蘭芳園 (已結業)

室內港式茶餐廳🤣落船之後只想快啲食完番屋企 信德中心入面係有好多選擇 不過就係想食茶記同埋如果你有行李嘅話，一入門口會有侍應幫你放係門口位置，再比個牌仔你走個陣認領番，呢part 係服務係做得好好1. 喇沙豬肋骨米粉配豬仔包 $582. 蔥油雞扒撈丁 $56呢個價錢算唔錯喇 豬仔包唔夠脆 可能掛住影相 放到啲奶油入晒個包度 喇沙湯 微辣喜歡食辣的會嫌棄佢 豬肋骨都唔錯幾𣺉 蔥油雞扒撈丁唔夠多蔥油 雞扒一般 撈丁系爭咁啲味又講唔出個叮麵略嫌煮得淋左啲，同埋葱油個份量亦都唔係好足夠，所以撈完之後唔係太食到個味，呢個撈叮係唔合格雞排就無乜特別，中規中矩

出開上環順便來試試這間分店，首先侍應服務態度同個樣都不太友善，食物來得快，個醬料好少，我叫既2款食物都好少，所以好似只係食包咁，又唔熱辣辣又唔脆，真係令我好失望

去澳門前食個早餐先~~上年黎既時候呢間鋪仲裝修緊~~有人話呢間野既豬仔包好好食梗係要試下啦~~入到去有好懷舊既裝潢~~仲有懷舊摺櫈 (相)一人叫左一個餐個餐係包豬仔包 或 厚多士~咁梗係一人叫一個試下~~腸仔蛋個d唔講啦~如果唔好食就真係要彈啦...不過都ok好食~豬仔包好味, 熱辣辣, 鬆脆...正!!厚多士相對冇咁好食添...但如果唔係對比既話就very good! 兩個人夾埋食左$50~