Schnee German Restaurant (已結業)

放工約朋友去鬆一鬆， 最好就係飲番杯德國生啤， 呢到既有好多款選擇， 麥啤就最岩女仔飲， 麥味比較重， 酒味比較淡。$68蚊就算無happy hour都抵飲。飲啤酒就當然要食d煎炸野， 兩者相輔相乘， 食煎炸野既時候就唔會甘內疚。西班牙烤乳豬配炸薯絲 （4／5分）乳豬好脆， 好似食薯片甘， 完全唔會油膩，不過乳豬就無咩肉。 薯絲好鬆脆，條條都好細，加上少少味粉，好惹味。主菜就叫左個西班牙海鮮飯。西班牙海鮮飯 （4／5分）雖然呢個海鮮飯好似幾細下，但有齊曬各種海鮮：蝦、青口、帶子、蜆，好豐富，海鮮都算幾新鮮，青口唔會有沙。蝦就有兩隻新鮮蝦同幾隻雪藏蝦，原隻蝦好彈牙，其實有新鮮蝦就會將雪藏蝦比下去，雪藏蝦完全唔應該出現。用另一種海鮮，如魷魚代替左佢會更好。個飯濕濕地，有蕃茄粒，都算有味。

成班男人食飯，最鐘意係乜？我會答你係啤酒，平時朋友聚會打邊爐飲啤酒就多。 今次要升返Grade，去食吓啤酒馳名的德國菜。 今次去嘅店叫Schnee,新開的店，地點就在鵝頸橋消防局後面，同越華會同一楝大廈。一去到就一定係叫啤酒先拉，不過種類太多，都唔知叫乜好，因為每隻牌子都有好多款，所以我地把心一橫，叫盡D，Bitbuger 嘅Tag1至7都叫一杯，試試佢。 原來Tag1開始，會越飲越濃，去到Tag3就有D特別，Tag3係無酒精，試多兩杯都唔怕。 為左送酒我地先叫左一個菜單入面都無嘅炸芝士送一送酒，口感幾好，軟軟的，芝士味又香。 之後就緊係食番個德國名腸，隻隻腸都好味，而且個酸瓜都好正！ 招牌脆皮燒德國咸豬肘伴酸椰菜烤燒薯角，個名長到飛起嘅名菜終於上埸，個皮真係脆脆，而肉質非常滑，無柴皮，係我食過最好味嘅豬手，必食推介！ 烤牛仔扒伴磨菇，食起來好有口感，牛味不算濃，牛肉係白色的，非一般的肉質 德國燒腩仔，估唔到佢重正過燒味鋪D燒腩，皮勁脆，肉入面D脂肪啱啱好，送酒一流。 慢煮小牛扒，雖然無問要幾成熟，不過生熟的比例啱啱好感覺到牛扒的肉汁，