Homeland (牡丹大廈) (已搬遷) 新店位置

最少食過五次喇! 所以絕對係信心嘅保證!今次又encore咗佢午市套餐嘅<<西班牙伊比利亞豬肩肉>>($148)煎到十成熟嘅厚切豬肩肉冇話比我哋之前試嘅九成熟難切咗難咬咗~依然係肉質嫩滑唔會乾爭爭又唔嚡口😋滑腬嘅薯蓉就太邪惡喇！超濃牛油香真係驚食晒會肥十磅😂所以交俾男朋友就good fit！佢肥啲先顯得我細隻啲😈<<肉醬芝士四重奏千層麵>>($108)就真係忍唔到口!!佢每一塊麵都夾住好多肉醬🤩而且咬到明顯肉粒，唔係齋醬!!!層層麵都有香濃蛋味 & 芝士味🧀口感有少少煙韌，淨係塊麵都好咬👍🏻加埋肉醬&肉粒，層次豐富!呢個我都會下次再encore🦾Lunch set 仲包埋沙律同餐飲，真係抵過晚市好多😌🤫

人氣西餐小店 用心製作 超有心思的擺碟午餐包沙律菜同飲品 價錢合理份量都唔細西班牙伊比利亞豬肩肉 ($148)可以選9成或全熟，可能我哋揀咗全熟所以肉質會較實，但都唔乾仍然夠moist，外面燒到帶焦香加上香草調味，值得一試! 相對地個爆炸糖楓糖三文魚柳配薰衣草汁($128)就一般般，可以skip。冬陰公海鮮闊條麵 ($118) 呢度最出名一定係即日製手工意粉，一定要試啦! 的確比平時一般意粉彈牙得多但略為厚身，如果薄返少少會更理想。冬陰公汁好香濃帶微辣勁，用闊條麵掛汁一流。雖然主打手工意粉，但亦都有生酮意粉喎，仲好有創意添！蟲草花松露忌廉杏鮑菇 ($108)將杏鮑菇切成闊條麵一樣，再同用松露忌廉汁煮 同意粉一樣好掛汁，食落又超級爽口比意粉更有口感，就算唔特別要keto的朋友都可以試下!午餐仲可以用優惠價叫小食🤗 試咗明太子炸雞翼 ($30)明太子鹹鹹地做醬汁配香脆炸雞翼， 唔錯呀！酥炸白飯魚配柚子醋 ($68)炸漿夠薄但可以再脆啲，配柚子醋食好夾好好味。

嚟咗好幾次終於有新嘢試喇👏🏻💁🏻‍♀️Keto Menu💁🏻‍♂️生䣳餐單明明諗好食咩先過嚟都即刻轉軚試新嘅🙋🏻‍♀️試咗個<<慢煮豬肩椰菜花「飯」>>($108)好特別!! 望落真係好似risotto~但原來啲「飯」係打碎咗嘅椰菜花🤟🏻慢煮豬肩又腍又入味! 仲要有六嚿大大嚿!絕對唔使擔心冇飯食會唔夠飽🦾同樣都係齋睇擺盤已經💯分嘅<<西班牙伊比利亞豬肩肉>>($148)係恆常menu必encore之選😎雖然比之前貴咗$10~但而家呢個賣相更驚艷，薯蓉亦都比以前嘅薯條更有驚喜😍好滑腬且帶濃濃牛油香嘅薯蓉食落會咬到細細粒嘅薯仔顆粒🥔口感加分👍🏻豬肩肉依然仲係超厚切😳九成熟都好易切!外層煎得微脆，帶少少肥肉好嫩滑🐷肉味濃而且肉質好軟熟，一啲都唔韌又唔嚡口! 完全冇令我失望🐽午市套餐仲有優惠小食🥳試咗個<<香草牛油蒜香焗田螺>>($78)小心熱‼️‼️‼️因為焗完即刻上所以個兜熱到飛起! 千祈唔好摸!原來都有好香好滑嘅薯蓉墊底！田螺份量都唔少！味道都唔錯！之前好似冇介紹過，佢仲寄賣咗好多產品添㗎!!可以多多支持

上次係個朋友介紹呢間西餐俾我既，試完之後發覺質素咁高，今次輪到我介紹俾另一個朋友✌️我地點左兩個set lunch，我叫左香煎西班牙伊比利亞豬肩肉配薯菜，朋友叫咗香城安格斯牛漢堡走芝士(七成熟)，另外加左四隻鹹蛋黃雞翼share～餐湯望落紫紫地色，飲落似比較順滑口感既中式蓮藕湯，好得意😂 問左店員先知原來係係紫薯湯😯豬肩肉煎得好香，切開裡面肥瘦大約三七比例好均勻👍 肉質有“趙”勁，面頭有少許鹽簡單調味已經好好食👏漢堡烘到外脆內軟，塊牛肉超厚身！如果多幾分juicy就更perfect😂 蕃茄生菜新鮮爽脆👍伴碟嘅薯條香脆得黎完全唔油膩，好粗身好長，食落超有口感😁鹹蛋黃雞翼一上枱就聞到超級香嘅鹹蛋黃味😍 外皮好薄脆，雖然係鹹蛋黃但唔會覺得好膩，熱辣辣超好食🤤餐飲叫左熱檸茶同熱檸水，有三片厚厚既🍋，檸茶茶底唔會苦澀👍Set lunch仲唔駛加一，抵食高質之選👏👏