鴻淘士多‧羅太豆花

營業中

休息中

難得放假，同老公試下條元朗上水單車徑，老公仲專程帶我嚟呢間豆品廠食豆腐花放題。嚟到，冇咗放題，不過唔緊要啦，做運動就係為咗食多啲嘢嘛🤣豆腐花$10大大碗，隔離仲放埋黃糖同薑糖水任你加。豆腐花豆味香濃，雖然未至於好滑，但$10大大碗我絕對收貨。其實呢度仲有好多嘢食，燒賣、炸豆卜、齋燒鵝、公仔麵⋯要乜有乜。真係單車友補給嘅好地方😊

呢日小弟因為屋企人介紹而發現到上水有檔隱世豆腐花原本豆腐花係任食既，但因為肺炎關係所以依家暫停任食，要逐碗買。雖然地方真是好隱蔽，但都好多人黎食，有唔少係踩單車過黎食。豆腐花好滑，大大碗！可惜佢只有熱豆腐花 (唔知夏天係咪)，夏天黎食相信會更加熱除左豆腐花，呢度都有公仔麵、燒賣等既小食。呢個燒賣都唔錯，唔會好粉

放假冇野做，天氣又咁好，最啱就係踩下車。一來平時食咗咁多可以當減下，二來單車徑沿途風景優美，重點係臨近糧尾冇乜貨剩，當然要慳啲洗啦⋯⋯ 踩單車呢個節目就啱晒啦，入兩支水帶去免費的，沿途風光免費的，踩到去羅太嗰度可以用＄12任食豆腐花豆漿放題食到你飽為止 ！ 羅太豆腐花，對好多單車友來講都唔會陌生的打卡熱點。位於上水上鄉，沿着雙魚河一直踩到望到羅湖，再跟住D路牌指示就搵到架啦！入面地方很大，有10幾張枱任坐。首先搵阿叔俾低$12，佢就會比一隻八角碗仔你。攞住隻碗仔，你就可以橫行無阻去自斟自飲豆漿，或者任食豆腐花，自己添加黃糖同埋糖水，豆花mix 豆漿都得。豆漿凍冰冰同埋都有豆味係正嘅，但係豆腐花呢就略嫌唔夠滑。但係咁嘅價錢，點講都係平靚正囉！如果覺得齋食豆花同豆漿太 dry, 可以考慮＄25食一碗邪惡的餐蛋麵。將踩左幾個鐘頭燃燒左嘅卡路里一下子補返曬，呵呵！如果唔想踩幾個鐘頭單車亦都可以考慮喺上水火車站出閘，租架共享單車或者行去都得，都係10 幾20分鐘咋。果到任坐冇限時，眼見好多人都添飲添食，仲有兩隻貓陪你玩。飲飽食醉回程了，再欣賞埋佢既日落美景，簡直 good la!

隱世鐵皮屋豆腐花豆漿放題11月秋高氣爽, 最適合郊遊!由上水港鐵站出發向北走, 沿住雙魚河, 接梧桐河, 慢慢下影下相, 欣賞下沿途風光,行大約40分鐘, 見到第一個招牌!行入呢條快景路, 沿牌走.就到啦.如果踏單車, 15分鐘就可以由火車直到單車友補給打卡熱點!!果然是傳統豆品廠的山水豆腐花, 清甜香滑.有豆味, 又健康!!以自助形式加糖水/黃糖, 加幾多你話事! 隨咗豆腐花, 仲可以勁飲凍豆漿!行得熱, 口喝, 或者坐低休息一流!!!無限添飲!!! 隨咗豆腐花, 仲有行山人士至愛的餐蛋麵, 牛腩飯等同其他熟食, 經濟飽肚!! 我今次就試多個<<腐皮卷>>

$12任食，都幾開心。早餐都無食就駕車去到這個隱世豆園。噢，原來它本身是個豆品廠，做埋堂食，都幾棧鬼！豆腐花好滑，真係超滑。絕對喺市面食唔到！我就食左4碗，仲要係暖暖的。勁正！付款購買一碗後，再拿碗出去就可不斷refill凍豆漿又可以無限添飲。不過略嫌超微糖，如唔怕攪肚，可自行加糖水地點確實超級偏遠，除駕車，亦有大量騎單車人士用餐。那裡還有小吃，餐蛋丁，煎豆腐，這些都是不錯小休吃食選擇。

聽朋友介紹，來大埔踩單車，一定要來食羅太豆腐花。剛好來到附近，便來試試。一般人也有食過日式放題和甜品自助餐等，誰不知道這裡居然有 豆腐花自助餐 。每位$12，又嫩又滑的豆腐花和香濃清甜的豆漿，任食任飲。非常推介

萬里無雲的藍天，困在家中對我而言就像坐監一樣。難得星期六公司打電話來說人手夠可以放假，掛線後隨即拉著宅男弟弟到新界玩一個下午。 從大埔到羅湖（邊境）是我最愛的單車路線，踩過一兩次不用導航也記得方向，今天再來隨了享受新界寧靜和藍天外，最重要是要一找羅太，中吃她的豆花，因為上次來到說停電沒有營業，心中那個為食結一直都在，今天就要解開！豆花店是一間在鄉村中的村屋模式經營著，還有不夠一公里就到羅湖邊境警崗亭。我拍著運動健將的弟弟，用了一個多小時來到羅太的地方。「每人十蚊」「一人一隻碗，豆漿豆花任食」羅太道。價錢相宜得我豪氣地請我弟弟盡情享用這餐豐富的下午茶。 豆花只有熱的供應，豆漿就冷熱都有。豆花很軟滑，沒有加入過多的石膏粉吧不會粗糙。雖是熱豆花，但這天天氣冷，在開揚的店吃很快變暖易入口。豆漿自由盛載，踩車過後來先來一口冰凍豆漿，就好比可樂生津解渴，豐富的黃豆味很有媽媽在家製的味道。後來，我看著旁邊的伯伯把凍豆漿倒少許到載了半碗豆花的瓷碗內，我也學著做，吃起來豆味更濃郁，又可以中和熱豆花的溫度，更易入口。羅太除了有比市區豆花店幼細的黃糖外，更有自加製的薑糖水，薑味的辣令人在冬天裡突

羅太豆花是我吃過全香港唯一家的豆腐花放題，$10你可以任吃豆腐花，再任飲豆漿，然後再豆腐花豆漿2溝都得。我自己通常都係豆腐花豆漿2溝，因為豆腐花只有熱的，天時暑熱一定要杯凍豆漿中和一下，2溝就啱啱好。除咗豆腐花豆漿，其實仲有魚蛋燒賣，餐腿腸蛋公仔麵米粉，可樂雪碧芬達等等。咁當然呢啲唔係放題要逐樣買啦！羅湖以前都是一片無人之境，自從單車路開通後，才多了遊人散步橋上把臂看著風景。我通常都是由大埔出發，踩單車到羅湖，吃豆腐花，再踩單車回大埔，計埋照相玩樂死hea爛hea總共4小時。