博多拉麵別天神 (已結業)

博多拉麵別天神是一間小巧的拉麵店，店內只有約十個座位，午市繁忙時間通常都要在門外排隊入座。 麵店的餐單十分簡單，只有豚骨湯麵及蝦味噌豚骨湯麵兩款選擇。兩者的豚骨湯底均以豚骨及純水於壓力煲中長時間餚煮而成，絕無外加味精或奶類製品。 豚骨湯底的色澤潤白，相比坊間大部份拉麵店的湯底，味道輕盈得來又不失豚骨湯應有的濃香。為了照顧不同食客的需要，麵店亦準備了多種調味料，如芝麻、蒜蓉、七味粉等等，自行調較味道能令湯底更有個性。麵條方面，選材幼白，輕帶嚼勁。叉燒薄切半肥瘦，肉味不俗。糖心蛋製作亦見對辦，流心效果明顯。 小龍蝦蟹籽沙律建議以紫菜包裹享用，味道酸中帶甜，並帶少許芥末辛香。 餃子經煎香後雖然外觀完整，但同時有欠香脆，只得菜肉餡撐場爭分。

與友人相約午聚交換禮物，兩口子就決定中午簡單啲喺附近新開o既「博多拉麵別天神」食碗湯麵。小店只有九個圍繞著開放式廚房o既吧位。吧枱上擺有自助餐具、凍茶及調味料。亦貼有用料不含味精之聲明。頭頂仲有多盒名牌紙巾供食客任用。兩個大男人都覺得一碗麵未必夠飽，所以每人都叫咗個餐食。友人叫咗個「蝦味噌套餐」，$115包咗一碗蝦味噌豚骨湯麵配小龍蝦蟹子沙律。別天神套餐（$105）之餃子：餃子散叫有六件，跟餐則有四件，皮薄餡軟嫩，可口美味。別天神套餐（$105）之豚骨湯麵：豚骨湯麵個豚骨湯底濃郁香滑，而且毫不油膩，兩片薄薄o既豚肉軟腍唔嚡口，加上幼幼o既麵條爽韌易入口，連同雲耳食又增添脆脆o既口感。