Iberians (已結業)

尖東近住Hotel Icon原來有間西班牙菜，餐廳環境幾有feel，裝修得幾靚星期六日有semi lunch buffet，連加一大約$340-$440一個人，有餐湯同可以揀一款主食，其他小食就任order，野飲任飲，最後仲有款甜品，所以都幾抵食餐湯南瓜湯好濃，好有南瓜嘅香甜味，好飲小食方面炸物唔錯，而我特別欣賞幾款撻，黑松露蘑菇撻好重黑松露味，蟹肉蜜桃撻都幾多蟹肉主食揀咗烤紐西蘭羊T骨配薄荷醬，有兩塊厚切羊架，羊肉唔騷，而且肉嫩，點薄荷醬食好味，配菜就有紫薯同沙律菜朋友就揀咗烤紐西蘭肉眼配燒汁，烤得好啱熟度，肉帶紅但唔流血水，食落夠淋，燒汁味道亦唔會搶咗牛嘅鮮味最後甜品係西班牙油條，食落有啲似沙翁，但表皮再脆啲，第一次食，幾特別呢間值得我下次再黎

原來大胃之母係未食過西班牙嘢，雖然仲未有得去旅行，但都可以帶佢去呢間見識吓以為酒吧沖咖啡一定唔太得，錯喇佢地手咖啡係好得喎，呢杯mocha朱古力同咖啡味非常balance而latte拉花一樣得，飲落香濃回甘食到酸種麵包嘅餐廳唔多，有得食當然要食啦！麵包果然較平時鬆軟，配埋軟忌廉食，真係魂遊境外，再食埋三文魚，大胃都唔知自己飛咗去邊西班牙式嘅all day breakfast，同平時嘅配搭好唔同，有西班牙蛋餅、烤香腸、西班牙薯仔沙律、Parma Ham哈密瓜、大啡菇、油醃蕃茄、酸種麵包、黑醋沙律每樣食物都好有異國風味，樸實得嚟又好發揮到食材嘅本質，一次過體驗到多種西班牙美味法式焦糖燉蛋就食過，加泰羅尼亞嘅焦糖奶凍更加有歐洲風味，有種講唔出嘅香味，喺綿綿奶凍之中，妙呀每次嚟西班牙餐廳，必定會食西班牙油條，呢間整得相當出色，超香肉桂味，大胃之母食完都舔晒手指咁

星期日lunchtime既尖東少左office既繁忙亦多左份休閑.經過尖東既小巷見到呢間新開既西班牙餐廳,內裏所有既擺設同餐具都好有特色又靚,感覺好relax.西班牙全日早餐平時美式或者既all day breakfast就食得多,西班牙式真係第一次試.呢到既西班牙全日早餐夠晒豐富！有充滿煙燻鹹香感既Parma ham配上爽脆香甜既哈密瓜,烤香既大啡菇,西班牙蛋餅,烤香腸,西班牙薯仔沙律,油醃蕃茄,酸種麵包及黑醋沙律.西班牙蛋餅煎得鬆軟香口,內裏帶有盧筍及西班牙香腸,蛋香味濃又帶鹹香感.薯仔沙律creamy,薯仔帶薯香又唔會煮得過腍軟爛.啡菇味道同樣香濃又juicy.油醃蕃茄香甜又多汁配上麵包吸晒油醃蕃茄香令麵包更惹味.煙三文魚及酸忌廉酸種麵包酸種麵包上抹上一層酸忌廉令入口更香滑,味道唔會過酸亦好creamy.煙三文魚既份量亦好豐富,基本每一啖都食到煙三文魚既鹹香.作為一個brunch唔會太膩,剛剛好.煙三文魚上既紫洋蔥及蘿蔔加添左層爽脆感及辛香.旁邊配上既沙律菜翠綠新鮮,健康又開胃.西班牙油條油條炸得香脆唔油膩,入口乾身又唔會成口油.外層灑上大量肉桂糖令油條帶出濃香獨特既肉桂香.再灑

好耐無同女友週末食brunch啦！今日揀左尖沙咀既Iberians，主要想試西班牙全日早餐同油條🤩。餐廳位於南洋中心同新文華中心中間既小巷，位置有少少偏僻🤣整體地方頗大，枱既份佈唔會令人有一種地方擁擠既感覺，空間感好足夠。自已好鍾意地板既pattern，連碟都係呢個pattern😍- 西班牙全日早餐食材非常豐富，主要包括西班牙蛋餅、薯仔沙律、大啡菇、酸種麵包、香腸、蜜瓜配巴馬火腿。蛋餅加入香蔥，味道更香。至於巴馬火腿鹹香十足，配上清甜既蜜瓜可謂天作之合。- 酸種麵包（煙三文魚及酸忌廉）酸種麵包外層脆身，內層煙韌帶點酸香。整片麵包塗上酸忌廉，另外煙三文魚亦幾大片，健康之餘又好味😋以上兩款brunch都附送餐湯。- Ice Mocha & Ice Hazelnut Latte食brunch點會少得一杯完美嘅咖啡！我同女友分別叫咗Mocha同Hazelnut Latte。- 西班牙油條Iberians既油條係最經典嘅原味，油條蘸上大量砂糖😝，味道外脆香甜，入面軟稔唔黏牙。- 加泰羅尼亞焦糖奶凍賣相同焦糖燉蛋幾乎一模一樣，不過焦糖奶凍係凍食😆。表面既焦糖好香脆，入面既奶凍非常軟滑。西班牙既全日

放假約左d舊同事食野，約就腳點尖沙咀，我地4個女仔揀間又影🉐️又食得嘅餐廳啦，OpenRice 一致揀左呢間，我地星期三下晝去到冇咩人唔使等位，坐低我哋四條友都揀咗同一樣嘢🤣All day breakfast,一人一杯咖啡☕️呢間係西班牙餐廳，所以係西班牙全日早餐，我係第一次食，同平時嘅All day breakfast 🈶️d唔同，有西班牙蛋餅，烤香腸、西班牙薯仔沙律🥗、風乾火腿配蜜瓜、大啡菇、酸種麵包同雜菜沙律。感覺好唔一樣，西班牙蛋餅好特別，裏面好有啲菜同紅莓（如果我冇食錯嘅話🤣）酸種麵包感覺好健康，有好多穀物嘅味，我鍾意個薯仔沙律，平時我唔食薯仔🥔，但呢個整得好食😋我哋每人揀左一款咖啡，4個都唔一樣🤭 cappuccino, latte, caramel latte, hazelnut latte,三杯熱，一杯凍，三款唔同嘅拉花好鬼靚，睇得出好用心整嘅拉花，我哋🈶️食甜品🍮西班牙油條同加泰羅尼亞焦糖奶凍，先講油條，舖滿糖霜同砂糖，充滿罪惡感🙈呢個幾好食熱辣辣，味道都有啲似油炸鬼嘅，但口感就唔一樣。另外焦糖奶凍嘅焦糖燒到脆卜卜，配埋奶凍嘅甜度啱啱好，好彩唔太甜，如果唔係兩樣都咁多糖，真係

原本，舊年嘅四月真喺安排咗一次西班牙之旅，由巴塞隆拿入，玩埋華倫西亞，最後馬德里走，可惜，一場新冠令行程泡湯，雖然依家已有疫苗，但外國仲有不少地方疫情反覆，甚至頗嚴重，所以，真喺唔知幾時先有得飛。尋找番旅行感，當然周六、日周圍行吓，亦參加過本地遊，連Staycation都玩過吓，如果想感受吓西班牙風情，當然要擦番餐西班牙菜。舊年疫情嚴竣，就試過一次外送西班牙菜，今回就同老婆嚟到「Iberians」（伊比利亞人）再次感受一下西班牙菜滋味。餐廳以深灰作為主調，有一份神秘感，再走進餐廳內，配合牆上嘅壁燈，卻可以幻想一下自己身處西班牙一啲小酒窖之內。地上的拼花階磚，可以說是室內裝修嘅亮點，配以深啡色嘅木枱，帶住一些原始味道，整體而言，又嚟得簡潔。此外，整個地方都頗大，但明顯卻無話用盡每吋空間用嚟擺餐枱，所以，甚具空間感。未講有啲咩食，就真喺要先講講啲餐具，尤其啲餐碟，無論用餐嘅餐碟，抑或載食物嘅餐碟，都非常之靚，色彩奪目，圖案細緻，而碟邊嘅齒紋唔喺畫上去，真喺有啲凹凸感，似喺人手手工做嘅出品。餐牌嘅用色如有睇開波嘅人一望就知喺西班牙國旗嘅顏色，紅襯黃，西班牙菜最大賣點就喺西班牙式小食（Tapa