民華餐廳

營業中

休息中

想食平同地道嘢食，所以我哋就揾咗茶餐廳啦！因為疫情嘅關係，入餐廳之前大家都要量咗體溫先。茶餐廳內部都算整潔同坐得舒服嘅。我點咗個常餐（鮮茄叉燒通粉、香腸炒蛋、即烘牛油多士、熱茶走），再同朋友分享咗份西多士。先講常餐，通粉湯底非常足料，茄味濃郁，令我意外嘅係叉燒仲有蜜糖味😛炒蛋炒得滑仲有啲甜味，再配埋即烘牛油多士好好味😋熱茶走同香腸就不過不失。再講西多士，可以配煉奶或者糖漿，我就撰咗煉奶！西多士入面無塗花生醬，但都超好味，甜味啱啱口又香口！整體我好滿意依一餐😆

同好朋友行街諗唔到食咩即興食民華餐廳， 這裏對於我來說一點也不陌生，已經食過很多次，之前也寫過食評，每次到來多數是點常餐或咖哩牛筋腩，今次再試下這裏的西多士，果然有驚喜。點了一個常餐鮮茄牛肉通粉＋腸仔炒蛋＋即烘牛油多士＋熱檸檬水$46，咖哩牛筋腩飯$50，熱阿華田$9，西多士$20。常餐鮮茄牛肉通粉＋腸仔炒蛋＋即烘牛油多士～ 非常濃郁的鮮茄湯，牛肉口感嫩滑， 配腸仔炒蛋， 還有香口的牛油多士。咖哩牛筋腩飯～ 咖哩味超香濃帶點微辣，牛筋又淋又入味，牛腩也是香味極濃， 白飯上面還配一隻蛋，要讚一讚這裏白飯的口感，一粒粒的配咖哩汁非常好味。西多士～ 這裏的西多士可以選擇煉奶或蜜糖， 當然選擇我最喜愛的煉奶啦，熱辣辣金黃色的西多士，上面的牛油很快就溶入 多士裏， 因為我本身不喜歡吃花生醬， 平時食開的西多士好多時都會有花生醬在中間， 民華的西多士沒有， 所以對於我個人口味是非常好吃的。每次當我經過金魚街，也會到民華餐廳吃常餐，已經習慣很耐了，除了位置方便之外，這裏的店員們服務也非常好 。

上一次是下午去食民華這次晚上去旺角，晚餐通常比較貴了，但民華都是一樣價錢的！.好吧，如其不停在找餐廳，就吃去過的餐廳吧。.這一次吃「優惠套餐」- 即飯餐⭐️秘制豬軟骨飯（$56）豬軟骨煮得很稔，也得很入味。醬汁配上飯食更是滋味。飯是另用碟上的，用美美的煎蛋在包著飯，頗有心思的。.⭐️飯套加$16有個魚湯菜心，會食到淡淡的魚鮮香。.⭐️雞扎十分足料，除了有雞肉、芋頭，還有豬肚及豬皮。味道與酒樓的差不多。.⭐️燒賣啖啖肉，也有蝦，也是足料的，不錯。.⭐️豉椒鳳爪份量好似比一般酒樓多呢。.⭐️西多士我都個肥膩，不過他們切好成9份方便share，食一小粒過一下口癮吧！.⭐️常餐一律是$46元的除了一款麵（我今次選了鮮茄牛肉麵）還有蛋、餐肉/腸仔、厚多士，還送熱飲呢。

作為茶記粉絲的男朋友好久沒吃茶記，在旺角逛街常經過民華也沒有吃過，這次便和他來滿足他的茶記胃😂茶餐廳絕不能不點的當然是它的常餐，民華常餐選擇頗多，男朋友選了他最愛的蕃茄牛通拼餐肉炒蛋多士😛番茄牛通份量十足，湯底不濃，是新鮮蕃茄熬製而成。通粉吸了蕃茄湯配上牛肉一起吃，味道不錯！炒蛋卻是一大驚喜，毫不遜色於一些炒滑蛋名店😎炒蛋嫩滑蛋味重，多士鬆軟充滿牛油香，最愛的吃法便是把餐肉也夾上，一個足料的餐蛋治就此誕生🤤單單一個常餐有怎可能滿足了男朋友🙊想吃飯的他還叫了一碟豬軟骨飯，豬軟骨的份量超多，還有一隻荷包蛋在包住白飯，作為一個午餐絕對夠飽😏豬軟骨燜得軟淋，入口即化，配醬汁送飯一流😌食完正餐男朋友仍是戰意旺盛😂我們點了一個火腿炒蛋菠蘿包和西多士🤪火腿炒蛋菠蘿包這個很少見，炒蛋跟常餐的一樣也是非常滑溜，菠蘿包新鮮熱辣，表皮鬆脆口感卻相當鬆軟，這個組合鹹甜的滋味男朋友不是太習慣，我卻十分受落😂基本上整個包也是我吃光的😛至於茶餐廳的邪惡之首西多士自然是男朋友的最愛😉民華的西多士可選沾煉奶還是糖漿，我們選了煉奶之後看到遞上來的成品著實嚇了一跳，煉奶的份量不是象徵式的在上面劃幾筆，而是整個底盤都是煉奶🤤

這裏的常餐有頗多的選擇，由ABC各選一款。.⭐️鮮茄牛肉通粉共有9款麵可選，一樣價錢。通常鮮茄湯底都是比較貴的，但這裏不用加錢。湯底有濃郁的蕃茄味，健康又好食。.⭐️蛋- 值得一提，除了圖示的炒蛋，服務員都很有耐性地問「想要什麼蛋」。我們問，有什麼蛋？原本還設有很多款式讓人選擇，例如太陽蛋、荷包蛋等等（有mention 其他的，但我忘了）。通常其他茶餐廳只會提供炒蛋或太陽蛋，這裏像高級餐廳食早餐般，會問清楚你個蛋想點煮 - surprised!我就選了炒蛋，creamy 是半熟帶流心的，高質！.⭐️多士- 不是hea交貨，是用了厚多士，塗上牛油，而且烘底不用加錢！還可加$2配其他醬，有煉奶、花生醬及果占。.另送飲品的，而我加$4轉牛奶-早餐少不了鮮奶！.⭐️西多士- 很邪惡的小食，這樣做得不錯。很有心思切開9塊，底下沾滿煉奶，邪惡地很滋味！.這裏還有蒸飯及點心食，也十分不錯。

以前因為收工收得夜, 民華開到凌晨又平靚正, 所以係我昔日既飯堂! 但隨住冰室越開越多, 又轉左工收早左之後, 就少左好多黎食! 今晚夜左食飯, 就黎民華黎番個平靚正晚餐。蕃茄牛肉米+煎雙蛋多士本身設定係通粉黎既, 不過我中意食米粉而店員都好樂意幫我轉, 蕃茄湯濃郁有蕃茄粒粒係入面, 最中意米粉掛哂d汁, 牛肉係平時打邊爐個種鮮牛多士外脆內軟, 面頭搽左牛油, 太陽蛋煎得好靚, 最愛少少燶邊加橙黃生蛋黃鱆魚肉餅飯依度既鱆魚肉餅飯係出色既! 肉餅唔會鬆鬆散散, 有鱆魚粒食落味道好香, 記得撈埋佢既甜豉油西多士以前食親都會叫多個西多, 厚西多加大片牛油, 可以揀配煉奶或者糖漿, 個人喜歡煉奶。西多外脆內軟, 蛋香味濃, 雖然邪惡但點埋煉奶真係正只係廿蚊, 依個質素絕對抵食!凍檸茶同咸檸7, 不嬲都好欣賞依度既檸茶, 凍檸茶茶底夠哂濃但唔會澀, 加上碎冰使其温度天凍又唔會溶到淡哂! 至於咸檸7就第1次係度飲姐, 佢杯碎冰簡直係消暑良品! 出色!民華都算係老冰室品牌, 就算而家越開越多唔同既冰室, 依度仍然係好多客, 証明左依度既食物水準同埋價值, 支持

民華餐廳，香港人經常黎開餐既茶餐廳，大部分人都會食過常餐同西多士～呢日晚餐唔想食咁飽，就黎食返個常餐啦！滋味常餐，全日供應～我今次揀左叉燒通粉，之前食過既沙爹牛肉通粉都唔錯，有得選擇原味或鮮茄湯底，叉燒份量剛好，唔鞋口～我仲order左餐肉炒蛋配即烘牛油多士，炒蛋嫩滑，牛油多士香脆，真係一個滋味配搭！朋友揀左皇牌推介，咖喱牛筋腩飯，香濃咖喱，牛筋牛腩煮得夠晒入味，仲有一個流心蛋，撈飯食好juicy~叫多個西多士，牛油加糖漿，咁既面包組合又甜又好味！

好耐無食過茶餐廳，呢間卡位闊落，算幾好坐，12點半都仲有得叫常餐！揀左蕃茄叉燒通粉，蕃茄汁甜中帶酸，叉燒味道唔錯但我鍾意食瘦叉多d，所以唔食瘦叉既人應該鍾意食佢。常餐仲有多士、炒蛋、腸仔，多士比想像中厚好多，烘得幾脆幾香。炒蛋嫩滑，岩岩好熟，腸仔唔乾唔油膩。檸茶檸水比既檸檬有成5-6片，唔孤寒。燒賣$17，鳳爪排骨飯套餐$41（酒樓盎飯size），兩樣都好食。最後要多個$20上湯菜心，菜心幾甜湯底清清地唔錯。

同弟弟幫父親大人去‘金魚街’買魚糧，見午飯時間，隨便找間餐廳食個lunch，見到此店都幾光鮮而且我又未試過民華，就入去試試咖哩牛腩飯-每款咖喱一個太陽係此店嘅特色，蛋汁與飯撈均已很好味，再配埋香濃嘅咖喱，咖哩汁有少少辣更加開胃常餐款式配搭非常多，任君挑選，而我選了餐肉炒蛋配多士，同沙嗲牛肉公仔麵，炒蛋香嫩細滑沙嗲牛肉公仔麵-沙嗲味勁濃，撈勻後令湯底變成沙嗲湯底，超好味，不確喉，另一方面公仔麵煮得超彈牙西多士-賣相吸引，外脆內軟，整塊金黃色，應該系即叫即炸，可以揀糖膠或煉奶，而我今次揀左糖膠燒賣-茶餐廳有點心食，真少見，點了一碟燒賣試試，不止價錢平，質素比大酒家高凍鴛鴦- 奶滑，茶香，啡香，一杯可感感受到三種味道凍奶茶- 雖然是凍飲，仍然感覺到茶香奶滑，非常高質

旺角好多好嘢食，而茶餐廳都有好多，民華就係其中之一好食既一間~ 星期六午餐時間去左食都已經full house，真係好受歡迎🤤👍👍-叫左好多嘢好豐富😋😋 常餐有鮮茄牛肉通粉配腸仔炒蛋多士，最鐘意嘅係通粉係無紋嗰種，滑嘟嘟最好食！個鮮茄湯底都好濃郁👍 炒蛋亦好creamy好多蛋汁，正✔✔仲叫左咖哩牛筋腩飯餐，咖哩味係香港味道，少少鹹唔太辣，而牛筋腩口感軟腍，牛筋腩份量多，薯仔先係精粹，索哂啲咖哩汁，好入味👍👍另外必點既仲有西多士，20蚊咋好抵食！佢真係好多事既厚多士🤣 同平時食到既完全唔同，厚身好多好多，仲要有好多件，好抵食👍西多士配糖漿一齊食先至最正宗😋😋 雖然咁食肥死，但食左先講啦🤣🤣🤤

每個星期六放假都食唔到早餐🤣點解？因為永遠起身既時候都已經過左早餐時間😅 但又好想食早餐點算好？我咁聰明就梗係食常餐啦😄😄-☆ 滋味常餐 HKD$46(跟凍飲加3蚊)雖然佢既價錢比早餐貴，但賺左瞓覺時間就算啦😂 鮮茄牛肉通粉配香腸炒蛋🍴哩度既鮮茄湯底非常濃郁，裡面仲有大大舊蕃茄，超足料唔怪得咁好食👍炒蛋亦十分creamy，半熟炒蛋充滿蛋汁及滑溜非常，一定要叫嚟食呀！-☆ 咖哩牛筋腩飯套餐 HKD$59咖哩味道係港式口味，食到椰香味，亦唔太辣。至於牛筋腩整得十分軟腍，有好多舊牛筋腩，絕對能媲美連鎖快餐店，不錯的。-☆ 西多士 HKD$20其實佢可以改名做"超厚西多士"😌 佢同平時食到嘅唔同，係用厚多士整成，份量仲要好多，好抵食👍西多士炸至金黃色，外脆內軟🤤 配埋傳統糖漿一齊食就最正啦😋😋

同阿女去旺角行街順便醫肚，路經呢間民華，其實平時都唔多幫襯茶記，所以入黎睇下有咩食。選擇都幾多，叫左個常餐($46)，揀左番茄牛肉通粉配煎雙蛋，個通粉好濃蕃茄味，D湯成碗飲哂！而且牛肉份量都多，多士烘得夠脆，太陽蛋煎得靚！另外叫左個牛腩牛筋河($37)都唔差，夠腍而且入味！仲有菜附送！估佢唔到係連點心都有！叫左個雞扎($18)試下！裡面有芋頭、豬肚、雞肉等，都唔錯呀！至於個秘製金錢肚($17)就有點辣，但十分入味！食唔停！見到有人叫西多士又想食，原來係呢度既主打，個西多士($20)好厚，炸到金黃色，中間有一片牛油，而枱上有糖醬任落，食到阿女lam lam脷！

旺角茶餐廳林立，常餐都是炒蛋多士與湯粉。既想吃厚實的炒蛋，也想吃番茄湯粉。沒半點懸念，便想起民華。很喜歡民華的格局，有卡位，踎茶記也坐得舒服。吃茶記點常餐，是常識吧。番茄湯米，一定是首選。不知從哪時候開始，不再供應豬潤，只好改吃牛肉。每次吃它的番茄湯底，都是會燙到口。無一例外，又，燙到了。果然，心急是吃不了番茄湯米。番茄湯微甜，不是很濃郁那種，但能濕潤著米粉。隨湯附幾顆番茄粒，使湯頭有點真番茄味。牛肉是不經調味，宜配番茄湯吃。看到鄰桌的西多士，有點欲拒還迎。心動不如行動，加配一份西多士。一個人，能吃下嗎？美食當前，管不了。西多士配煉奶，再蓋上一塊牛油。厚多士更有口感，炸至金黃色，沒有半點油溢味，內層鬆軟。甜咸交融，既邪惡又滿足。

返工返又一城，但成日係商場食飯都食到厭😞…所以今日同同事搭一個站火車去旺角搵D茶記☕食，可以轉一轉，又唔駛咁貴😜落到去女人街搵食，其實都好快就到，見到呢間民華餐廳，門面好光猛，地方大D，以茶餐廳黎講佢都好乾淨，坐得都唔迫。😇中午食飯時間當然好多人，好彩佢都好多位，唔駛等好耐😙同事想食西多🍞，咁兩個人都可以share一份既~ 佢主食就叫左個常餐🍜🥪，都好多野可以配搭。我就揀食盅飯🍚，好少有茶餐廳同時又有點心食! 落左單先見有一籠籠點心! 想叫個鵪鶉蛋燒賣🥟 落單冇幾耐就黎左盅飯同常餐，出餐都真係快手。盅飯既份量唔大，但個牛肉好香，彃牙得黎有肉汁，好食! 個煎蛋🍳流心可以撈飯食，味道真係唔錯! 29蚊呢個價都好合理，女仕黎講份量剛好，男人的話就會厭太細盅了😬不過! 咁樣我地就可以叫埋個鵪鶉蛋燒賣!17蚊份都真係好抵食😍都試左同事個茄牛通，湯底夠甜🍅，肉片🐮都幾香，唔錯! 係個通粉🍝唔係好淋，咁呢個就好個人喜好，應該浸耐少少先開始食就冇問題了。我亦欣賞常餐入面個方包🍞，厚身得黎又好軟熟，抵食又好食😋西多士都唔錯，睇黎呢間餐廳D麵包都有返咁上下水準。西多士可以揀跟糖漿🍯或煉奶🍼，我地揀煉奶，滑

有去開通菜街的朋友都知，尼條街比較多港式餐廳🍴而且有兩間聽落同名嘅「民華」同「文華」，後者依家改左名做「敏華」。去開茶記/冰室，我都傾向叫常餐，因為熱愛炒蛋多士～😂😂民華嘅常餐選擇好豐富，基本上就係自選1. 湯底、2. 餸、3. 麵、4. 配料，同5. 多士重點一提，揀多士唔係淨揀烘定唔烘咁單調，仲可以+$2加煉奶/花生醬/果占，自制多士！！我就自制左半份奶油多😂 好抵———-1. 鮮茄叉燒米+餐肉炒蛋+奶油多 （$46+2）🗯首先講下個湯底，鮮茄湯係真係食到一瓣瓣的蕃茄🍅，湯夠味而唔係稀水。不過同某幾間出名食煲爛哂嘅蕃茄湯底唔係行同一路線，相信迎合大多數人嘅口味🥴 （🍅🍅🍅🍅 愛好者或者覺得未夠濃，各花入各眼啦～）🗯叉燒肉厚而不鞋，有驚喜！（千祈唔好同燒味蜜汁叉燒mix up😂）🗯至於奶油多，落單果時我叫多煉奶，冇收多錢冇呃秤，大滿足🤟🏻🗯炒蛋係傳統茶記式，純蛋香！又滑 🤤2. 咖哩牛筋腩蛋飯 （$50+12凍飲）牛筋腩炆得夠焾夠入味！份量又多，抵食🥴🤟🏻咖哩汁夠香夠惹味又唔會過辣，淨汁送飯都得！如果配埋炆到焾哂嘅入味薯仔，嘩，冇得輸呀 🤤3. 西多士（$20）重點黎啦！ 西。多。士