影片
更多
2019-02-23
259 瀏覽
適逢媽媽生日，所以帶佢去食返餐。今次去咗位於九如坊既慢煮兩餐，跟Google map喺上環站行過去，行咗大約十分鐘，舖面唔難搵。餐廳主張廚師預約，根據客人口味度身訂造菜式，所以需要提早預約。一坐低貼心既服務員為我地鋪好餐巾，送上普洱雪菊茶，媽媽大讚好飲，不過由於我地係食晚飯，怕飲得太多夜晚會瞓唔着，所以都唔敢飲太多。可能因為慢煮關係，上菜需時，不過又唔算好耐。第一道菜：日式蒸水蛋食落感覺特別，不過味道少少偏鹹，個人認為成碗撈埋一齊食會好味d，最終我都食哂成碗。第二道菜：煎焗青根魚，平時屋企煎魚會煎得比較脆，雖然佢地煎得唔脆但入口都好好味，好有家的感覺。第三道菜：紹菜炆蝦米，除咗紹菜同蝦米，仲有粉絲撈埋一齊，所有材料都切得好細，但係就非常有咬口，呢個我好鍾意食！第四道菜：小辣羊肉鍋，我本身食到少少辣，但係呢個我覺得好辣食唔到，所以留返俾先生食，我覺得唔應該叫小辣。第五道菜：酸梅醬蒸排骨，個人覺得都好味，不過較為普通，冇乜特別。第六道菜：豉油手撕雞，呢個好好味，雞肉好嫩滑又唔鞋口，而且雞肉唔會太鹹，不過因為太飽既關係我食咗少少就食唔落喇！雖然已經好飽，但食甜品係第二個胃，所以點咗牛奶布甸及
餐廳主張廚師預約，根據客人口味度身訂造菜式，所以需要提早預約。
一坐低貼心既服務員為我地鋪好餐巾，送上普洱雪菊茶，媽媽大讚好飲，不過由於我地係食晚飯，怕飲得太多夜晚會瞓唔着，所以都唔敢飲太多。
可能因為慢煮關係，上菜需時，不過又唔算好耐。
第一道菜：日式蒸水蛋
食落感覺特別，不過味道少少偏鹹，個人認為成碗撈埋一齊食會好味d，最終我都食哂成碗。
第二道菜：煎焗青根魚，平時屋企煎魚會煎得比較脆，雖然佢地煎得唔脆但入口都好好味，好有家的感覺。
第三道菜：紹菜炆蝦米，除咗紹菜同蝦米，仲有粉絲撈埋一齊，所有材料都切得好細，但係就非常有咬口，呢個我好鍾意食！
第四道菜：小辣羊肉鍋，我本身食到少少辣，但係呢個我覺得好辣食唔到，所以留返俾先生食，我覺得唔應該叫小辣。
第五道菜：酸梅醬蒸排骨，個人覺得都好味，不過較為普通，冇乜特別。
第六道菜：豉油手撕雞，呢個好好味，雞肉好嫩滑又唔鞋口，而且雞肉唔會太鹹，不過因為太飽既關係我食咗少少就食唔落喇！
雖然已經好飽，但食甜品係第二個胃，所以點咗牛奶布甸及紅豆沙大家一齊食。牛奶布甸好滑，奶味都濃，唔會好甜，都約好味。
食完牛奶布甸食紅豆沙覺得冇味，飲啖水再食先好少少，不過都覺得唔甜，但好重果皮味。
整體而言，我覺得似住家私房菜，味道唔錯，服務態度亦好好，不過價錢稍高，但喺中上環食飯，質素又要高，我覺得呢間都係唔錯既選擇！
張貼
