坤記煲仔小菜 (已搬遷) 新店位置

今日約咗朋友喺西營盤附近，咁就順便搵吓有咩好食，見到呢間坤記嘅煲仔飯喺openrice 評語幾唔錯，就諗住試吓。坤記小炒王小炒王味道唔錯，有韭菜、好大隻嘅蝦乾、魷魚，腰果炒埋一齊，好有鑊氣，上枱仲熱辣辣，韭菜好爽口同埋其他配菜一齊食口感豐富。豉椒炒蜆啲炒蜆新鮮無沙，同埋青椒洋蔥豉椒炒埋一齊，每一隻蜆都炒得好入味，好香口。白鱔煲仔飯啲白鱔幾新鮮、啲肉幾滑，成個煲仔飯熱辣辣再加埋煲仔飯豉油撈埋一齊食好香口再加咗少少辣嘅紅椒撈埋上去，少少辣好開胃，喺呢度嘅推介菜。呢間煲仔飯真係算唔錯，其他小菜好有鑊氣，價錢都好平民感覺都幾抵食，下次可以再去。

是日收早所以約老婆兩小口子去食煲仔飯，我地book左七點，黎到即時候已經有人龍，我地book左都要等一等。好彩時間尚早等一陣就入得，我地叫左個的白鱔排骨煲仔飯、豉椒炒蜆同粉絲什菜煲。先黎個什菜煲，熱辣辣份量都唔細。炒蜆好岀色，無沙夠入味。最後煲仔飯，果然名不虛傳，有金黃飯焦脆卜卜。