Kozy Okonomi-yaki Teppan-yaki

營業中

休息中

飲完酒緊係要搵宵夜食啦咁啱附近剩係得佢一間餐廳有開就唸住將就下試一試，點知有驚喜份蠔我係強烈推介好鮮好多汁，仲食得出份海水味海鮮抄面奄列亦係非常鮮昧，份量足夠一人享用的

今晚同屋企人一行6人去食生日飯。舖頭唔係好大。餐枱可以坐到18人，Bar枱坐到10人左右。Book 左7點但係早左少少入座，全場都滿座嘅。一坐低都即刻落晒order，但係啲野食都半個鐘後先開始上菜。訂枱時話進餐時間90分鐘，但最後啲野食2個半鐘之後先至上晒。係好味嘅，但上菜真係太太太慢啦。蟶子好鮮甜。好味。大蝦好大隻好彈牙。好味。沙肝以為係肝原來係雞腎。不過都好爽口。隻蠔好肥美，外面煎香，入面軟淋淋，好味。和牛入口即溶。食完之後底下塊麵包佢會加芝士俾埋你食。奄列炒麵加左芝士之後好香，都飽肚。

呢間d師傅係日本人，我坐係吧枱對住師傅整野食，介意油煙就唔好坐吧位啦..我叫左帶子，蠔，聖子，A4和牛，大阪燒，兩杯有酒精飲品。眼見都好多日本人去..嗰度地方唔大所以一定要book位！如果想坐吧枱book位嘅時候要講明..對住師傅就冇咁悶囉，可以睇住師傅整。我覺得等嘢食就攞咗少少，不過佢得兩個師傅整，望住佢地都明白點解咁耐！我覺得呢度啲嘢食都幾好食， 特別推介A4和牛，真係好正， 食完啲和牛底嗰塊麵包，佢會拎返加啲芝士落去好似做到Pizza咁，都好好味！反而成餐飯最普通係個帶子。埋單total七百幾蚊連加一。我都會再去食👍🏻👍🏻

想食大阪燒，除左去大阪之外，Kozy係我第一間會諗到既餐廳。位於銅鑼灣廣場隔離既商業大廈，位置方便，而餐廳價錢相宜，大阪燒都只係$68，仲要有兩位日籍師傅坐陣，所以呢度係我三兩個月就會黎一次飲飲啤酒食燒餅既食堂。兩三個人既建議坐bar枱可以睇住師傅整，不過會熱DD。都係哥句，記得book定位，bar枱有D難book!<清酒$480>今日一行4人所以開左枝比sake beginners 飲既清酒，好易入口，唔會有辛辣既感覺，好啱女仔飲但小心越飲越多<燒牛舌 $58>燒牛舌既口感一流，牛舌切成厚身既粒粒，燒得恰到好處，令牛舌粒粒彈牙。而牛舌只是加上鹽花，並無花巧既調味，但已經同朋友食到停唔到口，配啤酒一流。所以簡單既料理，有時候更令人難忘。<牛筋煮 $48>呢個係我每次黎都必點菜式！牛筋煮內有一粒粒牛筋，牛腩同蒟蒻，每粒都吸收左咸咸地既湯汁精華，牛腩同牛筋好林好入味，份量雖然唔多但又係配酒既好朋友。<燒蠔 $98>一客4件既燒蠔感覺比起其實菜式貴，蠔燒得外層香口肉層juicy,不過size較細，如果大粒d會滿足d<牛雜