豐信餃子店

營業中

休息中

見到某tube有介紹就即管去朝聖，一共點左四款，椰菜雲耳豬肉餃、西洋菜餃、招牌芝士粟米餃同必食既韭菜餃。$40/10隻（加$2可雙併）水餃的確好出色，隻隻都大大隻，皮夠薄夠彈性，最重要係餡料夠隻隻都脹卜卜。我個人覺得呢四款裏面西洋菜餃同椰菜雲耳豬肉餃最出色，菜肉比例很好、調味適中且味道夠濃郁，而韭菜餃就不過不失，雖然芝士粟米餃係招牌但係就唔太啱我口味。另外湯頭方面，佢講明自己係椰子海帶鮮雞豬骨濃湯並絕無味精，但係我同友人一飲就係濃濃嘅金寶雞蓉湯既味道，所以係湯方面我好有保留總括而言，水餃CP值高，係值得返頭幫襯

其實正常人好少以"餃子"做正餐但自從試過呢度之後我諗食多幾次都唔怕但上菜時間稍長店面位置唔多想食可能要排下隊啦🙋‍♂️🙋‍♂️🙋‍♂️🙋‍♂️🙋‍♂️🙋‍♂️🙋‍♂️🙋‍♂️事關除左餃子款多之外仲可以有唔同配搭甚麼有啲估你唔到既食材都可以用喺裏面🥟🥟🥟🥢啖湯仲好正添!先黎一碟拍青瓜🥒麻香味濃瓜夠爽唯一與別不同既地方係帶淡淡甜味食多幾嚿都唔怕如果你係餃子怪要食好多碗或試勻唔同味道先夠飽既咁建議你食西洋菜餃先因為味道比其他餃清淡突出到西洋菜原味大家都知道西洋菜難煮怕佢會苦澀或老但呢度完全無呢個問題西利呀!素餃仲好野🍄要搵到好食既素餃好難入面粒粒材料都有咬口冬菇味超香好想一食再食讚一讚個湯底開頭飲落唔覺得太特別但飲飲下啲椰子味開始出🥥結果飲曬成碗唔會愈來愈咸味道剛剛好煎豆腐落左椒鹽更帶出豆腐清香諗都諗唔到咖哩同芝士都可以擺入餃子入面🧀芝士係的確做到拉絲效果咸咸香香但唔會蓋過芝士同豬肉既味道而咖哩餃味道都唔會過重食曬成碗都唔會顯油膩滷蛋好似落得太多汁雖然有芝麻🥚但都食唔太出個香味因為個滷汁其實係好甜可能食返滷水蛋個原味會好啲!呢度地理佔盡優勢一出地鐵行一陣就到下次過開呢頭可以再幫襯!

前幾日見到生果日報介紹太子有間新餃子店，鐘意食餃子嘅我馬上同同事出發！舖仔細細座位唔算多，要食好西真係要等。。。餃子選擇好多，有common 嘅西洋菜、白菜、韭菜餃，而招牌就係芝士粟米餃！我地叫咗一份招牌一份西洋菜餃。西洋菜餃好足料，滿滿嘅菜肉包喺簿皮入面，好好味！芝士粟米餃超驚喜，完全無諗過咁夾！鐘意芝士嘅朋友千祈唔好錯過！湯底用咗椰子雞湯，清甜唔油，可以成碗飲哂！想濃味少少嘅朋友可以加埋菜浦食！香香辣辣，好惹味！

我很少寫食評, 亦很少出街食餃子, 因為店舖的餃子總是"醃得咸咸的肉+不新鮮的菜+味精湯底"那天朋友介紹這間新開的餃子店就去試試...我覺得好值得推介由於店舖不大, 所以要等約20分鐘看到餐牌, 是最簡單的款式,  於是點了香菇、韭菜、西洋菜餃價錢並不"離地", $30/7隻或$38/10隻餐牌寫上"椰子海帶鮮雞豬骨湯, 絕無味精" 起初我是半信半疑的飲了一口湯...好舒服! 雖然不覺有雞味, 但清清地椰子豬骨味反而無搶蓋餃子的鮮味至於餃子, 香菇餃的菇香味濃, 韭菜餃不像八X雲集那種草青味, 西洋菜餃用料新鮮, 所以清甜, 而且不會煮得過火失去菜味,餃子的肉並沒有刻意用很多醃料醃製, 而且肥肉不多, 所以肉味濃郁食後明白為何一間平平無奇的餃子店這麽多人去等位, 而且九成係香港人可能這就是久違的"香港原味道"吧! 希望老闆日後能保持質素, 不要粗製濫做