LAB EAT Restaurant & Bar (T.O.P This is Our Place)

營業中

休息中

行完T.O.P.覺得肚餓，揀左呢間LABEAT食晚餐。入到黎嘅感覺係，餐廳四周環境乾淨舒適，空間感足，枱與枱之間唔會放得太擠逼。而大型嘅圓型梳化櫈非常適合三五知己，影相打卡特別靚，下次要約多幾個人試下坐圓枱先。我地order左個set dinner,食物好豐富，先黎個西班牙黑毛豬火腿卷甜香瓜，黑毛豬火腿薄片帶有鹹香味，但點到即止，唔會太鹹。包住好juicy嘅甜香瓜，鮮甜加上鹹香，好得意嘅配搭。由於set dinner本身係生蠔，不過我地2個都唔食得，店員好好人，幫我地換左呢個芝士肉醬焗薯，焗薯外脆內軟，肉醬嘅番茄味酸酸地，所以幾開胃，唔會太濟。脆煎法國餓肝，香噴噴，鵝肝份量非常夠，厚身而有鵝油嘅香氣，煎得剛好，入口溶化亦充滿鵝肝獨有的油脂香，再伴住蜜糖味嘅多士，非常好食。老公揀左托斯卡尼燴海鮮湯，而豬就要黑松露磨菇湯。偷試老公2啖湯，湯味道十分突出，好香龍蝦嘅鮮味，而且好Creamy。黑松露磨菇湯嘅黑松露味道都同樣好突出，最正係飲湯都能食到磨菇嘅口感，可想而之係幾咁足料。鮮海膽蟹膏藩紅手工意大利麵松露海膽意粉，賣相已經十分吸引👍🏻海膽非常新鮮甜美，食左之後，係會有一瞬間咩都唔想食住，只

知道這個新商場有個空中花園，專登去睇下，看到這間餐廳內裡環境不錯，果然感覺及坐位都很舒適，最重要係蠋光晚餐，整個氣氛令人陶醉，鬧市中確實不多見。店員亦很熱心，服務很好。"Cranberry Poire Iced Tea" 少少酸，甜甜地，有點似清淡版蜜桃茶，談心時飲返杯都唔錯。"餐前麵包" 軟軟的麵包，配意大利黑醋及橄欖油，好高級咁。"生蠔" 好鮮甜，加了一點青檸汁已經好足夠。"西班牙黑毛豬火腿卷甜香瓜" 哈蜜瓜好甜配上鹹鹹地的火腿，味道好夾；仲有件鮮無花果好甜。"牛肝菌泡沫濃湯" 賣相幾好，湯底好香滑，好濃牛肝菌的味道。"鮮海膽蟹膏蕃紅花手工意大利飯" 海膽同蟹肉都好鮮甜，意大利飯個汁仲好濃，色香味俱全。"西班牙極品橡菓飼黑毛豬" 黑毛豬肉厚味濃，有種烤過的香氣，與眾不同的口感，入口與一般黑毛豬肉不同，可能就是橡菓香味吧！"甜品拼盤" 蘋果批好香脆，甜蜜蜜；芒果慕士，好香滑，芒果味濃。

拍拖紀念日搵間高質餐廳係必須的。燭光晚餐係浪漫的第一步，餐廳空間感很好，還有露天坐位，不過天氣熱，還是室內有冷氣好。侍應殷勤款待，超細心，值得讚賞！餐廳先送上自家製麵包，軟軟的，加上橄欖油及黑醋，味道都唔錯。頭盤：生蠔，好鮮味。Virgin Lychee Mojito ：重荔枝味好甜好清新，燒過的百里香散出的香氣也很特別。西班牙黑毛豬火腿卷甜香瓜：至愛美食，一片鮮甜瓜配一片少少鹹的火腿，真的好夾，無諗過份量係咁多，食得非常滿足。托斯卡尼燴海鮮湯：足料 (大蜆、蝦、魚、帶子)，帶子入口有質感，龍蝦湯味鹹鹹地好鮮甜。鮮海膽蟹膏蕃紅花手工意大利麵：海膽甜中帶甘味，蟹肉甜，意大利麵好特別，比意大利粉粗一點，口感似上海麵，味道不錯。西班牙極品橡菓飼黑毛豬：木瓜汁&蕉糖蘋果伴碟賣相很好，黑毛豬肉質鮮嫩，口感爽，煎得好香。甜品拼盤：蔓越莓雪糕酸酸地，醒胃。