101肉燥飯專門店 (厚福街) (已結業)

因為比賽關係, 差不多每個星期都要到尖沙咀一次, 厚福街簡直係常去, 基於趕住準備比賽, 多數都會揀D快餐店形式既餐廳, 101肉燥飯專門店經過好多次, 今日就揀左佢黎試試我揀既係瑞士汁雞扒蔥油撈麵, 其實係唔差架, 個瑞士汁雞扒唔錯, 雞扒好滑, 瑞士汁唔錯夠香, 蔥油撈麵唔係度度都有得食, 所以見到都好想試, 蔥油勁香, 但個麵做得唔係咁好, 食落有D硬, 但又濕濕地, 如果個麵好D就正喇男友揀既係三杯雞肉燥飯, 同朋友揀既係豬扒肉燥飯, 三杯雞食落唔係台式既三杯雞, 唔夠惹味, 肉燥唔差, 但都係同台式有D出入, 豬扒就好普通另外叫左個炭燒豬頸肉, 唔係講少, 好佩服師傅刀工, 竟然可以將個豬頸肉切到咁薄薄到好似豬肉紙咁, 連食落都好似豬肉紙, 豬頸肉應有既口感冇左, 而且燒得過左火, 要點醬先食到如果睇埋價錢同地理位置, 可以叫做唔錯既選擇, 不過你話係咪好食就見人見至啦

第一次來 這間肉燥專門店， 見到都幾多人應該唔會太差， 就決定一試。 叫左個招牌肉燥豬扒飯， 賣相都唔錯， 好整齊的感覺。 肉燥汁 撈飯食都幾好味， 豬扒咬感唔錯，算合格。 但有改進空間， 肉燥同汁太少 食到一半就已經無曬， 好似食白飯咁。