南대門

營業中

休息中

朋友幾鍾意edan，所以前排同佢去下呢間edan mv取景嘅韓國燒烤餐廳，原來係由韓國人主理，店內基本上都係韓國人！先說肉類，本身無特別調到好濃味，但材料有水準，所以烤過後已經好好食！😋🐷護心肉- 一路烤已經聞到好香，烤過後外層好香，入面肉質juicy有嚼勁，原汁原味食到豬肉本身香甜味道。🐷梅花肉-比我想像中大塊，水準幾高。梅花肉係厚切，入面甜香豬肉味，烤過後都唔會好乾身，啖啖肉好滿足！🦐蒜蓉大蝦- 雖然賣相不算非常吸引，但其實都有水準，烤過後都幾大隻，蝦肉彈口，蝦膏更加係好濃味，配埋蒜蓉真係一流！✨前菜- 有4款前菜（可以refill），店員上碟時大讚柚皮魚仔，食過後真係覺得幾好，本身魚仔好重魚香味，柚皮更加吸曬醬料精華。- 不過去到有無呢款前菜真係講運氣。✨拌冷麵- 冷面本身好彈口，甜甜辣辣嘅味道配上芝麻、蘿蔔絲好refreshing間中去食下高水準烤肉，感受下韓國氣氛，的確不錯！🤩🤩

呢間韓式餐廳嘅裝修真係同韓國嘅燒肉店好似✨店員仲要係韓國人 真係好似去左轉旅行咁🧳.嗌完野食 店員就會拎四碟韓式前菜嚟😍翠玉瓜係最好食嘅 微鹹 仲食到瓜嘅清甜味🥒大豆芽辣辣地幾開胃🌶️泡菜同醃蘿蔔就太濃味 前者偏鹹辣 後者應該搵鯷魚汁醃 甜甜鹹鹹 冇晒蘿蔔味😿.📌BBQ午市套餐 $200有lunch set都抵食 包一份豬肉, 一個主食同兩杯嘢飲🫶🏻1️⃣上肩肉 豬味較濃郁 肥瘦均勻 唔會好似五花腩咁肥 又唔會好似瘦肉咁乾鞋 食落好嫩滑🥩2️⃣護心肉 +$140另外加多咗一份豬肉 價錢會平啲🤑兩個人一人食一碟肉就啱😎可能佢厚切啲 相對冇上肩肉咁嫩口 比較鞋😢用生菜包住泡菜,蔬菜同烤肉 真係超正🥬.📌紫菜包飯 (set)好有住家包壽司嘅味道🤣飯係就咁白飯 冇芝麻油嘅香味 紫菜都腍左🍙但入面嘅內餡都幾足料 有雞蛋, 青瓜, 醃蘿蔔, 牛蒡, 紅蘿蔔絲同腸仔🥚🥒🥕.📌辣海鮮年糕鍋 $280冬天食番個暖笠笠嘅火鍋一流🍲再加埋辣醬 飲啖湯 即刻熱晒🥵魷魚好爽滑🦑海蝦肉有啲霉🦐蜆肉好細粒仲有沙😩年糕有齊條狀同片狀 條狀會硬身有咬口啲 後者就滑啲煙韌啲 兩種口感 年糕配韓式湯果然最夾🤍仲有啲紅蘿蔔同椰菜 好清

位於尖沙咀韓國街，座位寬敞，坐得幾舒服。店長店員都講韓文，有種回到韓國感覺。坐底先上四碟前菜:傳統泡菜、辣豆芽、涼拌翠玉瓜同辣醬蘿蔔。前菜應該自家醃，尤其傳統泡菜同辣醬蘿蔔，味道濃烈，配生菜包肉幾夾。🔸BBQ Lunch Set $320套餐價錢豐儉由人，最平豬肉燒烤餐 $200就有，豬牛款式都頗多，連小腸、豬皮都有。睇完成份Menu，覺得牛肉餐性價比高啲，包一款牛肉、兩個主食同兩個飲品，人均$180有找 (包埋加一!)，個人覺得加多份肉，三人食都夠飽。🔸韓國烤牛肉 以火鍋方式上台，都頗大盤。旁邊放滿椰菜、蘿蔔、蔥...中間鋪上牛肉、粉絲。牛肉類似肥牛部位，以黑椒燒汁調味，食落軟腍，唔乾柴。🔸醬醃板腱肉 (跟餐 +$200)有約十片，醃過既牛肉鬆軟入味，板腱位置有彈性，肉味濃郁。🔸護心肉 (跟餐 +$140)算係豬既稀有部位，每頭豬只可切出約手掌大小。肌肉量較多又冇咩指肪，所以食落較有嚼勁。🔸拌冷麵 (辣)幾大碗，清甜冰凍既梨湯拌韓式辣醬，麵質軟彈，食落清爽消膩，最岩食完重口味燒肉後食。🔸石鍋拌飯中間有隻流心太陽蛋! 石鍋夠熱，放一陣已經起左好多飯焦，推薦記得落麻油 (台上有的)!!