美味餃子店

營業中

休息中

今次去左 美味餃子店 食餃子，當日就算３點左右先到，都依然需要排隊。店舖所賣的餃子都係常見的餃子款式，賣的不是特色，而是平實的美味！白菜肉餃 - 湯餃10隻 ($57) 印象最深刻，係10隻同7隻餃子價錢都只係差幾蚊，明顯店舖想客人叫10隻！本身以為10隻都係正常份量，點知依間餃子店一隻的大小，好似其他店舖兩隻的份量！如果細食的朋友，應該可以打包返屋企繼續食！餃餡非常飽滿而有汁，雖然唔會有D咩驚為天人的特點，但佢賣的，就是一種平實的美味！辣菜圃都幾重豆豉味，亦都幾辣下，所以加少少係餃子上面一齊食就剛剛好！不過，豆漿就一般啦～以下係我的評分（滿分為５分）：味道：5分環境：3.5分服務：5分價錢：5分推薦程度：4.5分美味餃子店網址: https://s.openrice.com/QrbS01lK200~uKZISBA地址: 太子大南街74號地舖電話: 23097308

太子餃子店多，今次嚟美味餃子，睇睇吓係咪真•美味。太晏去到得返椰菜、韭菜，直接嗌份雙拼。-▪️ 煎雲耳椰菜肉餃拼韭菜餃 10隻 $56▪️豆漿 $10🥟餃子分7隻同10隻，姨姨表示俾多$5，多3隻🫡煎餃大大隻，撇除面頭嗰兩隻，8隻餃子齊齊整整呈圓形咁排，賣相都幾靚。平時都食開韭菜餃，第一次食椰菜雲耳呢個配搭。食完覺得都係韭菜好味啲，雲耳就比較清淡。兩款餃子都係菜多過肉，所以食晒都唔會飽飽滯滯。畢竟係煎餃，油係多咗啲，飲啖豆漿清清喉嚨。-如果想食辣，美味餃子呢邊都有辣菜脯，不過唔會有其他辣椒醬/油。自家製辣菜脯入面仲撈埋豆豉，辣而帶鹹香，配煎餃係有啲刺激，可能配湯餃更好味。-如果食湯餃，湯底會係生魚豬骨湯。設最低消費，每人$30。

五點幾喺太子，見有啲肚餓，但係又食唔落太多嘢，於是搵下openrice，就搵咗呢間餃子店。 好好彩去到即刻有位，但過多十分鐘，已經成間店都滿曬。本身我係一個鍾意食餃子嘅人，但奈何我唔食得薑、蒜、蔥，所以平時其實除咗食阿媽包嘅餃子之外，都好少會食出面嘅餃子。見到呢間係自家製嘅餃子，而且無特別寫用咗以上嘅材料，所以我就試一試。一入到去就見到喺店舖最後面，幾個人包緊餃子，好新鮮！雲耳椰菜肉餃拼白菜餃(10隻) ($50)粒粒餃子都好大粒，就咁睇啲相都睇得出佢哋皮薄餡靚！ 咬落去，皮嘅厚薄好均勻，而且餡料材料比例好好，菜同肉切得好碎，而且撈得十分勻循，又夠實淨。湯底係野葛菜煲生魚豬骨湯，味道淡淡嘅，配上餃子食，相當好嘅配搭！豆漿 ($10)加上一杯凍豆漿，係個令人回味嘅一餐！

相信好多人都聽過太子嘅美味餃子，老實講以食餃子黎計依間舖算貴，但無論晏晝定夜晚都係長期咁多人排隊👫👓墨丸麵 $37油麵定墨丸都普通，無太大特別，係飽肚評分：5/10👓豆漿 $10有豆味吾係凈糖溝水。評分：6/10👓煎雲耳椰菜肉餃拼煎韭菜餃 大碟10隻-$50👓韭菜餃餃子皮薄唔厚，賣相金黃色好靚，熱辣辣脆卜卜好香口似新年食嘅炸角仔😍但似油炸同過煎，變相偏油🤔餡方面多肉多汁香口(我向來比較鍾意韭菜覺得香口🤩）夠濃味唔使再點喼汁醋都得！評分：7/10👓雲耳椰菜肉餃雲耳同椰菜好夾，雲耳都有好多條，但始終都係覺得韭菜香口好食啲😉評分：6.8/10⭐️強烈推薦食餃子點辣菜甫食！入面有豆豉，雖然少少咸，但越食越想食，夠辣又惹味！

見到網上有唔少人推薦呢間餃子店，話都算唔錯，咁岩經過呢頭，就獨自黎試下。我係下午5點幾去，門口已經排左好多人，但係間舖係冇得攞飛，要係一條龍咁排隊，輪到你再問你幾位，先編人入去。店舖既餃子款式選擇唔多，但價錢都算親民。因為本身唔太餓，咁我就點左細碗韭菜肉餃，D餃子好大隻，用佢個匙更幾難「筆」，個湯底係野葛菜生魚豬骨湯，飲落比較重野葛菜味，蓋過左魚湯既鮮甜味，個人黎講覺得冇乜特別。韭菜肉餃好多韭菜，但食落就唔覺有肉咁，有多少少肉餡會好d，不過個餃子皮厚薄適中，算係普通。佢個菜脯都幾辣，好彩有另外比碟仔，點少少試下都ok。

星期六去左旺角行街, 想食餃子都會揀行去太子食由旺角行左20分鐘, 再等左30分鐘, 就係為左食美味餃子星期六下午3,4點左右到, 唔係食飯時間都要等半個鐘唎到餃子味道只得3種:韭菜肉餃, 白菜肉餃, 雲耳椰菜肉餃可以揀湯或者煎, 湯或煎價錢一樣湯餃湯底係野葛菜煲生魚豬骨湯同埋要揀大同細, 大有10隻, 細有7隻, 但係大同細只係差5蚊, 所以一定係叫大抵d不過如果唔係正餐既話其實細都夠, 食唔唒都係叫返細好d唔好浪費食物之前試過煎餃, 所以今次食湯餃我地叫左一碗大既雲耳椰菜肉餃同埋韭菜肉餃,再加杯豆漿野葛菜煲生魚豬骨湯, 魚味好濃, 豬骨湯就被濃濃既魚味蓋過, 湯唔會太咸, 可以飲唒餃子唔會太咸, 應該冇加味精, 食到菜同肉既鮮味, 如果覺得唔夠咸就可以夾埋辣菜脯食食餃子一定會揀韭菜肉餃, 韭菜夠香而雲耳椰菜肉餃就比韭菜肉餃多出少少鮮甜味豆漿少少凍,都幾甜等緊食物黎既時間可以自己拎定d辣菜脯出黎, 都係要幾多拎幾多啦, 都幾咸同幾辣下架

男友一直都想試這間餃子店，作為一位【賢良淑德】的女友，當然要陪一陪他吃下午2點幾左右，餐廳很多人排隊，我們等了一小時左右才有位置其實我都喜歡吃餃子的，所以我們3款餃子都點了，分別是【雲耳椰菜肉餃】，【 韭菜肉餃】和【白菜肉餃】 【雲耳椰菜肉餃】我們只叫了湯的，而 【 韭菜肉餃】和 【白菜肉餃】湯和煎的全部都叫了(雙拼)另外點了一杯豆漿解渴【雲耳椰菜肉餃】方面，餃子的皮好像紙一樣薄，一咬即破，浸了湯後的餃子皮很軟熟，不會太堅韌的同時又有咬口再加上餃子皮滲入了湯底的味道，咸咸的，味道不錯。最重要是，雲耳椰菜的份量很多，皮薄餡多！而且雲耳椰菜很鮮甜，和豬肉餡料又十分相配，真的是皮薄餡靚的傑出！不過， 煎的【 韭菜肉餃】【白菜肉餃】便比較一般了韭菜肉餃和白菜肉餃的皮比較厚了一點，沒有像雲耳椰菜肉餃這麼薄，又沒有什麼咬口而且由於是煎餃，餃子的皮沒有什麼味道，比較淡而無味，要依靠辣菜脯調味最重要的是，煎的韭菜肉餃和白菜肉餃太油膩了，整件餃子都【油淋淋】的，吃了幾口便已經膩了還有本身餃子皮已經比較厚，而煎餃煎的時間又過長，不但令到餃子皮完全不香脆，反而令到餃子皮更沒有水分，口感更乾身和堅硬，完全不好

剛好要去花墟💐，老公🍋今天終於把我帶到了他最愛的餃子店🥟！時間尚早🌞，不用排隊就能入座了👍🏻~ 不過店內都已經是坐的頗滿的😳。店內提供了湯餃及煎餃✌🏻，餡料方面有3種👌🏻選擇。每枱更備有自家秘製菜脯🥕，混以XO醬及豆豉🖤，加在餃子上味道更添香濃🤤。韭菜肉餃🥟：人妻選擇了湯餃🥄，飽滿的餃子一咬開就能看到滿滿的韭菜🥦，餃子的外皮有一點點的煙靭😋，湯底還算清甜，菜與肉🐷的鮮味在餃子內完美的交融著🤩。煎韭菜肉餃🥟：外皮煎至金黃微焦💛，口感香脆，但油而不膩👍🏻。豆漿🥛：沒有加入太多的糖精😍，令濃郁的豆香味更突出，果然是真材實料之作💝！總結：可能是來之前的期望太大💗，吃完後又沒有太大的驚喜😅，但沒有加入太多的味精是值得欣賞的😌。加上性價比蠻高，小店來說是值得支持的😘。

同同事夜晚想食下餃子，來到有眾多餃子店的太子，最後還是選了美味餃子店.晚上七點半，人龍依舊，一行五人等了30分鐘.煎雲耳椰菜餃子拼韭菜餃子，10隻 $43好香，餃子好大隻又好足料，一個女仔其實食細份已經夠曬包，又煎到好香口，個人鐘意煎多過湯.雲耳椰菜湯餃子，7隻 $38餃子料同煎餃一樣，湯比較清淡，但係都好飯又有湯，冬天比較喜歡這個，較暖身.自家豆漿 $9正常，不過不失，豆味都有的.店舖人流比較多，食完就要走，上菜都快，其實這間另一個重點是菜甫，十分惹味又帶點辣，送餃子真係十分精彩！

「 真係咁美味咩... 」呢句野係行到門口... 見到已經要排隊個陣諗到既... 個陣七點都未夠喎... 利害... 不停有客... 埋單走人個陣條龍仲長...因為餃子餡係有菜... 所以就無另外叫碟菜...煎白菜肉餃唔算好油... 配埋菜圃食正好多... 一般~覺得最好食都係土瓜灣個間~湯雲耳椰菜肉餃湯係生魚豬骨湯... 個湯婆仔就麻麻地鐘意啦... 湯餃個皮就會滑好多... 有椰菜做餡食落會爽好多...豬手幼麵豬手有三件... 都算淋既... 但肉唔多... 麵就平時一個幼麵餅既份量...菜圃見食客勁落... 店員不停 refill... 試左少少先... 辣辣地好野味... 最正原來係菜圃囉~

今日要去太子拎個保溫杯, 所以就預先睇定太子有咩食...我揀左美味餃子店...之前次次去金鳳都經過舊舖話要下次食, 但就次次都做唔到 ...到佢搬埋新舖, 仲要機原巧合下先終於去到...位置係金鳳向橋反方向前一條街...我地叫左 雲耳椰菜湯肉餃,  韭菜湯肉餃,  韭菜煎肉餃, 豆漿... 雲耳椰菜湯肉餃: 餃子好大隻, 皮又薄...因為入面既餡好多係菜, 所以呢個餃好軟身...呢個餃子咁多菜又唔咸所以都好清, 亦因為咁食哂10隻都得...椰菜應該好新鮮, 一d苦味都無...唯一問題就係餃子軟到好易不上黎又洗返落去,跟住個皮就穿左... 韭菜湯肉餃: 餃子都係好大隻, 皮都係薄...呢個比椰菜餃實正少少, 唔會洗返落去...不過個人認為食得韭菜都係重口味之人, 所以韭菜味可以再濃d... 野葛菜煲生魚豬骨: 其實就係湯餃個湯...無咩咸味, 幾健康, 飲得出有俾心機煲既湯...飲多啖呀!! 韭菜煎肉餃: 白菜餃賣哂, 見到好多人食煎餃, 所以我地就叫埋佢...煎餃金黃色, 肉眼睇見到個皮好厚...食落就唔脆, un 左d...唔鐘意... 豆漿: 好飲, 無沙...唔會太甜.

追月假期太子區搵食活動一波三折,幾家心水食肆跟我一樣在放假,幸好最後還有假期裡不用等位的美味餃子店,不然我會賭氣的去找一定有開的麥叔叔。搬了大屋的餃子店的確比街角舊店大了很多,雖然座位排列依然密集但坐得比以前鬆動很多了。餐牌上的食物種類沒大改變,都是最受歡迎的餃子及車仔麵,改變的只是價錢。在太子走了幾個圈,這杯冰凍微甜豆漿有如甘露,不但讓客人潤潤喉頭,也讓在蠻漫長的等待時間中有點東西進肚,畢竟乾等的滋味不是太好受的。是日食運太差,當遲來客人已在吃餃子麵之時,我還需要呷著豆漿地繼續等,肚子也愈來愈餓......當阿姐抱歉連連的送上一碗雙拼湯餃後,我也不客氣地先飲一口遠近馳名野葛菜生魚湯了,湯底透出葛菜的獨有菜青味,沒有加鹽的湯底比印象中淡了一些,清甜湯底仍是可口的。每隻比湯匙還大的餃子看來蠻夠份量,印象中的餃子皮是輕軟一點滑溜一些,現在的厚了一點,沒有以前的輕盈感,不過更有口感也會更飽肚。雲耳椰菜爽口有菜味,調味清淡的口感更清怡;白菜餃食味更清淡,用上白綠色白菜比大白菜合自己口味。餃子包得密集漂亮,只是偶爾出現笑口餃子,要是發現笑口餃子則要留心了,只因熱湯會滲進餃子內如灌湯餃,一不留神那

美味餃子店，搬入大南街後第一次到訪，煎韮菜肉餃，足料好味；因為白菜肉餃沽清，所以點了雲耳椰菜肉餃，雖然都好食，但個餃皮少少散開，比較普通；另個自家製辣椒菜脯也可當主食，一食停唔到口，正常一定叫10隻，但要去食下一站，所以只點了7隻！