一喜日本料理

營業中

休息中

生日，不吃剌身的我(好低能)很想吃日本料理，想吃就要自己搵。在網上surf 一大輪，都唔記得點樣搵到呢間日本料理，未試過，又可以用app訂枱，實在好放便。我們點了豆腐野菜沙律🥗，蟹子沙律🥗，牛油果軟殼蟹卷，大蝦天婦羅，牛肉鍋，牛肉紙火鍋，紫蘇卷，串燒。樣樣都好好味😋。真係好新鮮，好好味。佢哋有自家製「梅酒」⋯⋯正，真係好好飲呀！吃飯又無限時，真係吃得好開心🥳。侍應妹妹，外表好cool，原來好好人，見我哋叫多了，怕我們吃不下，建議我哋留一兩樣遲啲再落單。真係好細心呀！上菜不荒不忙的，逐道上菜，環境裝修都好靚，整頓晚餐，非常滿意，100分。

星期一又再重新出發，朋友決定去尖沙咀食晚飯，鍾情日式餐廳的我，今晚來到尖沙咀的一喜日式料理。餐廳佈置甚具和風格局，櫥窗擺設、牆身壁畫、木牌、日式清酒，洋溢和式氣氛。豆腐野菜沙律 $78前菜揀咗豆腐野菜沙律，新鮮野菜份量十足，豆腐滑不溜口，加埋木魚碎蓋面，配上日式胡麻醬，清新開胃。雜錦天婦羅 $88天婦羅麵衣厚薄適中，炸得非常脆口，可食到南瓜、茄子、香菇及大蝦的鮮甜味，配上少量嘅蘿蔔蓉，亦有助減低油膩感。雞軟骨串 $28、雞腎串 $28、日本青椒串燒$28 串燒揀咗鹽燒雞腎及雞軟骨，燒得啱啱好，唔會太乾身，食落亦有咬口。值得一提係青椒串燒，配上特別調製嘅醬汁，中間甜甜的和軟綿綿口感一流。必食刺身拼盤 — 松 (8種盛合せ) $538大愛日本料理的其中一個原因係日本菜賣相永遠無得輸。拼盤非常精緻，屬高質食材而且份量十足！拼盤有帆立貝、三文魚、鮪魚、劍魚腩、油甘魚、北寄貝、八爪魚及甜蝦。魚類刺身肥美肉厚，油脂分佈均勻。 當中帆立貝刺身，柱頭肉厚身圓大，鮮甜而柔軟，絕對值得推薦。海鮮紙火鍋 $108色彩繽紛的海鮮紙火鍋入面有鮮蝦、魷魚、青口、豆腐、金菇及冬菇作配料，仲有粉絲吸收清甜嘅湯底，好豐

媽媽同我口味相近, 帶埋佢去搵食當然係最夾, 今日兩母女又一齊出動, 食日本菜！豆腐野菜沙律$78坐底先點沙律好似已成習慣。呢盤沙律菜唔只夠新鮮, 菜葉仲難得的厚身, 咬落"烚烚聲", 非常爽口, 加上軟滑豆腐, 爽滑交替, 係一盤出色嘅沙律。 唯一可以挑剔嘅係麻醬偏多, 如果醬汁分開上就更好啦。四款橙紅色系嘅刺身爭艷奪目, 海膽$188、活赤貝刺身$78、三文魚刺身$88、甜蝦刺身$88。海膽濕潤飽滿, 每瓣都可以輕易地完整夾起, 可見鮮度十足。每板海膽都附上白飯同紫菜 , 不過我就鐘意原汁原味, 一匙一匙直接放入口, 享受甜中帶甘嘅韻味。活赤貝, 口感極為爽脆, 鮮味十足。甜蝦肉質細緻, 鮮甜味美。厚切三文魚, 每片都厚到成隻手指咁闊, 色澤鮮明, 非常肥美。牛肉紙火鍋 $98肥牛片輕輕燙熟, 肉質保持嫩口, 濃郁牛脂同肉味滲透入湯底。粉絲正好吸收湯中精華, 美味彈牙。牛舌串$58, 雞軟骨串$28, 雞腎串$28, 蕃薯串$18串燒燒得均勻焦香, 送上時仍冒著熱氣, 其中牛舌爽彈有嚼勁, 特別出色。日式芝士年糕48年糕比想像中更軟糯, 芝士餡完全溶化, 十分治癒。富士蘋果蜜$38

這間居酒屋地點很方便，裝潢就如一般居酒屋，但給人感覺很舒服，侍應的招呼也很好。豆腐野菜沙律 沙律菜很新鮮和爽脆，豆腐很滑，加上甜甜酸酸的沙律醬，吃起來很清新。A5和牛手握壽司 和牛刺身油脂分佈均勻，吃到很濃的牛肉味而且肉質嫩滑，壽司飯醋味剛剛好。刺身拼盤(松) 拼盤共有八款刺身，包括帆立貝、劍魚腩、油甘魚、甜蝦、三文魚、吞拿、北寄貝和八爪魚。各種刺身也很新鮮，厚切的油甘魚和劍魚腩肉質肥美，帆立貝很爽口鮮甜，甜蝦也很大隻和甘甜。京都醬油牛肉鍋 牛肉鍋除了有很多牛肉，還有很多雜菜、金菇和粉絲，味道是少少偏甜，和在日本吃的牛肉鍋味道很接近。