佳佳甜品

營業中

休息中

香港依家已經好少呢種中式糖水舖，而且重要好食又唔貴，真係好難得。選擇唔多，但真係只有傳統野，咩台式、咩綿綿冰都唔會有，但就有住家式糖水，我見好多人叫蕃薯糖水，我諗應該好正，但果日天氣太熱，所以我無揀，冬天食，一定好正結果我叫左合桃露，其實我之前從未食過，食落似火麻仁咁既味，但就係傑身，口感好好，因為有d質感得黎，好滑，而且唔會好甜，雖然因爲始終少少濃，食到一半會開始飽但因為甜度適中，又唔會覺得好"餾"

有幾間老字號大家都經常推薦，小時候都係常客，好似合都成啊、地茂館、佳佳、源記咁。尤其是佳佳，紅到海外，而家食到嘅機會更少，太長人龍我一定調頭。難得喺附近晚飯又未夠鐘 ，係先食糖水後食飯啦。佳佳由舊時巷仔位到而家開埋去台灣，除左本地人喜歡，都係遊客之選，喺門外不難見到揸住旅遊書嘅客人，都算係排隊美食。餐牌供應中式糖水，紅、綠豆沙雪耳、芝麻糊、杏仁露、合桃露、湯丸、蕃薯糖水、楊枝甘露等，定價$20/22/32，配料可加雞蛋、蕃薯、湯丸。寧波薑汁湯丸 $20 寧波湯丸較細粒，一碗8粒，當然啦比起十幾年前點都冇咁薑，但點都依然比其他糖水店優勝！薑汁濃厚，除左辣，仲有種甜味中和，食完超暖身，寒底人士必食。湯丸皮薄餡靚，煙韌軟熟，芝麻餡甜啲，但一咬就咇出黎，畫面很療癒一口一粒，廿蚊碗都算超值，尤其是最近我地常踩雷，食左太多fail的湯丸。補腦合桃露 $22合桃露生磨，口感較raw，唔會滑溜，但亦不粗糙，淡淡合桃味，甜度較低，又係抵食。 

食完飯之後行左一陣街,朋友就諗起好似差左少少野未做...係咩呢?就係飯後甜品,正餐一個胃,甜品一個胃喎...甜品就各式各樣,今晚經過一間佳佳甜品..望一望間野係賣傳統中式既糖水入到去坐底就大大個牌一眼望到有D咩可以食都係傳統既糖水...今日叫左補腦合桃露同冰花燉雞蛋我個補腦合桃露就要左熱既,食熱野對身體好一點我朋友就叫左凍冰花燉雞蛋因為天氣熱喎冰花燉雞蛋--朋友未食之前等我整一淡試一試個味如何個味都好重雞蛋味,甜甜地既蒸蛋不過都OK既補腦合桃露--合桃對身體好就一早知,所以好多時出去食甜品都會選擇黎食,補一補個腦..食落係點呢.個味唔算好濃,可以再香D既

星期四下午3點幾，黎個中式下午茶收銀位好清楚掛左2016同2017米芝蓮指南推介街頭小食塊牌，就係因為米芝蓮，舊鋪業主加租120%, 好彩人情味小店遇到而家個業主，我地先可以繼續有好野食姐姐處理緊d白果，又大又靚有時喺其他糖水鋪，想食合桃露/芝麻糊都唔敢叫，因為驚中伏，驚食到成本較低，功夫較少，味道不知所謂嘅野，不過黎呢間就唔洗擔心，可以放心叫，出名足料，用料好熱合桃露碗野一黎到，用匙羹一不，就睇到有冇料到，見到碗邊都掛住d合桃粒粒，甜度適中，好味，略嫌缺左合桃嘅香味不過食到有人情味，食到老闆對客人嘅關心，問候，熟友就好似朋友咁，香港多d咁嘅小店就好喇

與幾位好友晚飯過後，剛好走過佐敦，其中一位好友說是想去吃甜品，說是米芝蓮提及的甜品店，於是大家一塊去朝聖。是晚較多人，也只是等了五分鐘左右可以入座，可見眾人都或因米芝蓮而來。我們一行三人，叫了三碗：蛋花馬蹄西米露、補腦合桃露及寧波薑汁湯丸。蛋花馬蹄西米露，友人說清甜，西米滑滑，蛋花給他清爽的感覺，凍食的感覺非常涼快。補腦合桃露，友人愛它很香合桃香氣，入口滑滑，並不是粗粒的那種，甜度合適，已經令他愛上。寧波薑汁湯丸，湯丸從來是我至愛的甜品之一，辣辣薑味，生薑的味道，寧波湯丸甜味剛好，細細粒，可以一口一粒，不愧為米芝蓮之選。只是路過一試，簡單的中式甜品，也有為數不少鍾情傳統的味道。

去到佐敦食晚餐後，當然要米仔帶我去佳佳的新舖食甜品啦！我地今日還是早九點左右，不用等位就可以入座。補腦合桃露據聞合桃是補腦佳品，我當然是選合桃露。熱騰騰的糖水擺在眼前，一匙一匙，幼滑非常，每匙都很順滑，合桃味濃郁。整個甜品不會太甜，食完一碗不會覺得heavy！精制杏仁露因為我唔食杏仁露，米仔的形容就是 “香”、”滑”、”濃”！ (無奈…)宜家要在外面找一間傳統的中式糖水，已經很不容易！真的希望「佳佳甜品」可以一代傳一代下去！