影片
更多
2023-08-29
1669 瀏覽
好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗三個女人一個墟，今次朋友gathering 揀咗呢間西班牙 Tapas 餐廳，5個人試咗勁多款Tapas！Tapas 有分熱同凍，熱嘅有9款，凍嘅有11款，我哋叫叫吓先發現，已經咗一半menu 上面嘅Tapas😂熱 Tapas：🍴西班牙薯仔蛋餅（$78）上面鋪滿蛋黃醬，有少少邪惡，一切開嗰吓，原來入面嘅蛋漿超級流心，濃郁蛋味加埋粒粒煮淋嘅薯仔，好香，呢個係排名No. 1 🏆我最鍾意嘅 Tapas！不過唔鍾意食生蛋嘅朋友仔就未必咁開心啦！🍴太陽蛋西班牙火腿薯條（$68）薯條份量都幾多，炸得外脆內軟，西班牙火腿比較少，細細粒有丁丁硬，味道唔太咸香，將太陽蛋篤開，薯條包住蛋黃再沾上蛋黃醬係好好味～🍴西班牙小青椒（$68）呢個比想像中份量多，小青椒面放咗鹽去燒，唔辣嘅，送酒一流！🍴鵝肝比堅尼三文治（$78）三文治焗得好脆，鵝肝醬比較薄，味道上唔夠濃郁～🍴煙紅椒蒜辣單骨雞翼（$68）呢個炸得過咗火少少，肉質比較硬唔夠媺滑，paprika 令到雞翼好惹味！🍴炸黑毛豬火腿球（$78）呢款係我最唔太知道食緊咩嘅 Tapas，外皮炸得好脆，入面係白色好
回頭指數 ⭐️⭐️⭐️⭐️
開心指數🤗🤗🤗🤗
三個女人一個墟，今次朋友gathering 揀咗呢間西班牙 Tapas 餐廳，5個人試咗勁多款Tapas！
Tapas 有分熱同凍，熱嘅有9款，凍嘅有11款，我哋叫叫吓先發現，已經咗一半menu 上面嘅Tapas😂
熱 Tapas：
🍴西班牙薯仔蛋餅（$78）
上面鋪滿蛋黃醬，有少少邪惡，一切開嗰吓，原來入面嘅蛋漿超級流心，濃郁蛋味加埋粒粒煮淋嘅薯仔，好香，呢個係排名No. 1 🏆我最鍾意嘅 Tapas！不過唔鍾意食生蛋嘅朋友仔就未必咁開心啦！
西班牙薯仔蛋餅
$78
32 瀏覽
0 讚好
0 留言
🍴太陽蛋西班牙火腿薯條（$68）
薯條份量都幾多，炸得外脆內軟，西班牙火腿比較少，細細粒有丁丁硬，味道唔太咸香，將太陽蛋篤開，薯條包住蛋黃再沾上蛋黃醬係好好味～
🍴西班牙小青椒（$68）
呢個比想像中份量多，小青椒面放咗鹽去燒，唔辣嘅，送酒一流！
🍴鵝肝比堅尼三文治（$78）
三文治焗得好脆，鵝肝醬比較薄，味道上唔夠濃郁～
🍴煙紅椒蒜辣單骨雞翼（$68）
呢個炸得過咗火少少，肉質比較硬唔夠媺滑，paprika 令到雞翼好惹味！
🍴炸黑毛豬火腿球（$78）
呢款係我最唔太知道食緊咩嘅 Tapas，外皮炸得好脆，入面係白色好 creamy 嘅流心，但唔知係咩，帶少少咸香～
凍 Tapas：
🍴血橙燒牛柳沙律（$68）
牛柳好juicy，上面有薄脆片，沙律菜夠新鮮，血橙夠甜，醬汁比較厚身，撈埋啱啱好，呢個好味！
血橙燒牛柳沙律
$68
12 瀏覽
0 讚好
0 留言
🍴黑毛豬火腿茄子卷（$68）
上面有一塊黑毛豬火腿，茄子係一大條卷住，應該係火炙過，入面係沙律菜，味道比較清新！
黑毛豬火腿茄子卷
$68
10 瀏覽
0 讚好
0 留言
🍴薄切慢煮八爪魚（$88）
嚟到嘅時候，份量上比預期少，可能佢影相嘅角度問題。八爪魚切得好薄，非常爽口，上面嘅醬汁應該用番茄同燒咗嘅紅椒整，酸酸甜甜，好開胃，不過主要食到醬汁味，八爪魚係口感上嘅補足～
薄切慢煮八爪魚
$88
9 瀏覽
0 讚好
0 留言
🍴鮮甜凍蝦配蒜蓉蛋黃醬（$78）
有8隻大蝦，鮮甜爽口，蒜蓉蛋黃醬都幾濃郁蒜香味，同凍蝦好夾！
鮮甜凍蝦配蒜蓉蛋黃醬
$78
6 瀏覽
0 讚好
0 留言
🍴紅蝦濃汁意粉（$148）
上面有3隻大蝦，menu 上面英文寫Linguine，我開頭以為係扁意粉，但嚟到見到係圓碌碌嘅意粉，但呢個一D 都唔緊要，因為個意粉真係好好食，紅蝦味好濃，口感夠 Al dente，呢個掂呀👍
紅蝦濃汁意粉
$148
9 瀏覽
0 讚好
0 留言
🍴香烤白甜粟（$68）
呢款 side dish 又係邪惡之選，上面有一大條燒過嘅蛋黃醬，加上煙紅椒粉同香草，好惹味，白甜粟好清甜，口感比起黃色粟米爽脆，呢個好味！
香烤白甜粟
$68
7 瀏覽
0 讚好
0 留言
🍴墨魚汁海鮮鍋飯（$168）
上面有6隻蜆，鮮甜帶海水味，不過個飯係超級鹹，好彩每人得2匙，唔係應該係食唔到落去～
🍴甜品拼盤（$108）
有3款甜品，奶凍由巴斯克芝士蛋糕代替，另外有炸西班牙油條， 肉桂多士，巴斯克芝士蛋糕正常，炸西班牙油條個味唔錯，好香肉桂味加埋面層有糖同朱古力醬，不過外皮就硬咗少少，肉桂多士都係有少少硬，整個拼盤一般～
🍴Tapa room G & T（Spanish style）（$75/HH）
佢有好多款 Gin & Tonic，我揀咗Pink G&T，佢寫有Grapefruit，blood orange 同埋 Angostura bitters ，我開頭以為果汁味會比較多，但其實唔太有鮮果味～
🍴Virgin Sangria （$50）
🍴Cucumber Refresher（$58）
呢兩款都係朋友飲嘅～
整體上食物質素都唔錯，雖然有D 係一般，但大部分都係好食嘅～ 檯面比較細，我哋分咗好多轉落單，食完幾款再叫！餐廳嘅裝飾都幾特別，經過好sharp 嘅霓虹光管隧道入餐廳，牆上又有食鬼霓虹光管，仲有大大隻bear bear 熊！服務質素好好，店員好親切，我哋叫到後段，店員主動將原本4件嘅黑毛豬火腿茄子卷、香烤白甜粟同埋炸西班牙油條變成5件，等我哋每人有一件仲不另額外收費！我哋又食又飲又傾偈，過咗一晚好開心嘅gathering💓
張貼
