Opa Mediterranean Bar and Bistro (已結業)

呢間Opa Mediterranean Bar and Bistro都幾大，佢係open area既設計，最邊邊既座位係可以望住街邊食野，飲酒傾計都好chill。呢度主打地中海菜式，有海鮮串燒、pizza等等既野食，仲有我最鍾意食既churros～黎到一定要嗌啊❤️1️⃣香蒜虎蝦橄欖油意粉（$188） 有三隻蝦，意粉係扁意粉，食落口係有咬口既而且唔會整到好油既感覺😌  2⃣️中東烤雞胸（$188） 有驚喜🤩調味好香，雞皮同雞肉都有香料味，而且肉質好滑好嫩～可以點附上既芥末醬食。伴碟仲有啲胡蘿蔔同薯條。  3⃣️西班牙油炸鬼（$78）Churros係我自己好鍾意食既野🤤不過唔係好多餐廳有得食。見到呢度有得食緊係要嗌啦！呢度既churros炸得好脆，面頭灑上糖霜同埋肉桂糖，香脆可口😋仲有雪糕一齊食。  

昨天還傾盆大雨，今日艷陽高照，把握好時光與先生出尖沙咀食個靚靚brunch，然後行下海傍和商場，便是周末最好的活動了。今次選了在漆咸道南的一間地中海餐廳，平日繁忙時間見佢都幾多客人，今天才有機會試下。餐廳內部裝飾相當有情調，同時也很闊落，氣氛悠閑，無論是單身一人還是一家大細都適合。Holiday brunch $230/set，可以揀2個前菜，1個主菜同一個甜品。兩個人選了4個前菜：是日餐湯、希臘沙律、意式番茄薄片和西班牙多士。全部都好味道。蘑菇湯，蘑菇打成蓉仍保留口感，很濃郁，侍應在客人面前用長嘴壺倒入湯碗中，夠熱又新鮮。希臘沙律有新鮮羅馬生菜、番茄仔、青瓜粒、紫洋蔥、甜椒和撕碎了的Feta芝士，醬汁主要是橄欖油和紅酒醋，甜甜酸酸很清新。意式番茄薄片，我先生說這個前菜最唔抵食，因只有三片番茄和幾粒紅石榴果肉。可是我卻覺得它的味道超好，杰身的黑醋果味濃郁，味道偏甜，與酸咪咪的番茄特別夾。西班牙多士相當來說就非常抵食兼飽肚，兩片烤得脆脆的多士上分別有煙三文魚和Halloumi Cheese。被譽為塞浦路斯國寶的哈羅米芝士耐熱，煎香後外脆內軟，好食過雞肉。前菜後主菜上場。西班牙大頭蝦海鮮飯

經過尖沙咀見到呢間餐廳，諗起上次幫襯過，成個氣氛都好chill咁，就比佢吸咗入去😆餐廳感覺好有情調，亦都算坐得幾舒服！佢有一個dinner set，都幾抵食，不過我哋今次就揀咗單點🤣食物種類都唔少～我哋首先叫咗個appetizer，係白酒煮青口 ($128)🤤一嚟到就覺得啲汁好creamy，青口雖然唔係好大隻嗰啲，但係都算幾鮮味呀👍🏻點埋啲汁食食唔停口🤣Pizza就揀咗辣肉腸披薩 ($160)🍕係薄批嚟，批邊都好脆口，芝士亦都好豐富，啖啖都好滿足～辣肉腸比起出面嗰啲厚身，鹹香不錯～香蒜橄欖油意粉 ($168)係一個好考廚師功力嘅意粉，材料好簡單，但要整得好食都好難～今日呢個整得唔錯，入口有濃濃蒜味，亦帶有辣椒嘅少少嗆口，油量亦控制得好好👍🏻實不相暪，我係第一次食西班牙油炸鬼 ($78)😂食落口真係同油炸鬼陣味幾似🤣不過佢再脆同硬身少少，上面淋上嘅朱古力醬同呢個油炸鬼好襯～仲配埋雪糕一齊食添🤤我哋亦叫咗一杯Belgian Dark Chocolate Smoothies ($78)🍫朱古力味幾濃，入口有少少似樽裝朱古力奶嘅feel😆幾好飲嘅，好啱香港嘅夏天飲～上次我食過佢哋啲海鮮類嘅嘢，

臨近年尾有位同事唔做咁就搵餐廳同佢Farewell 順便搵下尖沙咀附近有咩餐廳未試過行行下見到大路有一間充滿地中海特色嘅餐廳 於是就同同事入去坐低試下好彩當日因為少少晏 唔需要點等位 而且Staff亦都好有禮貌好親和餐能都有唔同嘅lunch set而且亦可以散叫 試下唔同菜式 當中我見最多食客叫就係海鮮串燒 可惜我地人唔夠 怕食唔晒就冇叫到 下次再黎一定要試下一坐入餐廳 成個感覺都好放鬆 不論係音樂 環境 生活節奏 以至係掛牆盆栽 都值得一讚首先我地前菜有煙三文魚切片 上面包住紅菜頭再加埋沙律醬 食落感覺好清新而另外 多士經過烘烤過程 上面加上有酸甜既番茄 真係一樣好開胃既菜式主菜我地叫咗個雞胸意粉同 辣肉腸pizz雞胸意粉值得一提就係食落好Juice好彈牙 雞亦都唔會好乾 完美同意粉搭配而pizza調味亦都非常足夠 唔需要再好似其他餐廳要額外再加啲乜嘢嘅調味所以如果鍾意食pizza同雞肉意粉既朋友真係好啱你 淨係橄欖油 香草 加 蒜香已經好吸引 而且塊雞亦都非常之嫩滑飲品方面叫咗個榛子咖啡咖啡香滑得黎甜度岩岩好 鐘意飲榛子咖啡既朋友真係要試下最後我地叫咗個西班牙油炸鬼 呢個真係絕配

星期六lunch同老公去食地中海菜，係我地既初嘗試。地中海烤雞(半隻)烤雞肉質嫩滑又多汁，薯條係波浪形薯條，仲有沙律菜伴碟。海鮮串燒配皮塔包海鮮有吞拿魚、三文魚、大蝦，仲有墨西哥辣椒、青椒、紅椒、黃椒，串成一串，仲有兩塊皮塔包可以夾埋一齊食。大頭蝦西班牙飯侍應會淋酒點火。隻蝦超大隻，味道鮮甜，肉質彈牙，西班牙飯整得幾乾身。西班牙油炸鬼有球雲尼拿雪糕，非常綿滑，好好食。Churros可以連埋雪糕一齊食，齋食就食到肉桂味，脆脆地，好香口。