帝樂 - 德國餐廳 (已結業)

平時黎尼喥食都只會揀自助餐,因為可以多D選擇, 最主要佢都會有豬手食但最近一兩次黎到都太多人排豬手, 最終食得唔多所以今次決定叫主菜豬手一整隻今日係公假,但竟然無乜客仔,嚇親小妹我,雖然自助餐不用爭不用排,但都不會影響我想叫一隻豬手既心情脆,不太咸, 加埋檯既醬同酸菜,好正今次黎都想試下其他飲品,平時食自助餐都只會叫檸檬茶大熱天時,尼杯 purple rain真係一流 尼杯The big O就麻麻地, 係好滑,但酒味不足 下次黎要試下其他野

因為朋友主動要求 & 之前係赤柱都食過佢嘅lunch 覺得ok 咁就再去食dinner，同朋友慶祝生日有live band，有一個女人唱得好～另一個就好似唱背景音樂 (即使係佢主唱) 聲啲好唔入咪 較為可惜呢間嘅氣氛真係ok嘅，都可以吹下水 休閒。食物方面就一般啦我地叫左兩個德國雜腸 & 豬手 雜腸就一般啦，不過不失豬手就咸得濟 不停飲野 囧rz另外就叫左沙律 & 麵包，麵包就無咩味，點佢啲醬先有返啲味 (′o`)整體就係一般啦 唔一定有下次 ((′ェ`)

已經是N次來, 但一直沒有寫過食評, 難道餐廳能保持水準, 所以這次食回來馬上行動!食德國菜, 其實選擇不多, 一定叫的是豬手, 皮脆肉腍, 只是略嫌小小偏鹹, 不過鹹豬手唔鹹, 就唔好食啦 本人最愛連肥的部份, 剩瘦更覺鹹, 而且有點硬!!其次必食的香腸, 由於已來過N次, 所以所有腸都試過, 各人口味不同, 但全部都OK 的, 今次因為只有二個人, 所以點了迷你拼盆, 3種腸各2條, 小小幼幼的, VERY GOOD!!由於全是肉, 所以點了一個什菌沙律, 酸酸地, 清清地, 又係VERY GOOD!! 食德國菜, 當然要飲德國啤, 今次叫了一杯麥啤, 甜甜地, 好易飲, 特別是食了咁多鹹肉, 比較口渴, 一大杯好快飲完!今次因為人少, 無叫到農夫包, 有點懷念! 最後點了個蘋果批, VERY VERY GOOD! 一定要趁熱食, 酸酸甜甜, PERFECT!試過N 次, 無邊次話唔好, 好難得, 8:30後有LIVE BAND, 就嘈小小, 不過又有人鐘意, 各選其好啦!!!

尋晚終於同幾位好朋友去咗呢度食野呀因為朋友有中銀咭, 我地共有五個人, 所以叫咗個半價 4 人餐先來了一盤農夫包, 個 dip 都幾香四個 mushroom soup, 好香濃好好味,三個頭盤, 驚喜唔大之後我地又坐下吹下水, 都唔見有 main course 上, 就要催下佢之後就上咗魚扒, 牛扒, 天使麵同埋豬手, 魚同牛都一般, 但個天使麵真係好驚喜, 來起時見佢好乾咁, 都冇乜期望, 但估唔到入口之後係勁好味, 好濃郁, 豬手都好食, 好香唔太咸最後有甜品有生果食仲有時有 live band 伴奏, 氣氛好好, 一定會再同朋友去食, 下次要食佢個德國腸盤架

星期六，為慶祝兩位友人生日，到了 King Ludwig Beerhall 食下午茶自助餐，餐廳正正位於新世界中心對面，尖東站的 J1 出口由兩點開始的 buffet，有熱暈、自選意粉、豬手/腸/雞翼/午餐肉、南瓜湯、甜品，選擇以 tea buffet 計算得上多，$108 的價錢，主力當然係狂食豬手 豬手的供應都非常足夠，頭半小時由於十分搶手，建議過了人潮再拎，真係任拎唔嬲，我就食完就食，味道剛好，而豬手皮也炸得脆口，這下午茶只食豬手已經回本了，只是情況有點像巴西燒烤，食得肉太多好易有飽的感覺德國豬手之外，南瓜湯也絕不欺場，自選意粉的材料去到尾輪仍會補充，很好。另外有一道以多士加上 mushrooms、火腿、芝士，再略烤一會的小食亦有新意，但味道麻麻，芝士無味. 甜品的選擇不多，但法式布丁水準不比其他自助餐的出品差，亦有即製 pancake，只是已經太飽了，沒空間再試餐廳的環境很有外國酒巴的感覺，飲一口麥啤，十分享受。服務方面，尚可，自助餐的服務要求不會太多，最主要不停供應豬手便行了 最後，這一餐超級抵食，因為我食完個 buffet，夜晚都無再食飯了 ^^Celia & Silvia

我地一行四個女仔,點左一隻豬手,一個暖蝦芒果沙律,雜錦腸,農夫麵包,同二條beer sticks,4 杯麥啤,甜品叫左apple strudel(蘋果批),同omelet souffle(巯夫里奄列)埋單$807元(會員有85折)我地坐果度好熱,無乜冷氣,投訴左,待應話我地坐個part 係中央冷氣,教大唔到,無計啦!隻豬手一向都有水準既,無令d friend失望,沙律都o.k,有4隻蝦,我地夠分,一人一只,哈哈!d 腸有好似有5款,其中有二款幾好食,白色好粗個款我就麻麻,好難食..農夫麵包我最中意食,真係好好味..但個果啤酒麵包條就好鹹喎,要嚟配啤酒就啱晒啦~蘋果批好難食, 疏夫里奄列普普通通啦.啤酒都出名架啦唔駛多講.我個friend 唔係幾飲得,佢都飲左0.5L,要彈既就係,唔明點解要分二段時間,6:00PM至8:15PM,(8:15PM後無限時段)8:15分要交枱咁話,都唔係咁FULL點解要咁樣分時段,同埋門口帶位個姐姐,多番D 笑容會好D 囉,昨天落雨,幫我D FRIEND把傘入完膠袋,黑口黑臉咁放係張枱都又唔出聲,咁就走左去!服務都係要改善一下~