西關粥品 (已結業)

自從睇雜誌介紹西關仲有古早製法的粉仔（不是烏冬），又食過，證實係堅o既之後，我不時會抽起條筋入元朗整番碗。今日山長水遠入天水圍補習，我特登早啲出門，在元朗落車食返碗。照例一坐低就柯打，但叫完揭一揭餐牌，至知它又加咗價！我由18蚊食到而家30蚊！4年唔夠，加價60%！ 加得你價，配菜確係多咗。呢度的粉仔不嬲都唔止有豬油渣，仲有叉燒絲、蛋絲、土魷絲、冬菇、蝦米、豬皮和鯪魚餅條，加咗價之後，呢堆配菜的份量多咗，粉仔本身一樣軟軟糯糯，其中杰杰哋的湯底更是靈魂，是我童年回憶的核心~但我想講其實粉仔根本唔需要落咁多配料，唔需要整到咁豪華，你用落多啲料作為加價的補償，我唔受囉~我記得小時候食小販檔粉仔，最正就是個湯，個湯底會一路keep住杰杰哋，唔會食到尾散晒、變水o既。研發好個湯底至加價，我就服囉，但依家就未必會再幫襯了~

從小便跟俗稱「粉仔」的一種食物，結下不解的情意！隨著時代變遷、舊物轉移，四處找不著這價廉物美、既能飽肚又富有情感的「粉仔」。也許您會跟我說某區的「粉仔」店處處，但我心目中的「粉仔」，只容許滲入不同個別鄉特式的小異，而實不能接受脫離固有的主體，尤其那些隨便找個粗身白麵條，盛在稀稀無意思的湯底中的所謂「粉仔」，因為「粉仔」是五、六十年代的「窮人恩物」，要做到飽肚，自製的「粉仔」(粉糰) 必定是黏黏綿綿、充滿澱粉質，湯底更是稠密得如粥糊，此乃「粉仔」又名「狗仔粥」的緣故。當年「九嬸」的「狗仔粥」是兩頭尖尖，中間胖胖的，所以是名符其實的「狗仔粥」。一直知道元朗的「西關粥麵」用自家打製粉糰，製造出富有西關特色的「粉仔」，可惜手工貨限量製作，每天售完即止。每次下午一、二時抵達，「西關粉仔」必是沽清。當天特早到達元朗，早起的鳥兒如願以償！除了可嚐到「西關粉仔」外，正值夏季亦可嚐到時令的天然有機荔枝檸蜜。採自荔枝的蜂蜜，具濃厚的荔枝芳香，味道清雅。注入檸檬汁的酸香，更能生津解渴，非常美味！「西關粥麵」亦為「西關粉仔」自製了原味及辣味的菜脯。菜脯不鹹，軟韌的質感帶點微酸，是能將「粉仔」畫龍點晴和不可或缺