新肥泉海鮮大排檔

營業中

休息中

朋友介紹話佐敦有間港式大排擋好好食、又炒得有鑊氣同夠火喉，於是放工後就一齊黎嚟試試！😎😁😄由高鐵站行過去約6-7分鐘。落單可以掃QR code，十分方便！1. 金銀蒜炒大海蝦🦐$168，隻隻都好大隻，好新鮮，肉質彈牙，啖啖肉，蒜香味重，好惹味，少少辣，配埋啤酒🍻就一流啦！😋😆🤤2. ⁠豉汁蒸白鱔$168，新鮮又嫩滑，味道鮮甜，蒸得剛剛好，不生也不老！😍😁👍3. ⁠菜遠肉片炒河$98，菜心好大條，配上大大塊嘅豬肉片，好好味，好大碟，我們兩個人真係食唔曬呢！🙈😬😆新肥泉海鮮大排檔：佐敦寶靈街17號官涌市政大廈2樓熟食中心

細細個覺得大排檔炒餸好好味，長大覺得都好夠鑊氣，炒餸夠鑊氣真係好重要，佐敦官涌市政大厦呢間新肥泉海鮮大排檔真係做到，啲餸好好味呀，味道又岩食，連接西九龍高鐵站腳程近，距離地鐵站都好近，位置一流！蒜蓉炒西蘭花上碟蒜蓉超香，食落更香口，西蘭花仲好鮮嫩，口感亦好好豉汁蒸白鱔$148大排檔必點，味道恰到好處，鱔口感滑，不生不老菠蘿拔絲咕嚕肉 $86賣相口感一樣出色，醬汁香濃，推薦菜式之一，瞬間清碟，配菜都一樣出色入味加埋白飯兩碗，飲啤酒汽水又得，咁就夠哂大排檔風味，大排檔侍應做事同上菜都好快手又有禮貌，落單掃個QR Code，吾洗5分鐘上到菜，好先進又有條理既大排檔，見到廚師好落力炒餸，食野期間仲不斷聞到廚師炒緊好香好香既餸菜，真係食緊都仲想加餸，不過每一個餸既份量都吾少，我地都好飽足

📍香港📍佐敦📍新肥泉海鮮大排檔📍佐敦寶靈街17號官涌市政大廈2樓熟食中心📍星期一至日 12:00~23:45第一次嚟呢個熟食中心感覺幾乾淨，系坐得比較舒服嘅大排檔。地下唔會好污糟濕笠笠☝🏻好多部大風扇夏天去都唔怕熱🌬️但女士最好紮頭髮會食得比較方便。可能太耐冇嚟大排檔，已經進步到用QR code落單😂留意翻有加一服務費。柯士甸站或者佐敦站行過嚟只需要幾分鐘路程幾方便，唔算難搵。🦄 蒜蓉炒通菜 $98最怕出街食菜太油，好彩廚師落嘅份量啱啱好亦唔會太鹹。通菜都幾新鮮。🦄 椒鹽九肚魚 $128炸漿夠薄身👍🏻脆脆嘅口感。即叫即整上枱熱辣辣好香口惹味。魚肉幾嫩滑。系每次嚟大排檔必叫嘅菜式😋🦄 金銀蒜蒸花蝦 $168火候控制得啱啱好，蝦肉唔會過老過韌🦐蝦頭仲有膏食添！粉絲索晒啲醬汁用嚟撈飯好正。好鍾意佢大量蒜蓉。🦄 豉汁蒸白鱔 $168味道非常濃郁，每一件白鱔都好入味。重口味人士會好鍾意，配白飯食啱啱好👍🏻份量都幾多四人或以上分享都冇問題！🦄 可愛BB乳鴿 $52乳鴿皮脆肉嫩，跟配蝦片有啲驚喜。細細隻過下口癮。🦄 可樂 $10買少見少嘅玻璃樽可樂。飲落特別過癮。其實仲想試佢避風塘炒軟殼蟹，黃金九肚魚

🌟係佐敦站行5分鐘就到，柯士甸站會再近少少🌟係官涌市政大廈2樓🌟雖然係街市上面既大排檔，但係乾淨企理，地下唔會又濕又油🌟係平日既夜晚，都有8成滿既客🌟見到師傅係到大火炒菜，火喉淨係靠睇都覺得夠🔥🔥🔥🌟用QR code 落單，好方便，即叫即炒😋肥泉小炒王 （$118）-炒得好香口-配料好多，有叉燒，蝦仁，魷魚，果仁，韭菜，菜脯，蝦乾，白飯魚仔同冬菇絲-大碟夠抵食-送飯一流😋椒鹽軟殼蟹 （$148）-一碟有7到8件軟殻蟹-炸到好香脆-加埋椒鹽，惹味，送酒一流 😋豉汁蒸白鱔 （$168）-大碟，cp 值超高-白鱔新鮮，鮮味十足，冇泥味-蒸得岩岩好，肉質爽彈-配埋豉汁，絕配玻璃樽裝可樂，忌廉 （$10/ 1枝）-已經好少見到有懷舊既玻璃樽氣水-唔飲酒都可以爽下🌟總結👍🏻推薦推薦👍🏻菜式多，又夠大碟，抵食👍🏻海鮮新鮮，唔會呃秤👍🏻炒小菜火喉夠，又唔油膩

最近天氣凍凍地，好啱食熱騰騰嘅炒餸，果日就去咗佐敦官涌市政大廈熟食中心 "新肥泉海鮮大排檔"，食吓高質又特色嘅砂鍋煲同小炒，感受下香港地道風味美食 ~環境方面，寬敞潔淨，多人去都夠位。而店舖出名各款小炒，仲有生猛海鮮、特式小菜、四川水煮、雙冬羊腩煲等，樣樣都咁吸引呢！豉汁蒸白鱔    $168蒸白鱔超新鮮，鮮甜美味，完全無腥沒有泥味。白鱔蒸得剛好熟，豉汁咸度剛好，魚肉鮮嫩，肉質彈牙扎實，味道啱啱好，豉汁用嚟配白飯$10，好惹味。黑椒野菌牛柳粒   $118嚟大排檔其實主要都係想食呢道菜。大大碟相當足料，有滿滿既牛柳粒，牛柳厚肉又大粒，味道非常濃厚，保持到牛肉嫩度，水準十足，雜菇、紫洋蔥、青紅椒炒到好爽口，食起嚟更惹味。肥泉小炒王    $98小炒王係大排檔既鑊氣指標，材料主要用韮菜、鮮蝦、蝦乾、鮮魷、炸銀魚仔、叉燒、腰果等等，都好多種類，食材唔複雜，但好考功夫，呢碟小炒王夠鑊氣，韮菜油亮爽嫩，蝦乾鹹鮮惹味，仲有最鍾意既腰果，脆脆的，令口感更豐富！可愛BB鴿    $52上檯時仲係微熱，油溫炸得啱啱好，鴿皮十分香脆，入口肉好嫩滑，美味可口。食熱騰騰嘅小炒最好配罐冰凍可樂，口感清爽。   

呢日黎到佐敦搵食，忽然間記起熟食中心嘅肥泉就上黎了。之前其實已經試過佢好多款小炒，樣樣都好夠火侯，所以今日試新野～🌟富貴A (6個餸+菜+水果+啤酒)- 豉油王大蝦：食得出係兩隻新鮮大蝦，肉質夠結實，豉油味襯托出蝦鮮味，加埋鑊氣夠，好食😋- 豉椒炒蟶子皇：size大細可接受，配埋超濃郁嘅豉椒汁同埋粉絲，又估唔到幾好喎- 金銀蒜蓉蒸大元貝：食海鮮又點少得大元貝，加埋金銀蒜、粉絲同豉油，好正- 豉汁蒸大白鱔：啲豉汁搽滿晒白鱔，完全冇偷工減料。鱔又蒸到剛剛好，非常之滑。- 避風塘炒軟殼蟹：新鮮熱辣辣上枱，又係外脆內軟嘅軟殼蟹，加埋少少辣嘅避風塘味，再即刻飲番啖啤酒gur 晒😆- 海皇瑤柱羹：估唔到海皇羹入面好多配料，仲比我搵到三隻鮮蝦，非常足料最後係上湯時菜同埋水果作結尾，3百蚊左右食到咁多野，是日滿足～