炙・宴 (V City)

營業中

休息中

今日 Lunch time 就去咗 v-city 行, 搵吓有咩嘢食, 行到呢間日本餐廳, 見有位, 及每張枱都有一定距離, 4人枱都可以1人座, 不會像有啲餐廳將4人枱拉開少少加塊膠板就座2張2人枱咁迫, 今時今日疫情下, 呢啲距離真係好重要, 所以就入去喇! 除了距離外, 店內衛生及服務亦OK；去過這品牌的元朗店, 但都沒有這樣的距離👍🏽 這裡主要賣丼, 有牛肉丼、海鮮丼、三文魚丼、豚肉丼、燒雞丼、鰻魚丼等等, 大概有20款丼供選擇；想食拉麵 🍜 都有約6款選擇；至於小食就有約8款比你追加；還有一人鍋食及小童套餐供應。我就 order 咗 “Aburi-en 豚肉丼” 套餐, 有豚肉丼, 麵豉湯及沙律🥗；豚肉炙燒得好香口, 富油感, 飯就用咗日本米, 粒粒食落都好有口感, 整個套餐食品與我平時食的一樣, 都可以保持到呢個品牌的食物水準 (無論味道、份量及賣相) 👍, 這點並非所有連鎖食肆可以做到的, 就算食肆公司設有中央工場, 但因店舖主管或其公司管理層監管不力, 而導致食物水準下降 👎, 影響品牌。另外, 我就追加咗一客吉列炸蝦 🍤🍤, 中規中矩啦👌！以 $18/3隻來講, 是

食物味道: 日式嘅豚肉蓋飯相信唔少人食過，嚟到呢度食豚肉蓋飯，相信會同日本本土嘅質素比較，呢度嘅豚肉賣相就做足，可惜炭燒味不足，汁醬不足，而且啲白飯雖然似日本珍珠米，但毫無黏力，沒有日本米嘅口感，應該唔係日本米，純粹當佢係本地普通嘅薄切豬扒飯，我諗反而覺得好味，所以我會俾OK評分，但如果以日本豚肉蓋飯標準評分，只能俾劣評。食物份量: 豚肉分量相當充足，不過個碗好細，相對來講白飯太少價錢: 大眾化嘅價環境: 裝修都幾有日本風味，十分似日本嘅小店子服務: 侍應嘅態度散漫，不敢恭維！回頭指數(10分滿分): 2分

喺vcity成日經過都未試過當日難得早返到去 唔駛等位就終於可以試下喇但食完出嚟就已經有一堆人嚕餐廳唔算好大 但啲座位都幾舒服初初俾佢啲鏡fake咗 以為間舖頭好長身🤣食飯選擇唔算多 但豬牛雞魚都有嘅✨豚肉丼 $75平時有得揀其實都唔會揀豬肉😛但見佢話本店no.1所以就試下喇結果真係好好味呢總共有五片豬肉 都係好大片嘅就咁食飯加汁 其實都已經好好食但個豚肉更加係驚為天人燒得好香 仲非常juicy 一啲都唔嚡口真係筆者食過最好味嘅豚肉丼✨和牛壽喜燒鍋轉烏冬 $179牛肉有4片 雖然份量唔多 但每一片嘅肉紋都係好靚嘅配菜就有菇阿豆腐同菜咁壽喜燒湯底所以配多咗隻蛋呢個牛又係不得了牛肉味好香 啲肉又好滑 配埋甜甜嘅壽喜燒真係一絕阿而個烏冬嘅質地又係好好 好煙韌彈牙唯一要挑剔嘅係呢個價錢嚟講啲配料少咗啲如果多多少少就更好喇✨和牛薯餅 $28薯餅內有好多牛肉 好足料但就嫌啲牛肉嘅調味就鹹咗少少比起頭兩樣就有少少失色咁總結嚟講 呢到啲牛肉同豬肉都超好食真心推薦大家嚟試下

經常都經過呢間炙.晏食宮崎牛，經常都好多人一到晚市就要等位，今次我終於可以嘗試到啦！經常被門口三隻白色小豬吸引住，餐廳裝修好有日本feel。有一個飯加$15轉套餐有湯和沙律，特選宮崎和牛飯有7片和牛又幾厚，和牛一咬落口好似入口即溶，咬落油脂滿溢超香濃，啖啖和牛油脂超美味，肉汁又流落飯更加香。沙律菜好fresh又爽口，配上香醋汁更加開胃。麵鼓湯幾香又唔會太咸。豚肉丼有5-6片每片都幾大片，豚肉燒到好入味，肉質淋又唔韌又有肉汁，肉汁又流入飯令飯更加美味。厚厚炸沖繩島豆腐，外層炸到好脆內軟熟，好美味可口。

今次再來v city經過這店，剛開舖，填補上次想吃的好奇。又是brunch time，和朋友一人點一餐，朋友點豚肉丼，送雜菜沙律加麵豉湯；我點了火炙豬腩肉豬骨湯拉麵送雜菜沙律，追加迷你冷豆腐配京蔥白飯魚。朋友說整體質素不錯，比丼丼屋的餐好吃；和我之前在其他日式麵店吃的黑蒜油湯麵比較，這間的湯底算是夠味得來不嗆喉，我幾乎喝了整碗麵的湯，豬腩肉片數量就少了點只得一兩片，麵底偏幼，不腍不硬剛好。點豆腐用來是清清味蕾，當中的白飯魚味道反而像銀魚。始終餐廳新開不久，乾乾淨淨，有少量卡座，適合二三四人傾住偈食。