北方餃子源 (皇后大道東)

營業中

休息中

呢排開始係灣仔返工，都會留意下附近有咩地方有好味既餐廳。今日放工之後要去睇黃子華棟篤笑，次次開場之前紅館既食肆都好多人，所以今次決定係灣仔食完先過去  咁岩公司附近有呢間餃子店，鐘意食餃子既肥鴿當然會黎試下 坐底之後發現其實佢地既餃子有好多唔同既款式選擇，除左有一般既豬肉餃，都有牛肉、海鮮等唔同種類，仲有唔同既京川小食，多D朋友黎既話可以試多幾款。最後肥鴿就叫左西洋菜豬肉餃同雞絲粉皮，等左10分鐘度就有得食。早到既係雞絲粉皮，落左既中式麻醬同豉油 (鐘意辣既朋友可以叫佢落辣)，加埋滑溜既青瓜同粉皮，食落感覺清爽。唯一唔好既係成碟粉皮係熱辣辣...對平時習慣食開凍雞絲粉皮既肥鴿黎講有D扣分食完雞絲粉皮啦，唔知西洋菜豬肉餃又係點呢? 餃子一共有10隻，剛剛煮起熱辣辣，夾起既時候覺得表皮唔會太痴，但食落就覺得餃子皮好薄，又唔會太易爆 所以食得出餡料既鮮味。餡料調味適中，豬肉又唔會有太多肥膏，非常美味 北方餃子源的餃子做得非常出色，而且有好多款式可以一試再試，但小食就有D貴同略為遜色。建議多D朋友一齊食既話就可以試多D唔同款色既餃子 

看畢午場的《華麗上班族之生活與生存》，逛了一回，也該吃晚飯了。剛好走到太原街尾，正上走上石水渠街探探路，督見「北方餃子源」；其實也慕名已久，就去一試。西洋菜豬肉餃 - 這兒的餃子的確很好，餃子皮搓得足，有嚼勁之餘也夠爽滑，西洋菜和豬肉的配搭是又香又清新，西洋菜剛好中和了豬肉的肥膩，而且咬下去湯汁豐盈，點些少醋已經滋味無窮。炸醬麵是北方的炸醬，豆腐乾、肉末、冬菇粒、花生米，與柱候醬同炒，與太公媽的出品很像，個人較喜歡太公媽的出品，不過未食過北方炸醬的朋友可以一試；另一方面，麵條做得不如水餃好，韌度較弱，嚼勁一般。太公很喜歡他們的拌青瓜，爽脆青瓜配上香口麻醬，並帶點微辣，很開胃。太公個佬要了酸辣湯，雖然夠酸夠辣，不過太公於炎炎夏日對食酸辣湯興趣一般，未有很欣賞。個佬更以歷奇的心態，要了一盤爐肉；其實煮得幾香幾酥軟，太公個佬大叫好味；不過驢肉都有一種幾獨特的味道，不嗜紅肉者如太公，未必食得慣。但如果你本身係一隻食肉獸，真係不妨一試。賽後總結，北方餃子源，都係餃子最精彩！