Hungry Korean (D2 Place) (已結業)

🏠Hungry Korean 🥬前菜 $18 好中意食韓式前菜所以加左個前菜，有一碟泡菜，一碟薯仔沙律，一碟魚糕。魚糕果碟好食， 辣辣地幾開胃。泡菜就麻麻地，唔夠酸又唔夠辣🥹 🦑魷魚壽司 $42 呢個係我係hungry korean最中意食嘅一個item😍 係其他分店食會係包住錫紙，荔枝角分店就無，都係一如既往咁好味， 裏面嘅魷魚醃得好入味，包住配料嘅紫菜都有淡淡嘅麻油香👍🏻👍🏻 🥘豆腐湯 $52 呢個湯裏面有 一隻蝦，一隻青口，幾塊豆腐，同埋翠玉瓜。雖然有海鮮，但海鮮味就無咩，就係有啲泡菜湯嘅感覺~ 🍝韓式粉絲 $42 呢個竟然有驚喜！！我覺得佢比起好多韓國餐廳嘅炒粉絲都做得好，麻油味夠香，豉油味夠甜又夠咸， 配上少少牛肉碎同埋蔬菜，好快就食曬🤣🤣👍🏻 🥟韓式餃子 $38 其實我一直都好好奇點解所有韓式餃子嘅味道都係不相伯仲🤣只要你食過韓式餃子，你應該都估到呢隻餃子係咩味😜 🥤凍麥芽發酵米茶 $12 比想像中甜，唔係好解渴。 🥤凍檸茶 $12 呢個好奇怪，冇茶味，冇檸檬味，剩係得甜味😂😂可能下次要叫走甜/少甜。 

黎到D2 Place去Hungry Korean簡簡單單食左個晚飯～地方算舒服 唔會好多人好逼👍🏼👍🏼店員幾友善 會比張紙仔你填你想食既野👍🏼佢又真係記得曬d number📌吞拿魚壽司(HK$42) 好好食既Gim Bap! 價錢唔算好貴但味道好好🥰📌 豆腐湯 (HK$52) 入邊仲有唔少海鮮 餸飯一流📌 韓式鐵板牛小排(HK$92) 份量好足好足 牛味都好出 推介💪🏼野飲跟Set加$11，甜甜地還好! 埋單$197

係D2 ONE做完運動 好肚餓 但一個人唔知食咩好又唔想咁頹食茶記 就上網睇到hungry korean開左分店係D2 TWO！好開心 即刻衝去食由於下午茶時間，餐廳一個人都無正值員工午膳落場時間佢地自成一角坐係一邊 我坐另一邊畫面好尷尬😅一入門口 就係收飲處order 但唔需要比錢住店員會指示你坐係咩位置 同尖沙嘴一樣無得揀位上網都無留意有下午茶餐，伶到張單先知下午茶豆腐湯只係$37，比正價$49平好多，好意外😯豆腐湯配飯 $37色澤橙紅，配料有豆腐、蝦、青口、脆肉瓜片、洋蔥略嫌味道調控唔夠，個湯無濃郁既感覺，好似落唔夠韓式辣醬攪拌起來太多乾辣椒碎，有小小影響口感豆腐份量好多，不過完全唔入味你當係清清地下午茶餐就會食得好滿足但如果夜晚食都係呢個質素就不了