玉葉甜品

營業中

休息中

收倒一個類invitation email，話FxxdMx Gurx 同埋Chxxe呢兩間搞Apps 嘅公司聯合搞左個So called Party 嘅東西，話會邀請一啲有名氣嘅food blogger 出席，又話有野飲、canapés 同埋macaron 等小食，啱啱開始寫Food Blog ，諗住去睇下邊啲係出名嘅Food Blogger，仲叫左兩個朋友陪我去，睇下野，飲杯野點知就好似收費台嘅法正哥咁講 : 出事喇！去到要download 佢地apps 跟住先好似乞兒咁有杯野飲，同場嘅人來自好多唔同嘅領域，有出版社、一啲唔係寫food 嘅blogger、一啲F&B 行業嘅人等等......，但大家都唔知呢兩個主辦單位搞乜，除左係咁要求賓客用佢地嘅Apps 抽獎，跟本冇任何活動，又冇介紹過任何在場嘉賓，我地幾個唔熟個Apps ，跟本唔夠快去抽，仲有佢地只係俾左每人一杯野，啲野食有侍應送到面前，但坐左大半個鐘先得果兩個Round ，我有個朋友話佢地嘅野食超小家，坐左唔夠一個鐘就走左，我地等到另外一個朋友到場，打左個招乎就走左。同朋友豪哥一齊出去，佢叫去消夜，仲話嗰間野嘅海帶綠豆沙好正，

同事一早揚言今天三點三請吃下午茶，所以午飯時間想吃得輕一點。外出後漫無目的地沿着閣麟街往上走，轉去擺花街經過了「羅富記」、「泰昌餅家」仍想不到吃甚麼，再往荷李活道爬，「公利」就在眼前，醒起「玉葉」就在隔鄰的伊利近街，一於去吃碗麵吧。大概是剛開檔不久加上整個上午也下着微微細雨，老板娘仍在整理檔口帳篷，選了張需要一點技巧才能坐得穩的摺凳，等了好一會才有伙計過來替各食客落單。見很久也沒有吃過豬手麵，就來一碗吧。豬手麵 ($17) – 其實吃豬手麵對女士來說是有點難度的，因為通常隻豬手會大過個口，加上又要吐骨，麻煩兼失儀態。這裏的豬手，每碗麵有2隻，每隻如拳頭般大，豬手雖然夠大隻，但就骨多肉少，豬皮亦未算鬆化，沒有入口即溶的感覺；不過豬手確實炆得頗入味，吃起來帶點黏口。至於幼麵就帶著微微的鹼水味，而湯底因吸收了豬手的精華，油脂中散發著濃濃的南乳香味，不過此等高脂食物，只可偶一為之，純粹滿足一吓心癮，要適可而止。