紅伶飯店

營業中

休息中

人氣潮州打冷舖想食堅要訂枱每次必點冰鎮芥辣墨魚片好香麻油味，質感爽口枱枱都叫呢個咁濟滷水鵝片夠入味肉質軟熟未到驚艷，屬中上質素滷水雜錦樣樣都有又夠入味有鵝片、墨魚、豬耳、豬大腸同紅腸，樣樣有齊夠晒滿足！煎蠔餅酥脆，蠔肉肥美整得唔算好有油膩蠔仔肉碎粥唔錯蠔仔飽滿鮮甜唔腥👍🏻椒鹽白飯魚同避風塘田雞好香口酥炸脆皮大腸佐酒一流🍻反沙芋超好食🤩呢啲經典潮州菜式不可錯過黃金大蝦球啱鹹蛋黃控沙嗲牛肉炒芥蘭

上次晚上去排大隊，所以放棄！今次晚上6點就去，抱著必食的心情，咁早當然冇人啦！潮洲菜館當然必試他們的鹵水啦！點了鹵水鵝、鹵水什錦、蠔仔粥、潮洲筍蝦。鹵水鵝可以，但不是好好、鵝肉夠林，但鹵水味唔夠香！鹵水什錦的料就唔係幾好，生腸、墨魚唔新鮮、無味唔爽，鵝腸、豬耳普通，豆腐都還可以😌！蠔仔粥算是最好味、筍就超級咸，應該係冇出水就直接加味去煮，原全食唔到，我要打包回家自己處理！價錢都好貴，$80元這個質素整體來說這餐非常失望，價錢貴一啲都唔值，唔明點解咁多人追捧！是出名就自然有客人盲目追捧？唔會再來啦！

先講最基本既服務：17/2 訂左位20:30, 周小姐5位，C10號飛，最終入座時間係21:07，等候時間超過半小時，你做唔到準時交枱唔好做booking, 請全部做walk in，walk in就算等得再耐都係你情我願唔會有bad feeling, 講句真心話有訂位我可接受等候15分鐘內，但超過半小時真係接受唔到。職員話上一轉客人遲到冇辦法！咁都可以講得出口？上一轉遲到就可以叫準時既客人白等？最嬲係等左半個鐘，座低先講鵝賣哂！真係好野，做左40年人食左N次打冷真係未試過打冷冇鵝食，多謝佢比呢個機會我體驗下。但點解等位果時唔講清楚？驚講左出黎排緊隊既客會全部走哂？咁做生意真係唔得！到講食物質素：整體食物味道中上，大部份味道不錯價錢亦不貴，其中蠔仔粥、冰鎮芥辣墨魚片出色，蠔餅就夠鬆脆同埋味道好但就覺得料不足。甜品方便叫左反沙芋，佢有傳統反沙芋同焦糖反沙芋2款，見傳統反沙芋食得多就試下新嘢，點知有驚喜，味道好又唔太膩，個人覺得比傳統既更好！唯一接受唔到既係炸大腸，皮完全唔脆，賣相都直頭唔似炸大腸，當然每個廚師既烹調手法都唔同，亦唔求佢好似佢店內貼既概念圖咁，但最基本炸大腸都要夠脆先好食，最

正因為媽咪係潮洲人，所以就帶左佢嚟呢度食。原來想叫鹵水鵝片點知賣晒，繼而叫左鹵水鵝，都唔差嘅。蠔仔粥同蠔餅……掂👍🏻略為遜色就係油鹽水蜆，唔啱我口味。總括嚟講都係令我會再嚟嘅一間食店。

-{黃店💛油麻地潮州打冷🫖}又係食潮州野🥰今次黎油麻地食打冷晚飯🥳3個人嗌咗四個餸😌🤤蠔仔粥🤤 ($78)個蠔仔好鮮甜 冇蠔殼 個足深色啲乜都好夠味唔太鹹 但飯質有啲淋 會鍾意硬身啲嘅 呢個份量三個人食每人都有兩碗😂👖褲評: 7.8/10🤤蜜椒薯仔牛柳粒🤤 ($138)薯仔做到有少少脆！牛肉冇用鬆肉粉 不過有啲韌 同埋洋蔥有啲生😂辣呀！👖褲評: 6/10🤤馳名煎蠔仔餅🤤 ($80)兩塊搭埋一齊真係好多😂😂😂網上見到好多人話炸粉太多 我地就食到啖啖有蠔仔 又係好鮮甜🥳🥳🥳不過食到底嘅有啲油👀👖褲評: 7.5/10🤤椒鹽脆皮豆腐🤤 ($88)個豆腐質地好吸引 係外脆內院仲要豆腐質地仲係好彈😎😎椒鹽味好出好惹味😆😆👖褲評: 8/10呢度服務環境同衛生都唔錯 嘢食幾大份暫時都冇一樣嘢係伏 人均每人$130左右😎仲要好飽🤓幾抵食！性價比: 8.5/10服務: 8/10環境: 7/10🚩紅伶飯店🚩地址: 油麻地砵蘭街10-16號宜發大廈地下D及E號舖

終於食到呢間之前係佐敦，宜家係油麻地重開既潮州打冷！今次經openrice訂位，一去到就有位。餐廳有兩層，好快已經滿座啦，如果要去食，提早訂位會比較好👍🏻冰鎮芥辣墨魚片🦑基本上黎到既人都必叫！ 墨魚片都爽口，切到薄薄地，唔錯，值得一試👍🏻馳名滷水鵝本身想叫鵝片，但係無哂，所以就試呢個鵝肉都算嫩，配埋豆腐同花生，正😌蒜蓉炒蕃薯苗🥬蠔仔粥🦪黎到打冷就想食蠔仔粥，叫左個細碗試下，蠔仔幾鮮，唔會有腥味，幾好食😂

滿心歡喜 慕名而來 但大失所望！見有生醃瀨尿蝦，三舊水膽粗粗試下，估唔到咁細隻，仲要咸到無朋友！食食下個fd.俾人冧濕半邊身，仲要係食蟹嗰d薑絲醋，無濕紙巾提供清潔都算（不過之後見有個員工拎住一大包行過，唔知係咪私伙），叫左兩個員工拖地都唔理我哋，因為d人行過彈到我個fd.條裙，所以唯有自己抹😭，清潔完一輪d食物已經凍哂，亦都再無心情食,完全理解唔到點解成層咁多員工都可以一齊漠視我哋lee枱受害者，相信都係有生意大哂，除咗失望，還是失望。ps.肇事員工拎左一碗茶俾我哋之後消失左，唔知係咪嚇親，不過唔使驚，唔會再見😂

呢間已經聽過好多次力讚，但可惜早前執左！！！！好彩佢終於開返！！！所以立即一個人都去食！！！試下係唔係咁正先！！！阿魚叫左2樣野食：椒鹽鱔球（$168）因為阿魚太中意食白鱔，而炸鱔真係唔會好多地方有，多數係大排檔先會有！所以係一定要叫！好夠鑊氣！即炸！好脆！白鱔好厚身！魚肉好彈牙！食到停唔到！蠔仔粥（$38）呢個一定一定要叫！！！入面好多隻蠔仔，又有魷魚！！好鮮味！好香好惹味！！我真係飲晒全碗！！好想再飲一碗！！呢間一定會再返黎食！！！！💛紅伶飯店💛地址: 油麻地砵蘭街14號地舖電話: 34812020