluxe漢堡、蘑菇湯、choco brownie、仲有三杯野飲。就咁講都知我地太貪心，食到最尾飽到傻。蟹餅好食，啖啖蟹肉，個醬微辣，酸酸地，開胃。超飽肚蘑菇湯，好杰好濃，好彩只叫一碗兩份。反而deluxe burger麻麻地，可能我地要求肉要well done，咬落比較乾身，非戰之罪。Ugly duckling 芝士gravy曲薯，好食同時好漏，最底層浸晒gravy太咸食唔晒。埋單折左兩人$750，主要因為野飲冇折較貴，單食物黎講我覺得有75折都抵食。提醒食物份量大，唔駛叫咁多野。最後不得不提，呢間餐廳service一流，侍應細心有禮，讚

一直想試呢間餐廳，昨天和朋友來食，果然沒有令我們失望。餐廳裝修走美式古典路線，有格調得來又坐得舒服。先上酸青瓜及菜，不過實在好酸，可以不吃。蟹餅: 一向喜歡蟹的菜式，但又不喜歡洋葱，幸好整個蟹餅由結實的蟹肉組成，十分好吃。炸魚及著條: 炸漿香脆又不會一切即散，魚塊滑，非常好吃。著條就普通。Moster Beef Burger: 面包香軟，牛肉漢堡扒厚得來又夠juicy，充滿牛肉味，值得一試。凍Mocha: 麻麻地，朱古力味和咖啡味都不太足夠。Strawberry Fields: 友人飲的，佢話好飲。

其實見到店內個36oz既大漢堡廣告時好想試,不過原來要24小時前預訂,所以我地唯有每樣嗌d咁啦.其實嗌既主食都好似一般,反而幾樣配菜有驚喜,因為有匯豐信用咭有75折呢.呢度人多既話就會坐餐廳既中間位(幾張檯拍埋一齊),但一張長檯傾計有d難度,所以我覺得幾口子黎坐卡位會比較好呢.