One Little Room (已搬遷) 新店位置

星期二晚既7:45黎到竟然一個人都無～ 但我係係openrice見到好多👍🏻👍🏻先黎試既～ 本身都驚驚地係伏～ 不過都黎到就試下啦！食物本物唔貴，大約$100左右一個人～點左個西班牙蛋餅～ 好好食！其實煮果時已經好香！仲要係open kitchen😱引死人！不過煙三文魚蛋餅應該會更好食！下次就會黎試！呢個係女仔飽既份量～All day breakfast既窩乎好特別，有加芝麻，就算無醬都已經好香！最正係好脆！放凍左都唔會林曬！腸仔上面既醬都好特別，不過腸仔本身已經好濃味，有無醬都無所謂～甜品係窩乎again! 因為太好味！個咖啡雪糕好正，好似手工雪糕！飲品既朱古力一般啦！男朋友飲單品咖啡就好香！兩個人食左$330總結係幾好味，又唔會多人好嘈！要襯未出名比人big爆之前黎多幾次！

同女朋友睇完戲，佢另有節目。難得有自己的時間，咁我當然要搵個地方靜靜地坐下 (我係一個需要空間的人=p)有個同學成日話呢間野好正，所以我一直都好想試，終於有機會喇其實間野都幾難搵，地點離地鐵站好遠，好彩有巴士由旺東直接去到一入到去個感覺好舒服，地方雖少，五臟俱全二話不說，即刻搵個靜靜地的角落坐低點菜我去親第一次去的coffee shop一定會點Flat white。雖然自問唔係好識飲咖啡，但係總算分到Latte同Flate white 的口感的分別好多鋪頭整到Latte同Flate white一模一樣。好在呢間冇令我失望，沖得唔錯不過，D咖啡味唔夠濃，唔知係咖啡豆的問題定係點，呢方面有待改善之後點左個西班牙蛋餅。呢個蛋餅好好食!!!不過係貴左少少，但係我覺得值wor下次會再食!!!除左食野，鋪頭入面仲有唔少關於咖啡同攝影ge書任睇係度spend一個下午真係唔錯 =]

今日經過呢頭諗起之前一路都想食既呢間One Little Room店如其名，真係一間Little Room，但係一入到去就覺得好舒服牆貼滿左書頁，好有書卷味好特別!抬頭望就會見到一本本書吊起左成間店都好有休閒既感覺一下子就好似可以暫時忘記心中既煩憂個陣大約三點老闆都好nice我點左個西班牙蛋餅既set一邊系到loop 下fb唔輕唔覺原來等左4-5個字個蛋餅終於到啦老闆同我講今次整得唔係咁好有少少燶左等左咁耐 少少就唔緊要啦食落去唔錯，係有少少乾應該係燶左既關係咬落去唔淨係得蛋佢有d 好似薯仔咁既野好好咬口個湯係南瓜湯都幾好既不過因為我唔太好南瓜所以冇飲哂星期五用呢個蛋餅完結5日既工作天好滿足!