CHOO CHOO (已結業)

坐得好舒服 店員詳細講解每样食物入去前我地末齊人先問店員有冇限時先啦限兩個鐘！ 但店內都沒有食客所以都放我地入去坐其實間舖位置孤僻 附近靜靜地 但食用質素都很好 即叫即製 都要點時間架坐到最尾都係得我地一枱客 同姊妹傾計食飯好地方 哪天仲要係星期五呀！必食推薦牛扒西班牙海鮮飯紅燒豬飲品 混合果汁🍹都唔錯價錢我哋食咗980幾四條友

長沙灣一帶一向多美食，今次去咗朋友推薦嘅西餐廳choo choo。 店面用咗地圖嘅形狀作為裝修，滿足旅行嘅feel，門外仲放咗好多個好有復古feel嘅喼，身為一個鍾意去旅行嘅人真係非常鍾意呢間小店嘅concept入到店裏面，店員馬上就向我地解釋餐廳嘅concept，店入面播緊嘅片仲係餐廳老闆親自係日本拍，menu嘅設計亦都好有心思，未食嘢之前已經加哂分啦！旅行主題既地方我同朋友叫咗白酒蜆同黑墨魚筒西班牙海鮮飯，白酒蜆有好鮮味，而且d蜆難得地一粒沙都冇，真係食極都唔夠！西班牙海鮮飯嘅飯粒粒分別，有少少辣，非常惹味，而裏面嘅海鮮全部都好新鮮，分別有青口，墨魚，蝦同煎魚。一餐飯嘅最後當然要係甜品啦！我同朋友叫咗餐廳最出名嘅甜品L.I.K，佢係一個frozen cream cheese波波包住野莓醬，入面仲有d朱古力脆脆，係個波波下面有個野莓musse，所有嘢配埋一齊食真係好夾，唔會太甜太酸或者太膩好舒服呢！

搵左成個星期，諗住搵間特別d 餐廳同男朋友慶祝生日。見到呢間環境好似唔錯就book 左呢間餐廳。入到去覺得間餐廳裝修係唔錯，但係位置擺位真係感覺唔太好，四人檯，兩pair 人坐，好似茶餐廳搭檯咁其實如果收得呢個價錢，咁既環境真係有d 唔太舒服。但估唔到既係食物既水準係比預算中好食，價錢亦好合理。雖然食物款式選擇唔多，但感覺到每道菜既水準都好唔錯。推介海鮮拼盤，同埋辣肉腸pizza如果唔介意個環境，其實呢間餐廳係一個唔錯既選擇。