恒樂海鮮菜館

營業中

休息中

入長洲，除左可以一班朋友或愛人黎，其實仲可以帶家人黎架！事緣我媽放AL，仲話未去過長洲。無問題，收到晒，即刻安排。雖然我唔識踩單車，都無諗住行山，簡單沿岸不斷來回行下、食下野、望下風景，咁就悠閑過左日架啦😌一入到長洲都中午時分，食返個午餐先⋯好多海鮮酒家都做緊$168兩餸優惠，但之前隨便入一間，蟶子瘦到無肉，菜又求其⋯其實$168兩餸送湯同菜，都唔係想有咩要求，唔太過份就得了😅今次醒左，事先睇網上長洲海鮮酒家Top 10推介，揀左恒樂⋯湯係蛋花粟米羹，都幾好飲，正常發揮👌🏼菜就揀左蒜蓉炒菜心定唔知芥蘭，青脆可口，一啲都唔老👌🏼豉椒炒蜆，味道剛好，大小合宜，漲身有肉⋯一見到已經覺得水準高過之前果間😍👍🏼而另一菜式避風塘炒賴尿蝦，本身無咩期望，但有大有細，計落都成十幾隻，部分仲有膏，乾身唔過油夠味⋯咁嘅價錢，呢兩餸餐，味道同質素都夠做，抵食啦呀！另外加多左個是日精選，海膽炒飯。飯未夠乾身，但都算粒粒分明，海膽鮮甜，加埋菜粒，口感唔錯，略嫌唔夠咸（可能我重口味😂），但清清地都唔錯⋯黎個overview先⋯我同我媽都放開肚皮食到好飽😋好滿意呢餐👍🏼

帶朋友在長洲走了大半圈.早上的蓮香點心還在肚裡. 但難得到來又沒理由不吃海鮮.就決定吃海鮮當下午茶.恆樂算是最好選擇.平時會先到旁邊買海鮮再讓他們煮.但今天只是下午SNACKS,又何必勞師動眾呢.本來打算點二款$118就算.阿姐話請我們吃多碟菜.一大碗例湯還有大大件豬骨,雞腳.超甜! 豉椒炒蜆 - 一座山.每隻蜆也有一段手指頭肥美.濃椒卻沒有蓋過蜆的鮮甜.蝦膏炒通菜 - 另一座山...淡淡的蝦膏香味,通菜略嫌老且油.但十分爽脆.蒸蒜蟶子 - 等了左不多大半小時.一大碟蒜蓉粉絲.蟶子略嫌小.但很足分量.這個下午菜只須$118.三餸一湯.太豐富了!!!

星期六同羊先生入長洲覓食，想食海鮮，但係度度都好多人，咁啱呢度有位，就揀咗呢間。叫咗豉椒炒蜆、豉椒炒聖子同避風塘炒蟹，每樣都係$45，都幾抵。豉椒炒蜆：第一碟上菜，幾大碟，不過蜆有少少沙，同埋個汁偏淡。豉椒炒聖子：豉椒炒蜆之後成半個鐘先嚟，都幾大碟，不過勁淡。避風塘炒蟹：又係聖子之後半個鐘先嚟，有成兩隻蟹，好辣、好好味，全晚最好！總括嚟講，如果唔怕隔半個鐘先有一個餸，呢度都可以一試嘅。